奇納百川 (已結業)

係海港城搵餐廳又要用到coupon,行行下見到呢間係lcx 門面又好可愛既餐廳 原來係食韓國野 平日夜晚人唔算多 等左20分鐘就有位牆上面既畫係可以買既，見到千二蚊一幅menu都變左天書價錢正常首先叫左蕃薯條配柚子芥末醬，薯條好多，係一大籃滿滿的，有少少鹽調味，但薯條本身就甜甜地，取到個平衡。配上個柚子芥末醬，好fresh同埋好match, 印象中好似5x, 幾抵食叫左個荔枝茶，味道係好味既，唔係假既荔枝糖漿，不過比較多冰牛肉炒粉絲，牛肉份量都算多，粉絲無炒到散晒仲好彈牙，外貌都靚仔，不過師傅真係皇手左少少，甜左d最尾上左呢個三文魚子海膽忌廉醬烏冬，超級推薦！本身個口感好creamy 配合三文魚同海膽既鮮味，好有層次！最出色我覺得係加左大蔥，令到個麵更加香口。 呢間餐廳無論野食，服務同裝修都非常唔錯，下次會再黎試試其他野食

我在海港城購物後，順路在海港城用膳，選擇韓式料理的「奇納百川」餐廳，皆因店主設計的「奇太郎」卡通人物蠻可愛，而且還可以邊吃邊欣賞維港風景。蒜香蜜糖炸雞~大大件的韓式炸雞，外脆肉滑多汁美味，還附有一小盤帶微微蜜味的蒜香汁來蘸吃，令這款韓式風味炸雞很有清新感覺。牛肉炒粉絲~很有小炒風味，韓式粉絲口感腍滑而且好味道，與粉絲同炒纖幼的紅蘿蔔絲、洋葱帶出天然甜味，鮮牛肉份量也不少。梳乎厘班戟半洋甘菊柚子醬及蛋白香草雪糕~充滿蛋香又非常鬆軟可口的梳乎厘班戟，使我們很開心雀躍，半洋甘菊柚子醬味道清香，色澤淺黃通透，配蛋白香草雪糕，賣相吸引，這款甜品令我們感受到大大的滿足感！

朋友介紹有間食韓國餐的餐廳很出色，而且仲有無敵海景。於是便相約去試下。餐廳裝修夠簡潔，俾人很舒服的感覺， 仲有一個好可愛嘅女仔圖案做Logo店員安排了最入面的4人枱，竟然是我夢寐以求的無敵靚海景位，心情大好，食慾大增！睇到個餐牌樣樣都想食，首先揀咗個蒜香蜜糖炸雞。一上臺香到不得了，雞皮香脆不油膩，而雞肉軟滑有肉汁，點上蒜香蜜糖汁同食，香甜野味。一件接一件食唔停口！另一碟就係韓式牛肉炒粉絲，我很愛食炒粉絲甜甜地加上大量嘅雜菜和牛肉,仲有粉絲煙韌彈牙有少許趙口，真心值得推介！再嚟多一碟賣相超曬班嘅流心薯蛋多士，一上枱真係嘩嘩聲，靚到唔捨得食，雖然係全素沒有肉，但內裏有薯餅番茄再加入秘製醬汁配搭得宜，味道清新凸出，另有大量薯格做配菜，香趣有薯味，點上茄汁同吃一流！最後點了一杯泡沫咖啡，泡沫上的公仔超可愛，相機食完我實在都唔捨得飲，咖啡味道香滑！另一杯就點了香濃的椰奶加入芋蓉打勻，瞬間便成極度吸睛而又美味的~凍鮮奶紫芋，真係超好飲。可以喺咁靚同舒服嘅環境下，同好友暢談下食下嘢，實在至高享受！

見到好多post介紹呢間，所以經過就同朋友叫左外賣。總共叫左三樣野，牛肉炒飯絲、泡菜蛋包飯、海鮮煎餅。牛肉炒粉絲非常多油，而且落左好多味精，牛肉炒得好硬，粉絲本身口感不過不失，比較失望既係成碟都油淋淋，同埋食完好口乾。泡菜蛋包飯，入面見唔到泡菜咁濟。個飯就係普通白飯而且無乜味，168蚊黎講非常失望，不如一個茶餐廳50蚊既蛋炒飯。海鮮煎餅個樣真係嚇左跳，比較似垃圾，唔知佢發生左咩事同餐牌張相完全唔同，唔附合商品說明條例，莫講話咩海鮮，個口感好似橡膠咁，無味又難食，同朋友猜包剪揼先勉強食到，真係貼錢買難受。見到呢間野請左好多Kol介紹，而且店面裝修好令，如果想睇海景打下卡都可以去下既，但食物質素真係極低劣，性價比極低既一間食肆。