丼瀛 (已結業)

丼瀛地點在觀塘工廈附近, 平時收工後周圍食店都無乜生意,係得佢仲咁旺場~所以去試下先!入到去係一種好貼地既日本餐廳,價位唔貴, 岩晒收工同朋友來食飯傾計,唔怪得有咁多捧場客!茶碗蒸 $38好滑溜~牛油果金龍卷 $68中間是炸蝦+青瓜, 上面舖了牛油果配沙律醬一件一口~什錦天婦羅 $78有3隻天婦羅蝦+4件天婦羅蔬菜上檯好熱, 即叫即炸, 唔錯唔錯燒日本花魚 $68呢個好推介燒得好香口, 魚肉厚身juicy!鵝肝和牛炒飯 $168炒得好有鑊氣, 貼近港人口味內裡有唔少和牛粒, 幾好~

觀塘中海日升中心除咗有間台灣野唔錯，原來仲有間抵食又好味嘅日本餐廳，由於我係平日夜晚8點半去到，所以唔多人，野食都好快上枱先試咗吉列廣島蠔4隻，啱啱炸起好熱，外層好脆，入面隻蠔亦都肥美之後試咗牛油果金龍卷4件，面頭有蟹籽、沙律醬同牛油果，牛油果份量恰到好處，而卷入面係吉列蝦，同吉列蠔一樣咁脆再叫咗8件北寄貝刺身同2隻深海乳龍蝦，刺身食得出好新鮮，而乳龍蝦我第一次食，食落同虎蝦有啲似，但乳龍蝦食落再甜啲最後叫咗個特上浦燒原條鰻魚爆丼，條鰻魚勁大，肉質彈牙而且冇骨，個飯仲有好多雞蛋絲，初頭以為個飯唔夠汁，點知原來條鰻魚已經吸哂啲汁，一啖飯一啖鰻魚咁食簡直一流，呢個丼必食呀！呢間一定有下次！

好耐都吾敢出去食飯，更何況食日本嘢呢，幾星期前夜校同學話約食飯……選定話想試呢度……今晚我第一個到，呢度吾係放題，要逐樣點，我同心心到咗先，又覺得肚餓，點咗個吉列蠔同牛油果軟殼蟹卷先……後來另外兩位都到，就再點咗刺身盛、鹽燒鷄翼、燒鷄皮、燒牛舌、壽司盛合、魚皮蝦餃同湯烏冬……啲食物整體都ok...服務也OK，眼見個地方吾算大...吉列蠔同牛油果軟殼蟹卷--夠晒熱、脆口，好好食牛油果金龍卷--好食特選6點刺身--新鮮吾錯鹽燒鷄翼--夠熱好食燒鷄皮--初初都怕好膩，食完都吾知係鷄皮，哈哈燒牛舌--我沒有吃十二壽司盛合--吾錯魚皮蝦餃--感覺似食炸餃子鍋燒烏冬--OK的因為今晚係心心請，4人食，好似共$1300幾...

想搵間好坐啲嘅餐廳，最緊要唔會好太迫、又唔會好嘈嘅地方同朋友坐耐啲傾吓計。我而家發現呢一間隱蔽嘅🏮日式居酒屋？（我都唔確定佢係唔係🫢）。佢喺商場一樓比較入嘅地方，雖然都知道中海日升有好多餐廳，但係估唔到呢度連居酒屋都有！雖然唔係太似居酒屋，似普通日式食店。餐廳座位編排非常闊落，每張枱之間都有充足嘅空間👍🏻👍🏻乾淨整齊講返食嘢，坐低店員我主動同我哋介紹今日推，同有咩魚返👍🏻詳細得來好合理，冇hard sale我哋要食貴嘅套餐。因為只有我同朋友兩個人所以我哋叫咗一個五點刺身盛同一個金龍卷。金龍卷賣相都幾好靚炸蝦都做得好好，但值得一讚嘅就係嗰個五點刺身🤤🤤🤤🤤賣相超吸引而且廚師發板嘅半條刺生，魚味清新得來好香，加埋特別配製嘅柚子醬油，清甜鮮味😍（雖然已經唔記得咗係咩魚）而其他刺身都切得好厚好足料，而且新鮮肥美。同朋友傾咗一陣計，覺得仲未夠喉就再嗌多咗個野菜天婦羅🥗包括金菇、冬菇、紫洋蔥、南瓜、紫薯、秋葵、紅蘿蔔雖然訂座時有話90分鐘用餐時間，但我同朋友坐多左陣，職員都好好繼續幫我哋加水，又冇吹三催四👍🏻👍🏻👍🏻服務態度超好，刺身都正，呢個價錢好抵食！推介推介～我自己都會再幫襯❤️

係觀塘黃色小店林立之中要脫穎而出係一啲都唔易💛除咗要夠黃，食物質素絕對要對得住個價錢🉑今次叫咗三樣食物，兩個女仔食得非常飽，捧住肚走北海道三文魚海膽丼主打三文魚同海膽刺身，加上甜蛋同大量蟹子做配料，飯量亦非常足！三文魚厚厚的三片，口感新鮮海膽唔算太出色，只係合格標準，但朋友說不俗 值7.5/10分牛油果金羅卷即是牛油果炸蝦🍤卷，係8/10分之作！牛油果同炸蝦配搭得非常好，不油膩之餘炸蝦部分仍能保持爽脆既口感忌廉蟹肉薯餅三種食物中最低分既一款，值6.5/10分。 雖然薯餅外層炸得好出色，非常鬆脆！但忌廉陷太膩，而又食唔出蟹肉既感覺，所以下次會試其他味道既薯餅💜適逢餐廳做緊指定餐牌7折優惠，真係好抵食❤️