一韓燒

營業中

休息中

平日晚上可以walk in有位，算得上是新蒲崗區食肆的最大優點，今晚第一次去一韓燒，未敢亂試新嘢就只選肉肉肉…北海道產黑毛和牛套餐唔太貴，肉眼大大件有得剪又夠飽肚，牛肩胛也滑滑有油，好味另一份叫了牛氣十足，份量多，250g已夠一個人食，只是橫膈膜會較粗，一燒耐了似阿媽煮的炒牛肉最後忍唔叫多碟五花腩，麻麻，邊位肥肉易變橡根，幾十蚊確不能與高價肉相題並論，我錯環境不油煙，櫃桶有齊濕紙巾、抹手紙，感覺良好，自助水免我再喝肥仔水，下次光臨先再試特飲吧

只要識得食，真係可以食得飽又唔怕肥。燒肉就係我其中一個好選擇，生銅飲食嘅燒肉餐冇飯冇澱粉，單靠食肉及蔬菜，已經夠飽。一韓燒哩度的燒肉套餐，就可以比你飽住瘦，唔食飯就有quota食多幾塊肉,而且呢度價錢極度親民，叫多兩份肉，身理及銀包都完全無負擔。韓式菜包黑毛豬五花200g套餐哩嗰套餐係不跟白飯嘅生銅套餐，飽住瘦身有湯、有前菜、有生菜及五花腩，200g有12塊，份量其實都好多，而且個套餐只係 $67, 超抵食。五花腩層次好分明，放上個爐度燒 ，油脂出曬嚟，豬肉味好香，生菜包住食完一件又一件都唔覺得油膩。牛氣十足150g套餐$118跟飯嘅套餐，仲一次過滿足哂你三個願望，有三款唔同既牛肉，牛小排拼牛板腱拼横隔膜。睇到雪花紋及鮮紅的顏色，就已經覺得好好味，每隻都有三至四塊，肉身較薄，好快燒完就食得，牛小排味道鮮甜，肉質軟腍，3款中比較喜歡牛小排的。唔想要套餐都可以散叫，仲可以追加A4黑毛和牛。和牛又有幾個份量任君選擇，分別追加了黑毛和牛A4牛肩胛90g及A4肉眼蓋90g，只要叫和牛，都會送一只黑鬆露日本生雞蛋，黑松露真係超級香，將和牛沾上生雞蛋吃，有黑松露香味之餘，更增加一份鮮甜與滑溜。牛大腸