神經餵飼 (已結業)

餐廳重點似乎唔係食物，而係想客人有一個空間去放鬆、「餵飼」神經，所以無用餐時間限制。菜單亦無固定。.晚餐當日有三款日式定食，主菜加兩小碟前菜/蔬菜。欣賞個雞翼，微辣加少少欖菜？！配搭幾有新意。奶油、醬油同香蔥令白飯冇咁單調。牛油果蟹肉多士都好足料，味道正常。如果麵包可以先烘一烘做到外層脆脆地會更出色。.🍱 照燒汁什菜豚肉卷、奶油醬油香蔥伴飯、金平牛蒡、生果小碟 (HK$158).🍱 香辣烤雞翼、白飯、小圓茄凱撒沙律、白蘿蔔 (HK$158).🥑 牛油果蟹肉法式多士 (HK$80).🍊 百香果柚子香橙梳打 (+HK$20跟餐).食物份量以輕食為主，唔太適合追求大件夾抵食性價比高嘅人。但如果純粹想食件蛋糕飲杯咖啡，坐大半日休息下放鬆下，係可以嘅。🤓 溫馨提示因為開放式廚房所以可能會較大油煙味。

今次其實係第二次再黎呢間文青小店。由太子地鐵站行去餐廳5分鐘都吾駛，店面係淺木色再加上少許植物，簡約清新，非常易認！記得上次黎係午飯時間，要係門口排一陣隊先有得食。今日再黎既時候大約下午4至5點，只見地下果層有兩三枱客人，所以一到就有位坐喇小店總共有兩層，樓下幾張細枱，牆身有唔少乾花擺設，幾舒服！樓上頗有特色，有幾張長枱，四周有啲寄賣既乾花擺設同小玩意，客人要坐榻榻米，小小日系既感覺！留意番，餐廳係自助點餐，叫野食要先落樓下，水同餐具都係要自己拎啊！呢度提供既餐點唔多，我叫番上次食過覺得好食既照燒三文魚茶泡飯湯底滲有茶香，仲有甜甜地既三文魚同蔥花味。三文魚輕輕燒過，帶有魚油香。飯既份量剛剛好，唔會過多，配埋三文魚一齊食，清新唔油膩！同行朋友叫左個牛油果蟹肉法式多士。整體食落都係清新健康既！Toppings份量都幾豐富，食落較為淡味，如果咸多啲啲會更佳。另外多士已經凍左，可能係最後一份。朋友叫完就即刻變為售罄嚕是次用餐無叫餐飲，單叫大約$48，跟餐大約加$20，感覺唔太抵。但整體好喜歡呢間小店，可以坐得耐傾下計，環境舒服，食物又唔錯啊！價錢: $158評分: 7.5/10IG: nomn

呢間無疑係一間文青cafe，無論裝修，食物同staff都係。呢間cafe有兩層，上層會比較有文情感覺，因為以木嘅傢私為主，要除鞋入去同要坐地下，同埋有好多文情手作喺度寄埋。周末想放慢節奏，食啲野嘆咖啡，呢度係唔錯嘅選擇。呢個料好多，食完都飽飽地😂呢個飯都係好多料，個汁都幾好食，唔會好咸，連埋個蛋撈埋一齊食好正，一定夠飽。呢個飯有啲咸，但個雞又冇乜味。撈埋一齊食都係會覺得咸左啲，個雞嘅淡又平衡唔返個咸味😂我地對呢個三文魚泡飯有啲失望。得個三文魚有味，個湯同個飯都冇乜味，同埋個飯都唔係好夠冧，成個口感有啲奇怪。咖啡就好飲嘅，咖啡味唔太濃，但唔係淡。朋友叫左杯蘋果茶，覺得中左伏，個糖漿太甜 冇事都係飲返咖啡或者熱茶比較安全😂

