Simplylife Bakery Cafe

營業中

休息中

今日8號風球，突然就有半日假，但打風都要食飯嫁。。於是同同事去左呢間美心集團下既食肆食。一去到，勁多人排隊，我都排左成20分鐘有多，期間帶位既職員出黎問人數，但真心覺得個帶位職員無咩禮貌，有d好似呼喝人既感覺，不過算啦，都明白香港人壓力好大既！坐低之後我叫左個All Day Breakfast配南瓜湯，同事叫左個牛肉漢堡。。同事好細食，所以我食左佢3分1既漢堡同薯條，講真牛肉漢堡都唔錯既幾juicy，薯條係我鍾意食果款，但份量少左d!至於我個All Day Breakfast。。無特別，份量足夠，最後大家都飲果茶，感覺都係無味水😅😅

呢一間simply life諗落其實好不倫不類，不過事實上係一間idea不錯嘅快餐店。點解話佢不倫不類呢，因為佢有餐廳格局，餐廳廚房煮野出來嘅高質素美食，最特別佢就係有快餐廳嘅速度，價錢亦算大眾化。所以其實成件事變成普羅大眾喜愛嘅食肆之一。不過，經營多年之後，亦有佢嘅問題。例如，枱凳開始殘舊。其實啲座位亦非常逼夾，真係好似美心快餐。環境亦比較嘈吵。喜愛美心集團嘅出品。唔好以為大集團就將所有嘢流程化，令到食品質素下跌。佢嘅嘢食真係抵見夾大食！仲要味道幾好添！絕對唔係快餐店質素，呢個值得一讚！

今日約咗朋友在金鐘食飯，諗起simplylife d burger, 就去食。1:45左右，唔係太多人排隊，好快就入座～叫了一客牛肉漢堡，一客黑松露野菌意粉。牛肉漢堡好抵食，牛肉夠厚，唔乾，薯條剛剛炸起，好好吃！這個意粉質地一般，太厚，不過個汁好好味。整體嚟講，$108 連沙律或餐湯，仲有嘢飲係唔錯！

里日生日，去左海洋公園玩左一日。諗住係金鐘食埋先返屋企，上黎open rice 睇下有咩餐廳啦，見到simply life ，心諗食里間一定無死錯人的，因為之前係九龍塘同澳海城食過幾次，每次食都keep到個水準。先上桌的係跟餐的餐包同湯。個包一咬，凍的，唔緊要，法包凍食都可以的，但係里個唔得囉，個包超un ，咬極都咬唔開。（聲明：本人很喜歡吃法包個種硬硬地的感覺，但里個唔係硬禁簡單，係un😲😲😲😲牛肉漢堡就okay la ，保持到水準。塊牛肉幾juicy，但是煙肉煎得唔夠乾身，無個種香脆的口感。而且拌碟的薯條極油，佢一上碟我已經見到薯條下面有好多油浸住啲薯條。肉眼扒質地算軟淋，唔會好難咬開。不過我係要五成熟，上到黎已經去到七成熟，切開一啲血都無。（里樣野係好多西餐廳都有的問題，過熟）整體勉勉強強啦，下次我諗我都係會去返九龍塘同澳海城食，質素相對keep 得好啲。有樣野植得贊下的係，埋單個時我俾enjoy卡，佢地俾左個八五折我，話係商場活動，真老實