回憶客棧

營業中

休息中

#hkfoodmap長沙灣.Follow @hk.foodmap for more food 🍽.必食嘅招牌花甲粉 不過我就比較貪心 想試埋花蟹🦀所以叫左花甲花蟹粉 加左娃娃菜同粉絲加底～花蟹入面都有唔少膏 花甲夠鮮☺️湯底好清甜 帶小小蒜味超香 粉絲都入曬味！除左招牌菜 佢地仲有串燒𝚖𝚎𝚗𝚞🍢佢地嘅海鮮都幾新鮮👍🏻象拔蚌夠彈牙 燒得啱啱好仲好𝚓𝚞𝚒𝚌𝚢！扇貝入味新鮮～翠肉瓜爽口清甜 雞腎入味有咬口牛油金菇我自己好中意 牛油香好重🤪雞翼燒得啱啱好 面頭微焦脆口 淡淡蜜糖味🍯原條茄子都係每枱必叫之一🍆上面嘅蒜同孜然粉好香 茄子鮮甜入味 一條條卷起食超滿足！不過我自己就覺得醬汁整體偏濃味怕咸嘅朋友可以撇走小小面頭嘅蒜同醬汁 一樣好味👍🏻𝙿.𝚂 餐廳位置雖然小偏僻 但都幾多人黎食～店面唔大 所以都要預番時間等位呀☺️

幾經辛苦終於嚟到happy Friday，同朋友相約嚟呢間近期人氣頗旺嘅串燒店，一嚐佢勁出名嘅花甲粉，嚟到時門外已經有唔少人等緊，見店內座位唔算多，決定轉外賣拎走。串燒種類唔少，即叫即整，價錢亦相宜，難怪人氣咁旺。燒茄子雖然唔係我最愛嘅香辣口味，但重蒜配上青蔥同醬油，味道非常香口，茄子亦燒得夠軟腍，好有驚喜。牛油金針菇份量雖然唔算好大，但蒜蓉俾得好大方，香口惹味，令人食唔停口。串燒質素非常好，燒得非常均勻，唔會太燶之餘仲保留肉汁。金菇肥牛燒得啱啱好，金菇夠熟之餘肥牛亦唔會太乾太柴。雞翼外皮燒得香脆，內裡仲保持到肉汁，而且調味亦唔錯。雞扒果然大大件，店家細心剪開幾件，方便進食，雞皮燒得夠香而且唔會太燶，唔錯。最後嚟到主角花甲粉，湯底鮮甜濃郁，花甲新鮮而且份量亦唔少，娃娃菜同金菇亦吸收哂湯底嘅鮮甜味。惹味湯底配上粉絲更加係一流，而且粉絲份量亦唔少，兩個人分享剛剛好。雖然等待時間略長，但慢工出細貨，食物質素絕對冇令人失望，難怪大排長龍依然咁多粉絲！

又一天涼活動，食串燒！呢間串燒鋪坐落都幾舒服，唔會食到人身水身汗lol 店內周圍都有啲乾花佈置，我好like啊！唔知係咪店主都係愛花之人呢店員嘅態度都好好，唔該前多謝後..抵我地係出面等左咁耐...係啊，佢真係幾好生意，都有條人龍係出面。同朋友一人先叫左花甲、蟹粉，出晒煙，好吸引 我要清湯，朋友要小辣，好香蒜味，真係一啖接一啖，花甲量都唔少，係滿足嘅份量朋友就好專心唔講野，食佢嘅蟹lol, feel到係滋味嘅樣子蝦蝦可以連皮(殼) 食，香口。串燒必點嘅燒菠蘿，多汁。旁邊嘅雞軟骨好脆，如果多幾粒就更和味了另一必點嘅燒茄子呢個冇得彈，好香濃蒜味，熱辣辣咁一條條夾起，再捲成一舊咁入口..太滿足了吧！牛油see you tmr..比我想像嘅偏白sid sid lol但食落又幾香牛油味雞翼脆皮又juicy旁邊仲有串羊咩..唔會係令人搖頭嘅So味，係香口有質感的。扇貝肥嘟嘟燒鮑魚係朋友提議，自己真係少食..點知，食完好surprised!!!! 我好鍾意，可以話成餐最加分嘅位，燒完唔會乾，唔會韌，總之..好食覺得呢間串燒都好有質素！會黎翻啅