影片
更多
2014-09-19
2601 瀏覽
今晚嘅飯局係為咗FAREWELL個同學，我哋成班都係第一次食呢間。我哋訂咗枱所以唔洗等位，不過當晚係星期四，間餐廳都坐唔滿。間餐廳係樓上舖，有兩層，我哋張枱喺三樓。一打開門就見到啲裝修好有特色，好有中國嘅氣息，亦幾富麗堂皇。最特別就係我哋張枱中間竟然有一盤金魚，真係好令人賞心悅目!坐低後，佢會有壷茶同一碟小食。壷茶好特別，味道有啲似玄米茶，茶葉係一啲黑色嘅種子。但啲小食實在太少，七個人先得一小兜，一人都冇一粒花生。。。開始講返啲嘢食先:個炒飯，水晶肴肉同雞絲粉皮就不過不失啦，但以將近一百蚊嘅價錢噄講就唔係咁抵囉，出面大把地方整得好味過佢，大碟過佢同平過佢啦~麻辣肚絲- 味道幾好，夠辣，肚絲切得夠幼北京填鴨- 鴨做得幾好，但皮不夠脆；而啲麪皮我哋一致應為做得太厚喇。牛肉刀削麵- 刀削麵很滑，質地偏淋，牛肉湯底濃郁格格楂楂肉- 其實就係山楂咕嚕肉，加咗完粒山楂，酸酸甜甜好開胃，出面嘅色素糖漿咕嚕肉完全冇得比!!啲肉有人話肥，但我覺得啱啱好。士多啤梨拔絲- 上網見到好多人食加上其他餐廳少有，所以點咗。食落同冰糖葫蘆冇分別，有層糖膠包住粒士多啤梨。最特別係上面啲拉絲囉。呢碟嘢最主要係用嚟欣賞，
坐低後，佢會有壷茶同一碟小食。壷茶好特別，味道有啲似玄米茶，茶葉係一啲黑色嘅種子。但啲小食實在太少，七個人先得一小兜，一人都冇一粒花生。。。開始講返啲嘢食先:個炒飯，水晶肴肉同雞絲粉皮就不過不失啦，但以將近一百蚊嘅價錢噄講就唔係咁抵囉，出面大把地方整得好味過佢，大碟過佢同平過佢啦~
麻辣肚絲- 味道幾好，夠辣，肚絲切得夠幼
北京填鴨- 鴨做得幾好，但皮不夠脆；而啲麪皮我哋一致應為做得太厚喇。
牛肉刀削麵- 刀削麵很滑，質地偏淋，牛肉湯底濃郁
格格楂楂肉- 其實就係山楂咕嚕肉，加咗完粒山楂，酸酸甜甜好開胃，出面嘅色素糖漿咕嚕肉完全冇得比!!啲肉有人話肥，但我覺得啱啱好。
士多啤梨拔絲- 上網見到好多人食加上其他餐廳少有，所以點咗。食落同冰糖葫蘆冇分別，有層糖膠包住粒士多啤梨。最特別係上面啲拉絲囉。呢碟嘢最主要係用嚟欣賞，食用價值不大。今次寫食評嘅主要原因係想佢改善吓佢嘅服務。其實佢服務態度唔係差。待應會好主動介紹啲菜色、仲好樂意幫我哋影相。不過佢哋太鐘意收起人哋碟餸。有啲剩返啲配菜佢就問都唔問收走，阻止都嚟唔切。有啲剩返一件佢就不斷提你叫你食咗佢。其實又唔係有人等緊位，附近仲有吉枱添，點解佢要咁急，唔俾人慢慢食呢?呢間嘢最主管係食個環境，食物都唔錯,如果可以改善吓佢嘅收碟速度咁就更好喇~
張貼
