喜來稀肉 (瓊華中心)

營業中

休息中

13/6/2023好耐冇幫襯 喜來稀肉，想當年喺尖沙咀要等成粒鐘都照等🤪🤪 之後就開始越來越多韓式燒烤餐廳湧入香港，我都少咗幫襯喜來稀肉了。喜來稀肉比我最大印象係kimchi好食、牛肉肉大塊又吾貴。現在d前菜可以自己出去任拎（雖然好多食店都可以任refill , 但係自己攞嗰種感覺又有啲唔同。自己鍾意食邊款可以攞多啲）以前冇爐邊蛋，現在有。以前最鍾意食佢嘅牛肉眼，size 大厚身都係$150 ，現在都係$158 ， 都size 大、但薄身咗🫠🫠 豬五花有2條，但又係比較薄身，我都係鐘意食厚切多啲😝牛護心肉都幾好食，牛味好濃。旺角分店地方大、坐位多。（但地下有少少滑，要行得比較小心）service 都幾好，後生仔多，有講中文的、亦有講韓文的。

喜來稀肉嘅韓式燒肉一直都係我想去嘅韓國餐廳，因為佢地嘅肉有保證之餘又唔會太貴，加上佢嘅前菜有6款任食，仲有生菜包都任攞，相比其他餐廳要每碟計，所以喜來稀肉性價比好高。當然要叫五花肉（$158），燒香之後肉質好咬口哨，配埋泡菜生蒜好好味。仲有值得一讚係服務生你每燒完一碟肉，佢一定會主動帮你換燒板，非常貼心同服務好好。另外一定要嗌喜來烤肉，係招牌菜，用特別材料醃製嘅牛肉，油脂分佈均勻，又有少少果香味，好味之餘只需幾秒就可以食，好嫰滑又有肉味。再叫多個牛肉眼扒（$158）雖然唔太厚身，但都肉味濃郁。兩個人叫三份肉已經好飽，再想試其他都要等下次。值得一提係佢嘅爐邊芝士蛋，同淨蛋卷都好好味，又可以refill相當抵食，我地無refill都已經好飽，最讚係佢地嘅蒜片一直係爐邊燒，烤到軟身超好食。

呢期真係好有食神，成日都出街食飯，唔理咁多啦，食完先減呀。今晚就去左旺角瓊華中心七樓喜來係稀肉食韓式燒烤。店員好有禮貌帶我地入坐。中間有個自助機吧， 有前菜例如泡菜，生菜等等。我地一共嗌左牛肉眼扒$158，豬頸肉$150，五花腩$180，豬皮$150同蟹籽紫菜飯糰$50。 QR 落單之後嘢食好快到。第一道就係食牛肉，因為最快熟吖嘛。牛肉厚薄適中，入口充滿牛肉嘅香味，而且脂肪較少，唔會覺得好肥膩。之後就到韓燒必食五花腩，脂肪同肉嘅比例近乎完美，燒到兩邊金黃色，再用爽口生菜包，加入落少少泡菜令到成個味道更加協調。韓式豬皮非常厚實，燒完之後入口雖然邪惡，但係10分好味，帶有少少甜味，令味道口感更加豐富。最後食埋個過蟹籽飯團就10分滿足。