Hungry Korean (渣甸中心)

營業中

休息中

有時去銅鑼灣行街，想快速食個午飯，都會黎呢間連鎖式韓式快餐店補充一下體力。呢間餐廳免收加一都算抵食，又幾好味，出餐都叫做快食過咁多次，整體感覺仍然好好今次叫左牛肉石鍋飯，加埋餐廳提供嘅韓色辣醬，熱辣辣又多餸，四十幾蚊都唔錯通常我都會加個Ban chan嘅set，至鍾意個洋蔥青瓜薯蓉（唔食洋蔥者慎入），魚餅我都好鍾意凍抹茶牛奶係加$10（散叫$15），我每次黎都會點因爲我本身唔鍾意太濃太苦嘅抹茶味，呢個係好香奶味加輕輕嘅抹茶味，好啱我之前同朋友黎，都會點韓式壽司，雖然紫菜係林的，但配料味道唔錯，個人喜歡牛肉或吞拿魚之前亦叫過牛肉漢堡包，雖然$39係貴左少少，但個包好多牛肉又夠熱，牛肉汁亦夠多好好味，加埋少少沙律醬真係好滿足架

其實想去斜對面既咖啡弄………但真係好多人…就算已經開業左一段時間,都可以咁多人…最後都係放棄。個肚餓到打哂鼓………真係隨便見到一間就入去醫好個肚算…點知一轉左,等過馬路時就發現左呢間(之後先發現呢間係TST都有店…仲要買過黎食=.=TST個間好似無咩餐,得羅白,泡菜、辣蟹仔個D小吃)個收銀好好服務…我仲企係門口睇緊個時佢已經行左出黎比張MENU我,之後又幫我開門…第一次去食唔知食比左錢後就可以坐低等食(仲以為好似大X樂,大X活個D咁…)真係好好服務！係比完錢之後,諗緊係呼比張單比另一個人既時間個收銀已經幫我搵左位,仲話整好會送過黎…好少見到平時收銀員咁好態度…由門口SELL到開門到收錢到搵位…等食時望下四周…都好多人食囉…同埋…D 員工竟然係清一色全女班呢個價錢…算係咁啦！都幾大碗,第一時間拎隻羹食度撈,之後落辣醬(有個小膠"兜"另外裝的！)本人唔太食得辣…但真係好好味…落哂Ｄ辣醬都仲想要落　真係辣夠得過癮啊！空間：坐到40幾十環境：幾光猛,唔會覺得好逼轉個身都撞到人選擇唔算多,不過對於選擇困難既我黎講已經夠…下次會再去！