DAMA (已結業)

/#尖沙咀 【🌱純素輕食🍨】🥶凍到咁 等你哋再睇下啲凍嘢啦😆😆😆呢間舖已經見過唔少人打卡 今次終於親身黎到！注重健康的你可以嚟😬★*"`'*-.,_,.-*'`"*-.,_☆,.-*`'`*-.,_,.-*`'`*★-.,_,.-*🌯牛油果燒烤醬素菜卷 + Latte $88#牛油果控 揀呢款wrap一定冇錯🥑雖然冇肉喺入面 但有塞到滿哂嘅牛油果🥑雜菇同菜🥬所以都好豐富 而且燒烤醬同呢啲配料都幾夾 甜甜地 食完飽哂😋杯Latte用植物奶沖嘅🍼其實用植物奶沖嘅咖啡我反而覺得更香滑 所以有時自己買咖啡都會轉奶😌🍝植物肉醬長通粉 + 蜜桃熱情果茶 $98雖然係用植物肉造嘅肉醬，但係食落去真係分唔出同真肉醬嘅分別😨外觀口感都同真肉一樣 可以放心食🍝呢日得10°C☃️🥶呢碟熱食係恩物！蜜桃熱情果茶偏甜🍑但想refresh一下是不錯的選擇！🍨竹炭椰子可可雪糕 $38再講多次 呢日10°C☃️🥶但食雪糕🍦😂特別嘅雪糕就揀個特別味吧😆純素雪糕🍦即係無蛋無奶🥚🥛佢嘅texture有啲似gelato🍨望落黑色 係因為竹炭 味道食出有可可及濃郁的椰子味🥥是不錯的

店舖在K11四樓，經過會被大口公仔吸引住，我就被那句吸引住：We are DreAMA not a salted fish! 小編都唔係咸魚呀！🌹牛油果燒烤醬素菜卷可能冇翻熱嘅關係，嗰卷皮有點腍，不過牛油果同燒烤醬係夾嘅，食落味道口感都唔錯，心諗稍為叮翻熱可能會更好。-🌹和風紫菜百頁豆腐稻庭烏冬比較少凍食烏冬，但原來凍食又另一番滋味，加上配菜都唔少，有主角百頁豆腐，有菇，有蕃茄，味道最出嘅係和風紫菜，用上精美嘅紙盛盒，成整事好日本風，讚的。-🌹湯湯係中式湯，好似同其他食物格格不入，但小編本身喜歡中湯，只要好飲理得它襯唔襯呀！是蓮藕同粉葛加豆，熱上，好味又健康，讚。-🌹純素朱古力雞蛋仔雞蛋仔本身就好邪惡，但衣嗰係純素就安心了好多，焗得好脆，邊位更脆，朱古力好濃，這個雞蛋仔特色係放係嗰杯度，因為要配上生果同果仁，咁嘅配搭又幾好喎，讚。-🌹柚橙凍粒粒橙味加柚子粒，味道爽甜，大杯，讚-🌹迷你軟雪糕筒，火龍果，芒果這個雪糕筒真係好迷你，睇落好得意，而小編亦覺得份量剛好，餐後有時真係不用太大支雪糕，淺嘗它們味道已經好滿足。

應該很多朋友仔跟我一樣，每天也大魚大肉。其實我每星期有一天都會一整天吃素。這間新派素食店不單健康有益、色彩繽紛，食物還很多元化、美味。麵食套餐 - $88和風沙律百頁豆腐稻庭烏冬惹味一點可以選擇另一款麻辣口味，麵底可以選擇淮山麵。百頁豆腐比一般豆腐更有彈性，充滿水份；和風沙律醋醬汁另上，可自行控制份量，用以拌食新鮮的沙律菜和彈牙的冷烏冬。 士多啤梨芒果沙冰新鮮水果製成，不論水果還是冰塊都打得綿密幼滑，完全不覺有冰粒感，充滿士多啤梨和芒果的酸甜，好清熱解暑。卷物套餐 - $88牛油果燒烤醬素菜卷或者可以選另一款日式麻醬烤豆腐卷。作為牛油果控，當然選擇細膩鮮美的牛油果，燒烤醬有點韓風的味道，外皮的墨西哥卷餅柔軟有嚼勁，頗飽肚。火龍果海鹽杏仁奶蓋烏龍茶這杯絕對是招牌飲品，之前晚上經過想喝，但有機會售罄的。豆腐製成的奶蓋不及芝士那麼濃烈，但多份淡雅，裡面有些腰果碎粒，增加口感；火龍果肉、杏仁奶和海鹽三者打成幼滑的沙冰，再將醇香的烏龍茶作茶底，整杯好有層次。港式雞蛋仔軟雪糕 - $78純素軟雪糕絕對是店家的鎮店之寶，無牛奶及雞蛋成分，質地頗延身，帶微微冰感，溶得不快，入口滑溜，以火龍果肉製成，好

