影片
更多
2020-12-09
1032 瀏覽
有無人同我一樣鍾意冬天食雪糕？朋友見到K11 musea呢間純素雪糕店出左榴槤雪糕，躍躍欲試，去到見佢而家踩過界出埋湯品同輕食，就順便食埋正餐。小店主要做外賣，但疫情之下商場人流唔多，當日都有位堂食。店員好熱情介紹產品，值得一讚。🍽火龍果芒果軟雪糕原本想試佢地嘅牛油果抹茶雪糕，但原來週末先供應，就要左火龍果同芒果呢個非常igable嘅組合，雪糕筒嘅顏色仲有兩款顏色可以揀，味道就無乜分別。火龍果味不愧係黃牌，味道天然，仲食到果籽碎，呂宋芒味就清香同甜少少，質感似幼滑少少嘅雪葩。🍽貓山王榴槤雪糕麻麻地榴槤嘅我只係食左幾啖，榴槤味相當濃郁，受朋友讚賞，值得一提嘅係雪糕用燕麥奶製作，啱晒我呢啲有乳糖不耐症嘅人。🍽和風紫菜百頁豆腐淮山拌麵淮山麵麵質爽口，配菜就有車厘茄、蠶豆、菇、沙律菜同好彈口嘅百頁豆腐，配甜甜地嘅冷面汁麻醬。🍽牛油果燒烤醬素菜卷食唔到牛油果雪糕就食牛油果wrap，全部都係蔬菜非常健康，加左燒烤醬令味道無咁單調。☕️火龍果海鹽杏仁奶蓋烏龍茶呢杯簡直集合左我鍾意嘅材料，有別於膩滯嘅芝士奶蓋，呢度嘅奶蓋輕盈重豆味，而且混入左果仁碎好有咬口(如果餐廳提供粗飲管會更方便），茶底就係紅肉火龍
🍽火龍果芒果軟雪糕
原本想試佢地嘅牛油果抹茶雪糕，但原來週末先供應，就要左火龍果同芒果呢個非常igable嘅組合，雪糕筒嘅顏色仲有兩款顏色可以揀，味道就無乜分別。火龍果味不愧係黃牌，味道天然，仲食到果籽碎，呂宋芒味就清香同甜少少，質感似幼滑少少嘅雪葩。
火龍果芒果軟雪糕
44 瀏覽
0 讚好
0 留言
火龍果芒果軟雪糕
44 瀏覽
0 讚好
0 留言
🍽貓山王榴槤雪糕
麻麻地榴槤嘅我只係食左幾啖，榴槤味相當濃郁，受朋友讚賞，值得一提嘅係雪糕用燕麥奶製作，啱晒我呢啲有乳糖不耐症嘅人。
貓山王榴槤雪糕
36 瀏覽
0 讚好
0 留言
🍽和風紫菜百頁豆腐淮山拌麵
淮山麵麵質爽口，配菜就有車厘茄、蠶豆、菇、沙律菜同好彈口嘅百頁豆腐，配甜甜地嘅冷面汁麻醬。
和風紫菜百頁豆腐淮山拌麵
38 瀏覽
0 讚好
0 留言
🍽牛油果燒烤醬素菜卷
食唔到牛油果雪糕就食牛油果wrap，全部都係蔬菜非常健康，加左燒烤醬令味道無咁單調。
牛油果燒烤醬素菜卷
53 瀏覽
0 讚好
0 留言
☕️火龍果海鹽杏仁奶蓋烏龍茶
呢杯簡直集合左我鍾意嘅材料，有別於膩滯嘅芝士奶蓋，呢度嘅奶蓋輕盈重豆味，而且混入左果仁碎好有咬口(如果餐廳提供粗飲管會更方便），茶底就係紅肉火龍果加杏仁奶同烏龍茶，火龍果味道相對較強，但都飲到茶香，唔錯。
火龍果海鹽杏仁奶蓋烏龍茶
26 瀏覽
0 讚好
0 留言
☕️芒果熱情果紅茶
朋友就叫左清啲嘅水果茶，錫蘭紅茶底加酸酸甜甜芒果同熱情果，唔額外加糖都夠味，消滯之選。
芒果熱情果紅茶
16 瀏覽
0 讚好
0 留言
張貼
