梨泰院 (愉景新城) (已結業)

好耐無黎愉景新城，見到新開左間韓國野睇完menu覺得都幾多野揀就試試先😎一坐低就有4款韓式配菜，今次叫嘅野份量都好大份，都算對得起個價錢呢～🔸無骨太陽芝士雞鍋 (HK$248)一上枱比想像中多，最後2個人係食唔曬架🤣幾款口味嘅炸雞(甜辣醬/芝士/原味)，無骨可以啖啖肉咁食👍🏻而中間就係粟米芝士醬，唔係平時食到拉絲個種，比較似白汁就咁沾😛🔸牛肉石鍋拌飯 (HK$88)同樣飯量超多，另配辣醬可以自行加返，石鍋飯有牛肉、冬菇、蔬菜絲、紫菜、流心蛋等，撈埋黎食好有韓式風味呀🍚🔸韓式炒年糕 (HK$68)年糕口感煙韌，仲有蛋以及年糕，食落都辣辣地幾開胃😄

餐廳：梨泰院地區：荃灣地址：荃灣青山公路荃灣段398號愉景新城地下1019號舖日期：12/11/2021人數：2人 等位：0 mins 價錢： ＄378甜辣炸雞 (Whole) $148: 嚟到韓國餐廳當然要食韓式炸雞啦！炸雞一嚟到已經香噴噴🥰佢嘅甜辣醬唔會太辣，肉質亦唔錯，同韓國食到嘅大韓辣醬味一樣咁正😋而且一隻過嘅炸雞分量超多，$148真係勁抵食！原味紫菜包飯 $58: 用蛋、青瓜、紅蘿蔔、黃蘿蔔、菜包成，好正宗嘅韓式紫菜包飯卷，加上少量嘅芝麻同埋麻油，食落好過癮🤩馬鈴薯煎餅 $58: 外皮煎得好香脆，內裏有點Q彈，非常特別嘅煎餅，唔錯唔錯😙牛肉石鍋拌飯 $88: 石鍋拌飯用材豐富，有紅蘿蔔、白蘿蔔、芽菜、香菇、青蔥、雞蛋、牛肉同紫菜，經石鍋將飯整到焦香再將其攪拌，天氣涼涼地食真係一流🤪飲品就嗌咗益力多乳酪沙冰 (+$18) 同埋凍檸茶 (+8)，沙冰飲落非常Fresh，而檸檬茶亦大大杯飲落好爽😋跟餐熱飲加$5、凍飲加$8、特色飲品加$18，非常抵飲！

剛坐下便奉上前菜4小碟，爽口開胃～鮑魚蔘雞湯鮮甜味美，比平常吃到的人蔘雞更為鮮甜，鮑魚軟腍多汁，經過燉煮的雞肉非常軟熟，沾上麻油更香口滑溜，再喝滿滿蔘味的雞湯和煮得稀爛的糯米，享受各種鮮味融在口中的感覺。牛肉石鍋拌飯配有五色小菜和一隻美麗的煎蛋，澆上韓國甜辣醬拌炒，滋滋響的石鍋聲伴隨鍋巴香，戳破半熟的金黃色蛋黃令口感更濕潤，讓人垂涎欲滴🤤🤤泡菜煎餅邊皮酥脆，泡菜爽口，趁熱辣辣的時候吃很不錯，沾醬汁更好吃😋每點一份食品都可以$18加配特色飲品，非常推薦芒果椰子沙冰，清甜又香滑，很適合夏天飲～