黑龍

營業中

休息中

餐廳開業10年🎊每月都有不同嘅限定優惠🈹周五晚上來到，約有10多個人排隊，不過等左10分鐘左右就有位😆🔸牛筋black沾麵 $100沾麵湯底加入牛筋熬製，令湯頭非常濃稠，還略帶點黑椒香🐮有三至四塊牛筋，入口軟腍入味！沾麵麵底可選擇凍或熱🍜麵條選了硬度適中，食落彈牙，亦十分掛汁配上幾片大大塊的薄叉燒、木耳及溏心蛋🥚蛋黃十分流心，整體豐富又滿足！🔸黑龍豚骨拉麵 $90湯底絕對是拉麵的精華🐷以豚骨熬製，加上適量的背脂，令湯底更加濃厚，味道香而不油🍜拉麵採用了幼身拉麵，麵條同樣選了硬度適中，掛湯力高👍🏻配上黑木耳、香蔥、紫菜、叉燒，大大塊叉燒肉質偏瘦，但口感軟腍🤤另外，可自選辣度🌶️有無辣、基本、兩倍、激辣，辣醬放在拉麵正中間，重辣香但食不會太辣，令拉麵更加惹味。🔸SUNTORY 生啤+餃子 $90日本煎餃子一碟5 件🥟外皮厚薄適中，肉餡豐富飽滿，煎得微焦， 配上SUNTORY 生啤🍻最適合不過😜🔸燒魷魚一夜干 $50魷魚燒得味道濃郁，香氣四溢🦑肉質煙韌彈牙，不會過於乾，食落有嚼勁。🔸雞皮餃子 FREE餐廳每月會有不同限定優惠，7月只要follow餐廳社交平台🆓即可贈送雞皮餃子一份雞皮都燒得香脆

長假期美食之旅的第一站，起步在久違了的日式拉麵。入到店子，有種很傳統日式拉麵店的感覺：面積狹小，不論是不是吧枱都是小小的卓椅，畢竟店子已開業超過十年鳥！小食炸雞一客兩件，但事實上件頭很大。剛剛炸起的雞件上枱時還冒著煙，炸皮脆脆的，雞肉軟嫩多汁，蘸些沙律醬十分香口！之後小人的冒險精神發作，將炸雞放進沾麵湯裡，又是另一番滋味！當日式拉麵通常都是跟叉燒的時候，這兒驚喜地發現有牛筋！拉麵細滑，掛汁能力強，很好嚼勁。沾湯濃稠豐厚，卻又不會過鹹，裡面的牛筋腍到入口即融！把追加的生洋蔥倒入沾湯裡，鮮香之餘帶有微微的辛辣，微妙地即時令湯加添一抹清新，去膩去滯！叉燒也是追加的，肥瘦適中，肉味盎然。本非小人喜愛的味付蛋蛋白細嫩，流心蛋黃更是滑上加滑，一級棒！美食之旅的一個全勝開始！

- 灣仔｜黑龍 -拉麵店於2014年開設，由日本人主理，一入到去就聽到好多日文，即刻好似去咗日本咁💁🏻‍♀️ 另外佢哋每個月都會有限定優惠，好似今個月只要follow 社交平台，就會送一客枝豆，好抵食～▪️豪華明太子拉麵🍜有兩大條明太子，好足料，咁就可以每食一啖麵都有明太子。另外配料仲有兩塊叉燒🐷，肥瘦適中，夠軟腍。麵條係幼身直麵，都幾掛湯▪️牛筋BLACK沾麵（小 200G)🐮🍜以牛筋做主角，比較少有，牛筋食落有咬口。而湯底亦都好濃厚，又唔會過鹹。沾麵麵條係粗身嗰種，有少少似烏冬，佢仲可以揀凍食或熱食▪️餃子🥟▪️章魚燒 (燒汁)🐙▪️炸明太子丸小食都幾多選擇。餃子煎得香脆，章魚燒充滿日本風味，而炸明太子丸就比較特別▪️可樂係新年特別版～黑龍 📍灣仔汕頭街29號地舖

叫左個牛筋Black沾麵，大熱天時食凍既野真係好爽。負責煮麵既店員係服務態度好，一入到去就感受到佢地果敬業樂業，每一碗麵都好用心機去煮。另外，亦都留意到有外國人專登去食，可想而知，呢間野係堅料。

閒日一點幾，三位，等左大約十分鐘。黑龍平時lunch time都一定會大排長龍，想食好耐，今日終於的起心肝嚟排隊。牛筋Black沾麵（小）｜$98哇。真係好好好好好好濃！沾麵個湯已經比平時拉麵湯底濃稠，呢度個湯底直頭痴咗線咁濃，可能有人會覺得咸，但我就超鍾意。因為佢濃得黎唔會令到你好口渴，反而每一啖都係味覺嘅享受，真係唔想碗麵咁快食完！牛筋好好味，炆到好腍，好入味。拉麵好粗身，超掛汁！係流心既溏心蛋呀！食到lam lam脷。黑龍豚骨拉麵｜$88相比之下，呢個豚骨拉麵只係正常濃😂叉燒正正常常。不設加一服務費。#bigeat.mango