[ #caloriefoodie尖沙咀 ]• 𝙳 𝙰 𝙼 𝙰 •🐿主打健康素菜飲食既輕食小店 有甜食有鹹食最吸引就係純素雪糕 無牛奶、無雞蛋成份!!間唔中想食下素食的話 都不失為一個好選擇-🍓士多啤梨乳酪軟雪糕 + 雞蛋仔 💰$58+💰$30每日都會有四款唔同口味既雪糕 亦可以兩溝 當日口味就有榴槤、芒果、火龍果同士多啤梨乳酪今次試咗士多啤梨乳酪味 乳酪味比士多啤梨味重 重酸味雞蛋仔即叫即整 因為係純素 所以都冇用蛋熱辣辣脆卜卜加埋雪糕冰火交融 口感特別-🍼燕麥奶杯裝雪糕 💰$38杯裝雪糕一共有六款口味 有貓山王榴槤、火龍果竹炭椰子可可、抹茶、楊枝甘露同埋燕麥奶硬身雪糕 燕麥奶味道有小小似麥精 幾得意-除咗甜品之外 仲有素菜輕食既選擇添٩(˃̶͈̀௰˂̶͈́)و麵食套餐 💰$88、卷物套餐 💰$88、小食套餐 💰$68-冷百頁豆腐稻庭烏冬 + 招牌水果烏龍茶 💰$88🍜烏冬可以揀醬汁 自家製麻辣汁或和風沙律汁當日想食fresh啲 所以揀咗和風沙律汁百頁豆腐咬落軟滑 仲有香菇、車厘茄、豆做配菜🍹水果茶重茶味重酸味 估計係有橙、柚子等水果-牛油果燒烤醬素菜卷 + 士多啤梨芒果沙冰 💰$88🥑素菜卷內

鍾意食素🥗或者對牛奶敏感🍼❌嘅朋友，有福了💮除左佢出名既純素雪糕，亦都有主食/小食提供。店舖較細，近門口都有三張枱，而店内都有幾個位坐下。✨味道78分，服務75分，環境70分。.🔸冷百頁豆腐淮山拌麵(自家製麻辣汁)($58)跟餐價$88跟湯或者飲品。佢可以選擇稻庭烏冬，淮山麵口感咬落幾爽。百頁豆腐中間軟熟得來幾彈牙，唔錯。揀咗麻辣汁，都幾辣下，不過啲汁較少，底下好多沙律菜，有豆，有菇，唔係好夠汁。.🔸牛油果燒烤醬素菜卷($58)(餐$88)bbq醬幾惹味，甜甜鹹鹹，配埋牛油果菜幾夾。.🔸蓮藕粉葛湯($38)好足料，食到好多料，湯飲落都好濃厚。落左好多蓮藕，粉葛，赤小豆，腰果，扁豆。.🔸蕃薯條($38)炸得好香脆，又夠熱，蕃薯肉本身甜甜地，外面落少少鹽已經好夠味。.🔸貓山王榴槤雪糕($68)⭐️配港式雞蛋仔(+$30)推介⭐️榴槤雪糕超香濃，仲係純素軟雪糕，另外加咗雞蛋仔，都係純素，無蛋，無奶，雪糕食落同平時嘅雪糕冇分別，雞蛋仔外脆內軟，但味道粉味較重。

