牛極 (皇后大道東）

營業中

休息中

好耐冇出街食飯呀 食得好耐冇嚟灣仔我喺我以前返嗰間教會對出馬路地舖原來開咗一間日式石燒牛專門店, 好耐冇去日本呀真係好掛住日本嘅嘢食. 見呢度位置方面裝修好日式就入去試下啦我不嬲都好鍾意食牛扒嘅通常出街食因為自己煮得冇咁好食呢一度係半自助式嘅 珍珠米飯牛肉湯同埋椰菜沙律都可以添食自助就要行出去攞囉熱辣辣嘅牛扒就喺個熱石上面燒住奉上180 gram嘅牛柳配飯都已經好夠熱上面一路食一路慢慢燒好juicy呀啖啖肉嘅牛都好厚 仲可以揀日式嘅醬汁喇蒜頭同埋辣醬簡簡單單仲可以加啲鹽同黑胡椒咁加少少就好好味啦啲牛.呢度座位都好舒服一啲都冇焗促感, 販賣機感覺真係好似去咗日本咁呀啲牛好新鮮好juicy午餐都好經濟實惠呀另外仲有雞呀鰻魚咁樣價錢一啲都唔貴 返工食lunch真係一個好嘅選擇

唔想食咁貴，但又想食牛扒，我都會諗起呢度。其實我係好鍾意佢任食嘅沙律同埋任飲嘅湯可以吃到飽我覺得蒜蓉係一定要加湯同白飯可以無限添食，白飯都可以加 seasoning，好好食沙律有兩款 dressings，芝麻汁同醋，食左勁多沙律菜我覺得最左手邊、BBQ STEAK SEASONING最好食一上枱、仲爆熱架、要小心跟手即刻切開，因為中間會比較生，要靠個版嘅熱力整返熟啲肉都差唔多啱自己嘅生熟度、即刻夾返起牛肩肉 180g 牛味比較濃牛柳 200g 就相對比較淋但兩款肉都好好食，200g 真係唔夠喉

星期日唔想煮飯，去牛極食塊扒算數。牛柳 $110上次黎係食牛肩扒，今次豪少少升級食牛柳。一如既往，塊扒上枱既時候係用抹手紙蓋住，防止油彈出黎，用一支牙簽拮住固定，都幾體貼。塊扒上枱既時候外面已經全熟，入面就仲生，自己切細然後係塊熱石板上加熱。要攞即棄圍裙，如果唔係塊扒d汁彈到成身都係。我即刻就開餐馬上切，要同塊熱石鬥快，幾熟先食自己話事。牛柳超厚肉，食落啖啖肉而非常嫩口，厚切都唔韌。塊扒簡單用黑椒喺表面度醃，我覺得夠味，點自家製燒肉汁反而有啲過鹹。我鍾意伴蒜蓉一齊食，凍凍哋嘅蒜蓉可以幫手降温，否則熱石燒完即食易辣親。肉汁就間間分店都一樣，有三款比你自己攞，分別係自家製燒肉汁，蒜蓉同辛味芥末燒汁。我鍾意呢度既沙律係任食，唔夠飽可以食多碗。沙律係簡單既生菜同少量車厘茄加玉米粒，生菜大部分都新鮮，有胡麻同柚子沙拉汁自己落，胡麻同柚子沙拉汁都好味。湯都係任飲。湯係日式牛肉湯，其實有d似羅宋湯，不過完全唔辣，好彩俾我揾到好多紅白蘿蔔片，洋葱片同牛肉。米飯都係任食，旁邊有d芝麻粒俾你自己落，我就冇食飯，只食沙律都夠。

對上一次食石板燒已經係兩年前， 到依家仍然念念不忘。路經灣仔皇后大道東， 熟悉的氣味， 久違了的石板， 毫不猶豫要入去試一試。200 gram牛柳，$110。 認知中嘅牛柳一向都係厚切， 呢度亦都唔例外。 石板溫度好高， 自己操刀需要有番咁上下技術。 個人認為牛柳最佳熟成度係三至五成熟， 保持肉味之餘 仲可以維持處牛肉鮮嫩嘅口感。 餐廳提供多種配料和醬汁用以烹調牛扒。餐廳亦供應餐 牛肉湯（ 個人認為好好味），飯類與及沙律，可以無限添飲添食。

今次再同同事一齊落單～落埋remarks我個餐一定要全熟～另外加飯素～可能星期六無平日咁忙，今次真係幫我well done la!不過唔記得執刀比我⋯要用自己刀切扒～～

行過灣仔皇后大道東附近，見到呢度新開左間牛排店，決定入去醫下肚。我揀左牛柳（按重量有唔同價錢最平係$110/200克），除左牛排按重量同唔同款式唔同價錢外，白飯、湯、沙律可以任裝。白飯上可以放一些紫菜漬物蕃茄牛肉湯，我比較鍾意食牛肉，所以就自己拎多少少，湯仲有紅蘿蔔同洋蔥。都幾足蕃茄味。前菜湯律我倒曬兩種汁（麻醬同柚子一齊酸酸又有日本風味，夠開胃）牛柳 （$110/200 gram) 牛排一成熟係熟石上上菜，再自己慢慢燒到幾成熟就幾成熟。岩曬鍾意煮野食既我。我鍾意6成熟左右食，牛柳夠口感又有牛肉味。