🇭🇰黑龍·呢間我之前lunch已經同同事食過一次㗎啦 嗰日夜晚因為想食啲有湯嘅嘢 所以我就再嚟幫襯啦😎·黑龍豚骨拉麵$88我都係第一次食佢既拉麵 佢個湯底比平時食開嗰啲濃同埋厚身好多 所以超級掛湯 掛到我地食到一半覺得要加翻少少清湯🤣而且佢個辣醬都真係幾辣 但係加咗係真係惹味啲嘅佢塊豬肉望落都幾柴 不過食落好好多 雖然都真係偏乾 不過冇望落咁柴🙊🙊·牛筋black沾麵$98我上次都係食呢一個架 因為我記得佢個牛筋超好食 所以今次我就encore左 我覺得今次個水準都保持到嘅 個湯底都仲係唔錯 而且個麵條軟硬度都岩岩好 不過我今次個湯佢唔夠熱😭😭佢只係暖 所以整體成個感覺都差少少 傷心😢不過佢入邊嘅牛筋真係超好食 我覺得佢嘅牛筋係好食過佢啲豬肉😂·餃子$38佢個餃子一上枱係超級香 佢真係煎到啱啱好 外脆內軟 而且入邊仲保留到個肉汁🤤而且佢嗰醋都好好味keke·#rbyeat#rby日本菜#rby灣仔·📍灣仔汕頭街29號地舖

那天我剛好拉麵癮發作，便相約同事們一起到公司附近的一家拉麵店。因為個人偏好粗身的麵條，我挑了牛筋黑沾麵。麵條果然很粗身，質感不會過腍，吃起來頗有嚼勁的，正合我的胃口。而且，麵條的掛湯能力亦不錯，幾乎每條都能沾上濃濃的湯汁。只可惜湯汁的味道過咸，讓人有點吃不消，加上湯汁很快便冷掉，有點破壞了麵的味道。至於牛筋則入口即化，非常美味，只可惜份量較少，只有數條。.吃罷我才發現原來可以請店員加熱湯汁及往湯汁裡加水，以稀釋湯汁的濃度。如店員能在客人用膳前先行作出善意提點，那麼這次的用餐體驗定必更盡善盡美。

記得有次去睇中醫路經發現左呢間隱世沾麵 食過一次包你上癮！一想食拉麵就會諗起黑龍 唔順路都要黎食 仲可以拍得住日本既拉麵 真係無誇張 因為上星期先係東京反黎 去左食池袋好多人排隊果間 已經變得好平平無奇 黑龍好食十倍阿熊就點左個牛筋沾麵 個麵睇落似烏冬 但非也 係幾彈牙 同好滑既 點埋個湯食一流 個湯食到後期會比較咸 但呢度有熱湯提供 可以自行調節咸淡我嗌個拉麵個湯會稀少少 無沾麵果個咁濃 不過一樣好好味 每食一啖牛筋就好似補充左好多骨膠原咁溏心蛋都係出色之作

今天要過灣仔處理一些事情，做完已經是午飯時間，經過呢間紅彤彤的拉麵店，久仰其大名，入內試下它有名的沾麵！餐牌上選擇不多，沾麵有2款，拉麵有3款，還有一款飯及餃子。點了牛筋Black 沾麵拉麵麵身似粗的烏冬，爽滑彈牙，掛湯力強湯汁濃稠，食落有漿口的感覺，充滿骨膠原，有辣度，牛筋軟滑甘香，糖心蛋入味，吃完大滿足！

今日放工後, 我相約了三位朋友出外吃晚飯, 順便聚舊, 由於我突然很想吃日式拉麵, 於是我們在openrice搜尋到這家位於灣仔專吃沾麵和拉麵的小店, 便決定行過去試一試。 小店的面積不大, 所以早去才不用排隊。我們大概六時半去到。 看到餐牌時，我被牛筋沾面深深吸引著, 因為我本人是十分喜愛吃牛筋和沾麵, 點這個沾面便可以一次過滿足到我兩個願望。 大概等了五分鐘, 沾麵便呈上來, 把麵條放入沾麵湯底裏, 然後即刻放入口, 那種感覺非常爽。沾麵質感爽口彈牙, 沾麵的湯底很濃郁, 麵條亦很快吸收到湯底的味道。另外, 那些牛筋炆得很淋滑, 很好吃。

再次勇闖黑龍,上次試左拉麵,今次就試下沾麵!!!首先講個麵,外表好似烏冬,其實係我最愛食落QQ的那一種麵,浸得耐都唔怕淋果隻.師傅淥麵程序做足,鐘響,上水,過冷河,飛水,上檯時還是溫度剛好.沾麵湯好稀好薄,唔係杰撻撻果隻,不過味道豐富,充滿牛筋0既香味,麵條輕輕一浸,就沾滿湯汁,食落滋味無窮.不過搵0黎搵去都係得幾粒黃豆咁大0既牛筋,如果好似中式牛筋麵咁有成條牛筋咁就PERFECT喇. 雖然索價$98,有點貴,不過物有所值,大愛哩款沾麵~