芝樂坊餐廳

營業中

休息中

今日放左工同b🐷去尖沙咀搵食😚 之搵上網搵餐廳時，已經成日見到芝樂坊餐廳個名，以為係普通港式西餐廳，每次都俾其他餐廳吸引走左小編🫣今次終於決定咗去食，6點前去到唔洗等位👍🏻👍🏻平時大排長龍，餐廳都會安排部機比客人行街等，響機先翻餐廳等。脆脆蟹肉寶 (3.8/5) $96一碟有6粒大大粒既金黃香脆蟹寶 上菜時睇見到流曬口水🤤 即刻炸起 建議大家唔好心急即刻放入口焫親嘴仔呀😛 個餡料係會見到蟹肉絲架😍混落忌廉同洋蔥粒 好香口🤩果然係邪惡小食😳達文西長通粉 (4.8/5) $196呢碟可能係我食過最好食既長通粉😳長通粉以馬德拉甜紅酒汁烹調，呢個汁真係好味到飛起😧唔好以為紅酒味好重，因為紅酒味已經演變左成酸酸甜甜又帶有煙燻既味道，整碟通粉上的配料(雞肉、蘑菇及洋蔥)都被此汁均勻沾上，就份量係3人份，小編同b🐷都食到清光光🫢牛奶焦糖芝士蛋糕 (4.5/5) $82$82一件芝士蛋糕 緊係唔惹小啦😎大大件 基本上食完主食 係要飽住食呢件蛋糕🫡但鬼叫芝樂坊餐廳係出曬名芝士蛋糕好味咩 唔係唔試呀?!🤭超多口味選擇 係個雪櫃望左成5分鐘先決定到叫牛奶焦糖芝士蛋糕🫣的確 芝士真係好香濃好滑🤩 滑到一口即溶

本來打算黎食晚，點知好早5點黎攞位但職員話未咁快有喇，叫我哋6點先黎，點知6點黎到已勁多人係外面排隊，職員話要9點半先有位會電話通知，最後去咗另一間餐廳晚餐。食完晚餐剛好先黎呢到食個甜品，叫咗三件芝士蛋糕，好大份，對於已吃了晚餐的我，結果係一個人係食唔落一件芝士蛋糕。選擇芝士蛋糕方面，我最愛選擇有酸味的芝士蛋糕，呢個青檸就剛剛好，又開胃令食咗晚餐的我都食得到一件。而同行友人就叫咗oreo 其實呢個都好好食，我覺得唔算太濃都唔太濟肚至於焦糖呢個不得，我個人不愛太甜，有焦糖都覺得太甜太漏，結果呢個蛋糕係食唔哂。至於呢份餐前麵包，大家食完晚飯都飽咗9成，完全都冇掂過，有點浪費。

終於得閒試食好出名嘅cheesecake factory😍平時夜晚起碼都要等一個鐘先有位如果唔想等咁耐位 可以考慮早少少食嘢或者食午餐😌星期六兩點左右都可以walk in 😉.Lunch烤蒜雞肉蝴蝶粉 $114一上枱就覺覺得碟野量都幾大由巴馬臣芝士忌廉汁烹調而成🧀🤤配合雞肉蘑菇蕃茄青豆洋蔥等配料食落啖啖忌廉汁😍😋Creamy 到爆登❤️❤️不過食咗大半碟已經覺得有啲滯了🤣牛奶焦糖芝士蛋糕🍰 $76原本以為會好甜 估唔到比想像中淡身😌芝士味好濃郁 底層為雲呢拿餅底😋芝士蛋糕加上杏仁糖碎粒 焦糖慕絲口感更有層次更豐富🤤

這間餐廳剛開業已受注目，我一直都好想試，但聽聞要排隊排好耐，已經令我卻步。唸住等熱潮冷卻少少，唔洗等位等太耐才去試下，所以揀左今晚同墨丸米試食。－放工即刻趕去，搵左一陣，原來是以前戲院位置，大約六點左右到達，已經見到有人排隊了，入去接待處報人數同名字，職員會派－個排隊機仔，然後告訴我大約40分鐘要返到餐廳等！當時機仔顯示我排第17個，等到七點多，排隊機仔終於震動，然後交還接待處等帶位！估不到熱潮還末過，都要等成一個鐘多幸運地被安排坐卡位，寬敞舒適，可能企左成個鐘關係，已經肚餓我地叫左:釀蘑菇蘑菇厚肉，並釀上濃香芝士及香草，好有口感，好好味燒啤梨藍芝士烤餅類似pizza, 有甜甜的啤梨肉，咸香藍芝士，再配上烘乾合桃，味道有層次，餡料豐富，加上餅底脆口，yummyEvelyn's是粗管通粉，口感特別， 橄欖味濃，不錯面包不收費的，熱辣辣超香，好味到再refill 呢！牛奶焦糖芝士蛋糕主角出場！好濃味芝士，超cream, 超＇漏＇我地已經三個人share一件蛋糕，但越食越甜，甜到有些頂不順，如果一個人食哂一件，肯定超哂標我覺得芝士蛋糕麻麻地，反而主菜好食

