牛牛台式鴛鴦火鍋

營業中

休息中

用餐時間：普通星期1 1900-2100呢度鴛鴦湯底唔洗加錢，所以就試下麻辣搭沙爹。湯底同其他平價火鍋一樣都係偏淡。餐廳空間比較逼，坐落唔係好舒服。除左海鮮同肉類之外，其他野都係係自助區攞。選擇係幾多既，個人比較鍾意既材料係鴨血同埋午餐肉。雪糕有dreyers 大桶裝，亦都有細細地既杯裝雪糕。飲品有自製既飲品，亦都有外購既飲品，整體都算齊。甜品就係小杯裝嗰啲，不過我覺得平價放題店既甜品質素多數都係麻麻地，所以我就無食到。牛肉有3種，分別係牛梅花，牛小排，安格斯牛。個人覺得牛小排最好，其他兩種都係麻麻地，所以都係主要食牛小排。海鮮試左蝦，八爪魚，脆肉鯇。蝦同八爪魚淥完縮水到超細隻，個人唔推介。而脆肉鯇比較多細骨，我呢啲唔鍾意吐骨既人就唔會鍾意。最後埋單免加一係$474，3個人平均每人$158。作為一間平價放題黎講，我覺得佢哋係合格既，尤其係牛肉水準確實唔錯。

旺角既創興廣場一直都有好多食肆，而且都係主打放題。今日我地就黎左牛牛台式鴛鴦火鍋。雖然呢間餐廳叫台式火鍋，但係我就感覺唔到同一般港式火鍋有乜大分別！經openrice 訂左位，唔駛等直接入座。呢度既點菜紙選擇好少，因為大部份海鮮配料都係要自取既。不過點菜紙上既配料質素都唔錯，牛肉以任食黎講算高質！唔太肥，而且有肉味！唔似有啲火鍋任食，只係食到一舊肥膏。另外，海鮮類都幾好。蝦夠大隻，而且彈牙。唯一挑剔就係我地一行六人但佢每次都只比四隻！不過老闆（疑似）聽到我地意見，就即刻比左一大碟我地，算係幾好！仲有蜆，雖然細細隻，不過鮮甜無沙。外邊配料區無影到相，不過選擇都算幾多!另外，飲品選擇都算多，可口可樂仲要係玻璃樽裝！！仲推介甜品區DREYER'S任食，不過就唔係獨立杯裝，又有紅豆雪條同朱古力雪芭波波可以拎走慢慢食！

近排天氣咁凍，一於同班friend去打邊爐，我哋咁大食，就梗係要去食任食打邊爐。本身想去創興樓上果間任食打邊爐，點知full booking，walk-in 都無晒位。於是就去咗樓下嘅「牛牛台式鴛鴦火鍋」，見到無咩人等位。一入到去，姐姐都好有禮貌咁樣帶我哋去4人卡位，仲好好心咁推介咗呢到嘅主打同埋特色嘢，形象上先加佢一分！！門庭若市！！好多人，抽風唔算好，有改善嘅空間混醬區：醬料都算多種類，因為呢度主打麻辣火鍋，所以有麻辣醬同埋少見嘅花椒油。飲品區：飲品種類繁多，除咗基本嘅汽水，涼茶，沙冰同埋橙汁乳酪之外，仲有咖啡，朱古力同埋茶等等嘅熱飲，能夠照顧到唔同顧客嘅需要，抵讚！！點心紙：格式係模仿台北某間麻辣火鍋店。主打嘅係肥牛。值得一試嘅係麻辣火鍋湯底真係好足料。鍾意食辣嘅朋友一定要試下。而我地就叫左個麻辣同埋芫茜皮蛋嘅鴛鴦湯底。好似係牛梅花：牛嘅品質算得上係唔錯牛小排（好似係）：切得較薄，好重牛味！其他食材好似係丸物同埋內臟等等都係自己出去夾嘅！！上菜速度好快，以任食火鍋來講，一次嚟到咁多碟牛算係神蹟。墨魚滑：自己係出面嘅凍櫃攞嘅，好彈牙，唯獨係墨魚味唔夠重。甜品櫃：甜品嘅選擇好多，能夠