東方宮蘭州牛肉拉麵 (已結業)

銅鑼灣有好多間食麵既店，見佢新開就去食下啦！店面光鮮，好吸引到人們入去食，環境都算乾淨因為晚市太多人食，等5分鐘位然後被安排到門口位坐（有點熱）🔶蒜片青瓜 $18係涼菜，前菜食會更開胃！見到有啲辣椒咪以為辣，其實係少少辣，加埋蒜片好惹味🔶烤雞翅 $25其實都幾重味精，睇樣都知，但係幾好味既雞翅都好juice，可以試下🔶牛肉拉麵 $58麵質細滑唔粉，湯底清甜，牛肉是牛展，有4小片加半個蛋，兩條菜心，我覺得比較少份量🔶蘭州素涼麵 $58唔好睇個名以為凍既麵，其實麵係熱既！麵質類似刀削麵咁，都幾有口感！侍應姐姐特別推薦我地落呢個秘制辣香料佢話唔辣架，係香架！咁就試下，果真唔辣！

«專門店»之前喺蘭州食過蘭州拉麵之後，對蘭州拉麵一試難忘，希望可以喺香港食多次，去咗銅鑼灣呢間專門店去食蘭州拉麵，入面嘅夥記講嘅大多數都係普通話， 餐廳在意都比較 寬闊，大張， 坐落都幾舒服。 入口位置地板上面有些油，少少地滑， 去洗手間及去門口嘅時候，都要小心慢慢行。«牛肉拉麵 58hkd»拉麵方面非常有彈性，食得出係即拉即煮嘅拉麵，完全呃唔到人，因為大師傅就喺門口玻璃櫥窗到拉拉麵，仲拉到嗒嗒聲，拉打功夫好厲害，拉到非常非常非常長，呢間專門店，香料比較重，重口味，同之前嘅蘭州食拉麵嘅味道，好大出入， 牛肉方面用咗牛展都炆得幾冧，味道都幾夾。«紅燒牛肉拉麵 58hkd»牛肉方面係細細舊， 口感較韌， 需要用力去咬開， 紅燒牛肉並非好辣，只係微辣， 麵條方面拉打功夫好厲害，拉到非常非常非常長，口感唔錯。«蘭州大盤雞半份 78hkd»雞大件， 感覺似係炆咗一段長時間，口感較韌， 需要用力去咬開。 青椒洋蔥方面，小小生口感唔錯幾好食。 小菜面頭加咗一層油。冇加一埋單194hkd /@2人

一間位於銅鑼灣新開的拉麵店😍隔着大玻璃，看到師傅拉麵的手藝，十分吸引我倆的眼球。店員告知，店內不同款式的拉麵，也是即叫即製的，十分新鮮彈牙。此點拉麵的款式，分了11類，包括：細麵、二細麵、三細麵、大寬麵等等。分別點了牛肉拉麵$58、蘭州炸醬麵$68（韭菜葉麵， 粗度如韭菜，十分彈牙）另外，點了烤羊肉串$36及烤雞翼$28。較喜愛吼雞翼的酸辣味道，帶有少許孜然粉，十分可口、肉質也很嫩滑。最後，值得一讚的是店內職員的細心講解，服務不錯！