馬場洞烤肉專門店 (新城市廣場三期) (已結業)

週末差唔多2點先到沙田, 想食好少少就揀咗呢間, 雖然仲有午市套餐可以揀, 但想開爐燒吓就揀2人精選嘅牛肉套餐, HKD548都合理食住泡菜好快就上牛肉拼盤, 職員淨係提及菲力牛排比較需唔需要幫忙燒, 有禮拒絕後就冇介紹其他牛肉係乜或者應該點燒同配咩醬汁 菲力牛排 - 味道不過不失, 反而係把較剪唔易用特級霜降牛肉 - 最好味嘅牛肉, 可能因為重量限制, 出奇地2人餐畀得3塊牛膈肌  / 封門柳 - 正常偏實肉質, 點wasabi或者卷金菇都唔錯唔想揀炸物就冇揀到跟餐嘅炸雞, 反而要咗韓式生拌牛肉, 用芝士係同menu圖係一樣嘅, 但同我認知有梨有麻油嘅版本有D出入, 味道麻麻地, 可能我見識少啦另外, 佢地有位中年長髮操鄉音女職員, 長期都唔用walkie同其他職員溝通, 幾影響其他客人用餐體驗 冷氣同抽氣都有待改善, 午市近窗曬住又熱又焗

去之前看了食評，竟然有差不多10個負評標題都係話食店服務差，外出用膳食物質素固然重要，但我都好怕服務唔好，平時如見到呢啲負評，我一定唔敢搏，但因為想不到喺呢個商場食乜好，所以膽粗粗照去。好彩我地冇遇到同類情況，大部分既店員都冇問題，冇黑面冇態度唔好，整體不錯。講番食物，我地點了牛肉套餐同豬肉套餐，前者可以跟一份炸雞或生牛肉他他，我地就點左炸雞；豬肉套餐就跟一份主食，我們選了辣海鮮豆腐鍋。另外點了一客醬油蟹，見食評多人點藥膳鮑魚雜菌釡飯，所以又點一份，薯仔控既我追加一客薯仔煎餅。等左一陣兩客燒肉套餐先上桌，賣相好得，看得出肉很新鮮，份量亦好夠，比預期多。牛肉套餐中有一塊係菲力牛扒，店員幫忙切開及稍為燒一下，再拿給我們自己燒，呢件菲力牛好正，鬆軟、牛味濃，好好味。其餘兩款牛肉其中一款應是牛肋肉，另一款唔清楚，唔點醬料都好味。伴碟有雞脾菇、冬菇及好鮮甜既菠蘿，如果可單點菠蘿我一定追加。豬肉套餐有兩大件厚切五花腩(最愛)、油花均勻既豬頸肉及脢頭肉，五花腩肥瘦相間，燒得香口一啲都唔膩，亦冇豬既臊味，好吃。其餘兩款豬肉就正常，伴碟只有冬菇及雞脾菇。跟兩個套餐既炸雞同辣海鮮豆腐鍋味道正常，勝在夠熱。