K11 Musea有唔少餐廳，一路以為DAMA只有雪糕，原來仲有鹹點同飲品。餐廳堂食位置唔多，有兩張檯同幾個counter位。裝修夠晒色彩啱晒打卡，而食物主打健康素食，都係好ig-able。同朋友兩個人嗌咗兩個餅捲套餐同埋雪糕做晚餐，$300埋單。CP值高，味道、健康同打卡都做到。▫️餅捲只有兩種選擇，日式麻醬烤豆腐卷同牛油果燒烤醬素菜卷，兩個叫晒。▫️日式麻醬烤豆腐卷 – 有百頁豆腐、毛豆、甘筍、羽衣甘藍、車厘茄，再配麻醬，口感豐富。▫️牛油果燒烤醬素菜卷 – 燒烤汁配牛油果，出奇地夾，素菜卷有好多款唔同配料，清新好味。▫️套餐仲配一杯自選飲品，嗌咗招牌水果烏龍茶同雜莓沙冰，怕甜可以叫少甜或無糖。飲起嚟比想像中清新。▫️食完鹹點就到雪糕，嗰日有3種味道 – 紅肉火龍果、菠蘿薑同綠茶。菠蘿薑味道有少少辣，夠晒醒神又特別。紅肉火龍果味道清甜，配埋朱古力味雞蛋仔，無用雞蛋整嘅雞蛋仔，係用咗植物奶同木薯粉等材料去整，外脆內煙韌，連埋新鮮生果同果仁一齊食，正！

上次只嚟食咗杯雪糕，今晚就同媽媽嚟呢到食晚餐，呢到食純素食雪糕，仲有其他麵食、卷物都係素食系列，我哋兩個人食咗3個套餐 + 一杯雪糕，勁滿足 港式雞蛋仔軟雪糕 $78被呢款外型靚到爆嘅雪糕吸引住，食落仲唔會好甜；媽媽就揀咗「紅肉火龍果」雪糕🍦味道清甜；除咗雪糕仲有個朱古力雞蛋仔包圍住，無蛋嘅雞蛋仔一樣都外脆內軟；配搭埋多款唔同水果，賣相真係100分 和風沙律百頁豆腐淮山拌麵 $88爽口彈牙嘅拌麵(白色及紫色)🍜，配菜有軟滑百頁豆腐、沙律菜、車厘茄、豆及菇，配埋日式醬料，健康又有益 日式麻醬烤豆腐卷 $88卷皮包住百頁豆腐、豆、甘筍、羽衣甘藍、車厘茄，再配埋濃郁日式麻醬，食落口感豐富🌯 牛油果燒烤醬素菜卷 $88大大舊軟滑牛油果🥑配燒烤醬，素菜卷好多款唔同配料，清新好味🌯 跟餐配 牛油果香蕉沙冰 ~ 牛油果🥑 + 香蕉🍌，香滑凍冰冰好飲 柚橙暖粒粒暖粒粒水果茶，有柚 + 橙🍊，夠健康養生 粉葛赤小豆扁豆素湯 (杯裝)材料十足素湯，湯料有蓮藕、粉葛、赤小豆、腰果及扁豆，健康好飲🥣 #damajuice #DAMA #純素雪糕 #雪糕 #軟雪糕 # 紅火龍果 #雞蛋仔

好久不見嘅朋友約我食飯，佢已經預先話我知佢最近開始食素，所以就約咗我嚟K11呢度食飯。其實呢間DAMA我以前都有經過，我以為只係食甜品，原來佢呢度仲有主食，所以今日嚟到就一次過試晒呢度嘅主餐同甜品。餐牌有點複雜，不過職員就好有禮貌，亦好樂意講解。首先我哋每人叫一份套餐，然後再share食。套餐只需$88，比起單點確係平啲啲。淮山麵有和風紫菜同麻辣味選擇，我就揀咗和風紫菜味。淮山麵由天然淮山製成麵條，有紫、白兩種顏色，再配上百頁豆腐、菇菌、豆類、沙律菜、紫菜，既健康又美味，醬汁分別有胡麻醬同和風醬，食客可自由選擇醬汁嘅配搭同份量，對食客而言更有彈性。牛油果燒烤醬素菜卷份量十足，入面有牛油果、生菜、菇菌，配合醬汁，幾醒神開胃。飲品方面，朋友揀咗招牌水果烏龍蜜，少甜而充滿果香。而我就知道呢度出名火龍果，所以揀咗火龍果海鹽杏仁奶蓋烏龍茶，奶蓋帶有杏仁香味，火龍果味道突出，抵佢受歡迎。而且兩杯飲品都大大杯，好抵飲！呢個鹽烤百頁豆腐好有驚喜，唔好睇佢其貌不揚，食落真係停唔到口，豆腐外面香口，內裡好滑，感覺唔油膩，真係一個好好嘅小食。呢個甜品就最吸睛，以健康美味嘅純素雪糕，配上鮮果同果仁，再加入雞蛋

