J.S. FOODIES (又一城)

營業中

休息中

約好姊妹見面，自然要去 ”打卡able” 嘅食店high tea～哩間J.S. Foodies 就最啱我地哩班揀飲擇食嘅食！呀～應該話唔係狗屎垃圾放入口嘅女仔先啱😅叫咗牛油果配三文魚班戟🥑 🐟🥞同海陸三饗咖哩飯🥘。野飲方面，好普通咁叫咗TAPIOCA JASMINE MIKE TEA 同 LEMON TEA 。先講講牛油果配三文魚班戟🥑 🐟🥞，普遍我地會食甜嘅pancake，好少有鹹嘅野配搭。但今次係加咗煙三文魚同牛油果，成件事就好唔同！有糖漿嘅甜甜味，又有煙三文魚咸咸地嘅味！🥘海陸三饗咖哩飯嘅飯粒一d 都唔係林back back, 有咬口！另外咖哩唔會太辣🌶，味道剛剛好！上面嘅脆雞同炸蝦非常香脆又唔乾！😋😋有趣嘅係喺日式西餐裡面有珍珠奶茶🧋飲！應該都係因為連日本人都鍾意珍珠奶茶先會係menu到見到！😂

主要想試佢地主打嘅日式班戟班戟唔會好乾 表面有焦糖好正班戟質感鬆軟細密 外脆內軟生果加cream係個好出色嘅配搭  成個班戟好有層次非常推介😊黑松露磨菇意粉好香 磨菇勁多 好似唔洗錢咁加 有機會磨菇多過意粉haha 意粉煮得啱啱好 幾彈牙 酸忌廉黑松露薯條又係勁外脆內軟個醬配薯條真係一流 如果你鍾意食薯條 又鍾意黑松露呢道菜好啱你😝對牛油果配三文魚班戟冇好深刻嘅印象只係記得班戟ok 三文魚ok 沙律ok 但加埋一齊就...😂Cookie frappe嘅味比想像中濃 平時飲嘅frappe 因為冰 會變到冇咩味 但呢杯好足料 好多cookies 甜味又調到啱啱好幾出色 Tapioca jasmine milk tea比平時台式飲品特別 成杯大致係街買到珍珠奶茶嘅味 但多左少少茉莉花香 好impressed!鍾意飲珍奶嘅朋友記得要試啦💜🤑 法式焦糖班戟 $129 🤑 黑松露磨菇意粉 $119 🤑 酸忌廉黑松露薯條 $69 🤑 牛油果配三文魚班戟 $129🤑 Cookie frappe $39 🤑 Tapioca jasmine milk tea $29

人人都排隊，真係人人都鍾意排隊咩。。。我個人好憎排隊，覺得係浪費人生，但朋友話想食，就排下啦。。。預早6：20pm到達，已經有條人龍，玩咩。。。你班人咁早放工。。。去到7:00pm果陣，條龍仲誇張。排咗個幾鐘，7:40pm左右終於有位，坐底即刻叫咗個意粉同醎班戟，食物上得都算快黑松露忌廉意粉：都唔錯，草菇幾多，不過松露香味唔夠同埋「粒」口咗少少牛油果配三文魚班戟：還可以啦，啲沙律菜好新鮮，但啲三文魚一睇就知係平價貨，顏色偏淡又唔夠油香，另外個班戟有啲乾士多啤梨藍莓香蕉班戟：好攪笑，呢間餐廳啲菜名真係貼題，食咩都係個菜名度show晒出黎，唔洗你估，係呀，有士多啤梨、藍莓同香蕉，仲有忌廉同梳乎厘班戟，梳乎厘班戟係Flipper's 出品，當然有一定保證，好香蛋味又軟熟，係全餐最好食既伯爵茶：最正係佢$28，仲送三粒日本蕨餅，抵啊！總結：三個人食，三碟野三杯飲品，一人$170，今時今日係幾抵食，不過除左個疏乎厘班戟之外，其餘兩樣醎食都係一般，同埋要排隊個幾鐘先有位啊。。。我一定唔會再排囉。。。