睿海御宴 (已結業)

朋友相約，原來在大坑一間私房菜晚宴。大坑出名舞火龍，而菜館的樓梯及門面裝潢亦環繞著大坑及火龍，配合今年大坑恢復舞火龍，都算應節。而館內則清幽雅緻，環境舒適。我們點了今期的推介，陳年花雕雞半隻，另配兩個小菜為牛乳滑蛋炒蝦球及XO醬家鄉小炒皇。前菜為微辣的小青瓜，味道不錯，開胃之選。先來的是熱焫焫的牛乳滑蛋炒蝦球，滑蛋剛熟，加上用牛乳來炒更加夠嫩滑。蝦球大隻爽口，雖然我們沒有配飯，但單食也不錯。XO醬家鄉小炒皇是用韮菜、腰果、薑蒜配以XO醬來炒蝦球，加上炸過的魚乾及蝦皮，鑊氣十足，香氣誘人。主角的陳年花雕雞半隻，用大量的薑蒜起鑊爆香，配以花雕及蔥度，使到本已嫩滑的雞吸收了蔥香及酒香，更加相得益彰，我也禁不住舀了一匙酒湯來飲。雞肉肥大肉厚，份量十足，可以大快朶頤。甜品是杏仁露，熱呼呼的端上來，未嚐已經聞到杏仁的香氣。

🏮就快中秋, 今年仲要適逢連住十月一日紅日, 三日假期都真係可以好好玩下🥳 香港最有中秋氣氛嘅地方一定係大坑, 傳統舞火龍活動只限28-30/9晚, 60幾米長嘅火龍沿火龍徑舞入大坑, 香火鼎盛真係好有特色🐉睇火龍之前一定要醫飽肚先, 大坑出名多小店, 今次推介呢間私房中菜坐得舒服, 啱哂同屋企人黎. 沿住樓梯行上餐廳係一牆連貫嘅火龍壁畫, 好有地區特色平日晚上黎有唔少熟客, 座位唔多但有兩間房, 私隱度高我地叫咗個花雕雞套餐, 半隻雞 (勁大份量!)加自選兩個餸價錢合理, 份量夠3個人食👨‍👩‍👦招牌花雕雞非常之滑,🐥肉嫩多汁, 花雕湯汁入哂味但連雞胸都唔嚡口, 而且外皮光滑無爛開🍲花雕酒夠香但唔苦, 面頭嘅青蔥仲翠綠, 裡頭就落咗大量炆到腍甜嘅乾蔥蒜頭🧄, 識食一定係食吸哂味嘅佐料 花雕雞湯撈返碗白飯就啱哂🍚 牛乳炒蛋又係超滑之作, 唔駛點咬都已經吞得🥚 雖然加咗牛乳, 但用上靚蛋蛋香味濃, 加埋超爽口嘅玻璃蝦球超好食🦐平時我好少叫小炒皇, 但呢度嘅版本好多靚料: 蝦球、🦑魷魚鬚、蝦皮、脆炸甜魚仔, 仲有唔少得嘅豬爽肉🐷同埋最嫩果段韮菜花脆爽鹹甜嘅比例拿捏得宜, 鑊氣夠又唔太油.最

今晚約好銅鑼灣之友在大坑附食近生日飯。朋友選擇在樓上的餐廳，座位會更舒適，而且無限定用餐時間。為了晚餐的幸福，當然要行多步。可是朋友近來玩生酮飲食，所有澱粉質都要skip。那麼淨點小菜不要飯，就點這個套餐吧！有雞，另加二款自選系列。 當紅炸子雞      炸子雞原隻吊起以滾油淋熟，外皮都變成紅彤彤的，就是當紅炸子雞了!  皮脆肉嫩，唔乾柴，就連雞胸都是滑滑呢！來到最後一件，雞皮仍是脆脆的。  牛乳滑蛋炒蝦球       炒蛋滑滑的，唔無太多牙力容易咬，很喜歡這口感。炒蛋有蛋香，沒有蛋腥味，加了胡椒粉還是醋？雪的蝦仁大件又脆口，有底味。開始想像: 蝦仁以油鹽粉醃製，放在雪櫃讓其抽走額外水份，增加蝦仁的脆脆口感。魚香茄子煲    又係軟綿綿系列，吾所愛也!   整鍋熱辣辣上枱，香噴噴。浸過鹽水的茄子沒有澀味，配上鹹香濃郁的魚香醬，整體香中有辣，辣中帶甜。個人最喜歡茄子芯，多粒脆口的籽籽，有口感，更可保持腸道暢通。 陳皮紅豆沙  真是起沙，還找到陳皮。然後來一杯普洱做完美的句號。享用過晚餐後，沿著火龍徑來到叮叮路經維園轉去百得新街<濕平>。這才是真正的<夜繽紛>