有無人同我一樣鍾意冬天食雪糕？朋友見到K11 musea呢間純素雪糕店出左榴槤雪糕，躍躍欲試，去到見佢而家踩過界出埋湯品同輕食，就順便食埋正餐。小店主要做外賣，但疫情之下商場人流唔多，當日都有位堂食。店員好熱情介紹產品，值得一讚。🍽火龍果芒果軟雪糕原本想試佢地嘅牛油果抹茶雪糕，但原來週末先供應，就要左火龍果同芒果呢個非常igable嘅組合，雪糕筒嘅顏色仲有兩款顏色可以揀，味道就無乜分別。火龍果味不愧係黃牌，味道天然，仲食到果籽碎，呂宋芒味就清香同甜少少，質感似幼滑少少嘅雪葩。🍽貓山王榴槤雪糕麻麻地榴槤嘅我只係食左幾啖，榴槤味相當濃郁，受朋友讚賞，值得一提嘅係雪糕用燕麥奶製作，啱晒我呢啲有乳糖不耐症嘅人。🍽和風紫菜百頁豆腐淮山拌麵淮山麵麵質爽口，配菜就有車厘茄、蠶豆、菇、沙律菜同好彈口嘅百頁豆腐，配甜甜地嘅冷面汁麻醬。🍽牛油果燒烤醬素菜卷食唔到牛油果雪糕就食牛油果wrap，全部都係蔬菜非常健康，加左燒烤醬令味道無咁單調。☕️火龍果海鹽杏仁奶蓋烏龍茶呢杯簡直集合左我鍾意嘅材料，有別於膩滯嘅芝士奶蓋，呢度嘅奶蓋輕盈重豆味，而且混入左果仁碎好有咬口(如果餐廳提供粗飲管會更方便），茶底就係紅肉火龍

我想食呢間純素雪糕店好耐架啦，樣樣食物都好吸引，好呃like架。因為係lunch時間，所以除左叫左甜品，另外都叫左鹹食。和風紫菜百頁豆腐淮生拌麵，跟套餐飲香蕉士多啤梨沙冰，$88。淮山拌麵容易入口，口感好似冷麵，配有大量蔬菜，有羽衣甘藍、生菜、鷹嘴豆、小番茄。百頁豆腐索晒啲拌麵汁，好入味。香蕉士多啤梨沙冰好濃香蕉味，真材實料，包你有💩屙。日式麻醬烤豆腐卷材料幾豐富，材料配搭幾夾，而且卷物係即叫即整架。牛油果燒烤醬素菜卷比較素，食到滿滿既綠色食物，好健康。港式雞蛋仔榴槤軟雪糕都係即叫即整，雞蛋仔好食，同雪糕擺埋一齊都唔會變到好腍。榴槤軟雪糕榴槤味好出，質感軟滑，擺好耐都唔會溶，好味道。

純素嘅雪糕簡直係全素食者嘅天大喜訊今次就初嚐香港首間純素雪糕店🍦咸蛋黃心太軟+火龍果軟雪糕......$74雖然無流心嘅效果但香口鬆脆嘅外皮配上濃厚嘅咸蛋黃內涵根本就係食緊咸蛋黃月餅🤩加上清新有咬口嘅火龍果雪糕(事關係新鮮果肉 食到粒粒火龍果核)可以中和兩者將兩者帶到平衡完全唔會有膩嘅感覺🍦開心果軟雪糕筒............................$68真材實料👍🏻好似一口食左幾十開心果未食過咁濃厚嘅開心果雪糕鍾意食果仁嘅你一定要試！.🍦榴連軟雪糕筒..............................$68第一啖入口已經心心眼😍OMG😳好似食緊貓山王咁香濃厚實嘅榴連味充斥全口腔一啲都唔誇張就算呑左 仍齒脥留香真係「榴連」忘返🍦牛油果燒烤醬素菜卷+火龍果鳳梨沙冰..$88墨西哥餅皮+鮮牛油果肉+沙律菜+燒烤汁一件午餐已經夠飽🌯再加杯沙冰輕營午餐話咁易🤫仲有quota食雪糕