Cheesecake Factory （芝樂坊）終於喺香港海港城同大家見面啦！知道呢個消息後我地班大學同學一窩蜂走去試下。六點幾去攞飛，大約八點半先有得入座。同其他食家既 comment一樣，真係等咗好耐好耐先有得入去！一坐低店員就會奉上麵包同牛油。我地成班未望menu已經先食麵包，因為實在太肚餓啦！麵包有兩種：白/黑。個人覺得黑色果種好食啲，配埋牛油真係perfect match！1. 芝樂坊沙律 （HKD 166)芝士味好濃，餡料主要有番茄粒同雞肉。味道一般，建議另選其他沙律款式。2. 芝士四重奏長通粉 (HKD 156)將長通粉混埋芝士食...會有好豐富既層次。令人食到停唔到口！3. 「細細粒」卡真辣雞肉 (HKD 178)一上菜就聞到濃濃香味。一定係剛剛炸既！其實雞肉唔係好辣，最重要係旁邊果兩個醬。除左雞肉仲有薯蓉同配菜，飽肚感十足！4. 牧羊人批 （HKD 208)推介！5. 牛奶焦糖芝士蛋糕 (HKD 79)黎呢度最重要都係點芝士蛋糕食。呢個焦糖味超濃郁，配埋忌廉食真係世界級正！6. 30週年紀念朱古力芝士蛋糕 （HKD 79)得個排頭，完全都唔好食既。有啲失望。我地一行七

一開幕時依間店已經好多人,夜晚7點後條人龍更加恐怖,每次都要花個半小時排,拎左籌未個alarm你,但個alarm只可以接收到500米內的範圍,所以都唔可以亂走,最後我發現食7點的朋友,可以6點拎籌,行一陣,7點就會入到去...其實地方都好大,但我留意到有位都未必安排入座,因為唔夠人手,總之都係早拎飛早享受(好似講緊廢話)依間出名食芝士蛋糕的,但其實佢的沙律,頭盤都好好食,今次我地一行6人就食左沙律,雞翼近年牛油果好受歡迎,用牛油果做沙律一定好食,但我最中意佢的沙律汁,酸酸的,落左檸檬汁,超開胃水牛雞翼係我必食的,大大件,少少辣,最緊要熱辣辣端上黎,外皮脆卜卜,再食埋西芹解辣清膩,炸蝦拼盤的蝦量比我想像中要多 再配埋薯條,強烈建議配啤酒食用蘑菇漢堡其實同burger room感覺差不多,牛肉都係好食,好juice,但就不會有太大驚喜食完頭盤,前菜,主角出場啦, 我地點左4個蛋糕,其實蛋糕櫃每款件件都好精緻,好想每件都食一啖,最後叫左4件,有我大愛的焦糖芝士蛋糕,香濃焦糖味,真係冇其他蛋糕店可以比得上而檸檬,紅絲絨蛋糕都是比較清,不太膩但講到最甜就非30週年朱古力芝士蛋糕莫屬,我只吃了一口

可能一開始期望過高，所以食完都幾失望😞我地6點前walk in 入， 唔駛等 但眼見場內座位已9成 full。 朋友6點後才到，說門口已出現等位人龍。兩人共叫2小食，1主菜，2件cake, 1飲品，埋單共$720+。唔好彩地，叫左2款小食，但兩款味道都勁泰式feel。 主菜話係 "高人氣之選"，但。。。😧 (PS: 大部份菜式係服務員推介的)總知唔似食緊美國餐， 但朋友係美國食過，話美國既味道係好食過香港，係有點不同的。到左重頭戲，都係最期待既甜品時間~蛋糕!我出左去 "蛋糕櫃"到望過， 但有點亂，個雪櫃太細，D蛋糕迫迫埋埋，有前有後，睇水牌(蛋糕名牌)，都唔知究竟係屬於邊款實物蛋糕! 有多人又忙，問唔到職員😑。。。最終，我order 的蛋糕，原來唔係睇岩個款蛋糕， 不過照食，都無所謂啦！講返重點。。。蛋糕唔夠凍，唔夠硬，太甜太漏， 食半件已頂唔順唔食了！😅但成$79一件喎，唔浪費，打包餘下半件回家😆😛不得不稱讚既係， 店內服務真係好好， 職員又健談， 店內洗手間都幾好(環境清潔，設備齊全)，希望做耐左都仲 keep 到啦！