Good Times Restaurant And Bar (已結業)

一入黎就見到好大既酒吧位，一睇就知道下次可以約朋友夜晚飲下酒傾下傾。行過飲酒區後，就係食嘢嘅位置！地方好大而且裝修係歐美工廠feel~地方咁大有咁空曠，我諗依度係可以俾人包場嘅💛睇一睇lunch嘅Menu價錢$54-$128，$128澳洲肉眼扒，整體成個Menu價錢都係平，好抵食🤓🔹牛油果蟹肉沙律$128完全係食緊高級餐廳嘅擺碟🥰唔好以為好小咁，食曬都好飽飽的～上層係牛油果下層係蟹肉🔹酥炸軟殼蟹伴南瓜汁意大利飯 $76意大利飯軟硬度適中，南瓜汁包曬每粒飯😍軟殼蟹好鬆軟🤤仲有啲櫻花蝦喺飯上面

坐落於住宅區，這是一家大有工業風格裝潢的餐廳。看得出來餐廳老闆花了不少心機在餐廳佈置方面。大約一千多呎的餐廳劃分為兩個小區，小的一區為酒吧區，伴有高吧台，供食客觀賞球賽。另一區約占總面積三分二的，為餐廳區。樓底高，很有舒適感，是餐廳給我的第一感覺。被安排就坐於酒吧區既我一抬頭便見到一塊牌匾，寫有Good times for good people，想必這是餐廳的宗旨吧。酒吧區的吧臺酒架所排列的酒琳琅滿目，估算超過兩百枝。亦有專業調酒師。食品方面選擇種類繁多，小食，前菜，意大利粉，薄餅 ，連甜品亦有提供。我點了牛油果蟹肉沙律，法式寶雲蘇羊架，帶子鮮蝦墨魚麵配意大利汁，以及薯條。另外點要一杯雞尾酒，是調酒師為我特製的，裏面有接骨木花和gin。適合女仔口味。聽住餐廳熟悉的背景音樂放輕心情。牛油果蟹肉沙律不愧為餐廳推薦，非常有特色。牛油果沙律帶有檸檬汁，一啲都唔濟，食落好新鮮開胃，亦有新鮮嘅蟹肉鋪在沙律面。法式寶雲蘇羊架點了七成熟，火候剛剛好。甫上枱面便傳出陣陣香味，羊肉亦一啲都唔騷，伴碟配有新鮮嘅焗薯以及燒烤汁。帶子鮮蝦墨魚汁配意大利麵，帶子及同鮮蝦都好新鮮，出色。餐廳老闆娘及侍應非常好客，

住喺九龍嘅我哋都係第一次嚟粉嶺食嘢成日都聽人講粉嶺好多嘢食 今次喺聯和墟附近覓食發現左呢間超級大間嘅西式餐廳 好有情調 一半bar一半restuarant咁又有screen播緊球賽 環境都好舒服員工全部都好好人 都好好笑容 又會推介下食物我哋叫咗個炸單骨雞翼中間仲有沙律醬 一路食一路點好好食 炸得黎又唔會滴晒油前菜要咗個牛油果蟹肉沙律呢個真心推介 超級好食蟹肉又多 好足料 加埋啲牛油果 好夾主菜我哋食咗美國USDA prime肉眼扒要左五成熟 男朋友大讚個肉質好好好耐都未食過咁好食嘅扒啦肥瘦適中 一切就切開 好好食唔會好韌 仲有個南瓜蓉喺隔離超級好食 如果可以我想要多一個南瓜蓉添個扒可以加個配菜我哋要咗大啡菇店員話俾我哋聽好多汁 真係超級juciy啊嘢飲嗰邊我哋叫咗兩杯mocktails一杯hydrated一杯mean pine 都幾清甜幾好飲其實餐牌上面仲有好多菜我哋都好想食下次一定要叫多啲朋友一齊嚟食先！

星期六同老公路過呢間餐廳 見到餐廳裡面好似好有格調 所以即管入去試下 入去坐低先知原來餐廳係新開仲試業中 餐廳環境好舒服好大 座位之間好寬敞 唔使同隔離枱坐到好近 而且另一邊仲有bar枱，整個格調都好relax我地嗌左4樣野食，外貌協會嘅我就覺得擺盤唔錯，影相出黎都幾靚靚食物質素方面算係中上，唔錯，我最buy嘅就係唔會太咸太過濃味👍龍蝦湯~老公鍾意飲，所以必嗌，好夠味呀牛油果蟹肉沙律~呢份係我嘅，蟹肉都算多，好開胃海鱸魚~魚肉夠滑，啖啖肉澳洲M6和牛肉眼呢個最值得推薦 我地嗌medium rare 入口好juicy 唔會韌 好食總括嚟講唔錯，下次會再黎試其他菜式