芽莊越式料理

營業中

休息中

去左popcorn 搵野食，見到芽莊就入左去用餐門面好似好細間，但入面幾大😊我地叫左碟雞飯，正常，唔會比泰國菜比下去🤪另外叫左碗手打牛丸湯粉，個牛丸好有牛味，juicy😋好味最後有我最愛的牛油果沙冰，有些偏甜☹️服務員都好有禮貌👍👍

打算帶小朋友去玩namco,就緊係要醫飽個肚先有力氣陪癲啦🤭見到芽莊，突然懷念pho既味道～一上枱就係見到好多好多各式既蔥😂，味道唔錯，湯都濃味，不過可能我放左陣先食，啲牛就有小小un，放兩粒辣椒呢碟就比較失色，唔知係本身放廚房凍左定撈檬要凍，脆皮蝦卷凍左唔脆，撈檬啲粉都好碎濕濕🙁呢碟就...好似茶餐廳啲碟頭飯咁😂見餐單竟然有牛油果，身為牛油果愛好者。決定一試。呢杯佢寫係沙冰，但比較似係牛油果奶昔，無沙冰既感覺。但係好飲，好濃結，都有牛油果味，飲晒成杯都飽左半個胃

之前係尖沙咀食過幾次芽莊,一直覺得質素唔錯今日同偽。公主經過將軍澳，見到有間分店就順便去試吓啦，見到都有人排隊，諗住應該幾穩陣喇，點知.......先嚟嘅係"香茅燒牛肉卷"，賣相係可以，但食落原全冇味道，連燒牛肉本身嘅油香味都唔見埋再嚟嘅係"芽莊牛油雞翼"，似係預先炸起再返炸，食落又冇牛油嘅香味，感覺似食普通炸雞翼"生牛肉湯麵"嚟到梗係飲啖湯先啦，個湯味道都夠，不過又係唔夠熱，攪到d牛肉淥極都好似差小小咁還好麵質都算可以.....最後杯"牛油果沙冰"，反而有驚喜入口夠晒香滑，不過口感似奶昔多過沙冰但都算好味問心講~食物質素同尖沙咀鋪差太遠喇要食下次都係去返尖沙咀好個人認為，可以不試