朋友推薦神經餵飼，最主要既原因都係因為要去打卡!店內環境確實係幾舒適，仲提供埋書可以邊食邊睇，而且裝潢係走小清新既風格，確實幾適合打卡。食物質素都好重要，食物款式唔多，來來去去都係Ｄ沙律菜搭多樣主食咁，而且分量真係偏少，好彩係重質不重量，味道相當唔錯。南瓜蓉八爪魚柑桔醋沙律　—　八爪魚算新鮮，配埋南瓜蓉出奇地夾，可以一試。牛油果蟹肉法式多士　—　多士夠香脆，配埋清新的牛油果蟹肉令人讚不絕口啊！蜜糖芥未香草煙三文魚三文治　煙火雞雜菜芝士三文治　兩款三文治都好好食，包的口感好香軟，唔會太多醬汁，而且餡料新鮮，必叫之選。溫泉蛋燒汁豚肉丼　—　材料新鮮，比吉吉家好食Ｄ咁囉。照燒三文魚茶泡飯　—　三文魚竟然比想像中大舊，而且茶泡飯清清地易入口，夏天食一流。貓毛定食 (麥粒味噌香蔥貓飯、鹽燒鯖魚、醬煮薯仔、油揚豆腐沙律)　—　其實一隻碟包晒全部野，所以分量真係唔多，正常味道。整體而言，食物質素唔差，只係真係好細碟！同埋感覺上飯類對比三文治失色左少少。如果想休閒一下，神經餵飼確是唔錯的選擇，不過真係未必可以食得飽。ps. 今次感謝繼續有高人出手影相，所以都係補返句圖片只供參考，實物個樣可能有出入架

在旺角覓食來來去去都是那些連鎖食店，今次轉戰太子，來到這間位於後巷不起眼的清新小店吃晚飯。餐廳採用自助式點餐，餐牌全都寫在cashier旁的黑板上，幾乎天天不同，惟選擇不多。我地三人叫了三碟菜share吃，首先叫了碟煙三文魚熱情果紫薯沙律，熱情果汁味道酸甜，再配上爽脆的沙很菜感覺清新，加上甜甜的紫薯蓉墊底就不怕淨吃沙律會不夠飽了。另外點了一道泡菜海鮮炒飯，調味得不算辣，飯粒亦炒得尚算乾身，可算是中規中矩。還叫了一碟牛油果蟹肉法式多士，牛油果已熟透所以味道香滑，加上蟹肉必然是絕配，法式多士吃落亦十分脆口惟略嫌有點硬。我自己另加了一杯iced latte，鮮奶的比例很多，叫了走甜亦不會有苦味，甚至更能嚐到咖啡香味。整體而言，淨是餐廳環境的文青氛氛已經值得去，食物質素亦算是中上，只是食物不包餐飲來說價錢都偏貴，果然要當個文青也不平宜。

從店外看，木系的裝潢配上各種綠油油的新鮮植物，顯然就是打著台灣文青的旗號啊！落地玻璃的設計讓陽光自然透進店內，確實增添了幾分陿意。店內木系的設計和擺設，隨便亂拍一通都可以拍到有feel的相片。 抹茶芝士蛋糕 ($50)不過，食物卻有點強差人意了。據說蛋糕的款式每天都會更換，這天有我最愛的抹茶口味。可惜，抹茶味不見蹤影，芝士蛋糕打得非常鬆散，一點細緻幼滑都沒有。表面的奶油也沒有任何奶香味。索價五十元，餅底過薄，而且沒有抹茶的回甘味，似乎只是虛有其表。 牛油果蟹肉法式多士 ($70)撇除甜食，我決定給他們一次機會，嚐一嚐他們的咸食。幸好這個牛油果蟹肉法式多士挽回了不少分數。蟹肉堆得滿滿的，有點咸咸的味道; 熟透的牛油果壓成蓉，香軟幼滑。基本上，蟹肉跟牛油果是沒有可能錯配的了！可是，多士烘得不透切，不夠脆口。如果塗上一點牛油烘，然後加點沙律醬拌牛油果蟹肉，那必定會更香脆可口。總結來說，這裡的環境實在很文青，拍照打卡十分合適。但食物定價太高，但又沒相對的質素和烹調技巧，性價比較低呢。如果當它是普通咖啡店，可以有更好選擇。