Green Waffle Diner (希慎廣場)

營業中

休息中

尋晚同朋友黎呢間餐廳食野, 開放式餐廳, 環境尚算okay。本身揀呢間餐廳其中1個原因係佢好多like, 但食完之後我好疑惑 🤨我地叫左1個set, 再額外叫左個小食同主菜, 打算食住先, 之後唔夠再叫, 當然食完已經唔想再嘥錢牛肉粒薯粒鑊仔 - 據朋友講呢個係其中1個招牌菜, 味道唔錯, 但絕對做唔到招牌菜。如果佢個蛋可以做到半生熟會流心可能效果會更好, 而且佢d薯粒同我個餐個小食1模1樣, 其實冇必要再額外叫多個安格斯肉眼扒 - 呢個真係超失望, 1切落去就知好韌, 完全冇肉汁, d肉亦都唔嫩口。明明話要medium, 而家望落張相好似係接受, 但除左外面呢層入面係7成熟。頭先睇左其他劣評發現有個話要7成熟黎左全熟, 所以我應該要叫medium raw, 呢個扒要額外加$60完全呃錢牛油果意大利飯 - 呢個個味完全唔match, 好奇怪, 加左檸檬汁個味會好d, 其他朋友全部都額外加料先食埋佢最後仲有個waffle, 個waffle係全晚最好食gei野, 不過冇影到相。本身係同朋友慶祝生日, 打算額外再叫多個甜品, 因為用個set gei甜品黎賀壽就有d肉酸, 但正如上面所講, 無

前幾日食左間好耐無食既餐廳…哩間餐廳以前係我既飯堂，轉左工之後就無食一排。記得嗰時仲喺JP戲院，依家搬左去希慎廣場，咁啱去開探舊同事，所以我地就去回味下😋-☆ Lunch Set 卡邦尼長通粉 HKD$88每一條長通粉都有滿滿既忌廉汁包裹住😍 每一口都Creamy非常😋 醬汁味道啱啱好，唔會好重味，感覺較為清新，亦唔會食到醬住個口👍 Lunch set仲送半個窩夫，哩度既窩夫外脆內軟，熱辣辣好好食，果然保持到水準🤗🤗-☆ 牛肉粒薯粒鑊仔 HKD$103無set都要嗌就知我幾喜愛💕 記得以前最鍾意食佢！芝士薯粒哩個配搭夠哂邪惡，永遠無得輸😍😍 芝士超厚超濃郁，仲要厚到拉絲🤩 加埋牛肉粒、雜菇，令口感層次更提升👍 唔知大廚嗰日係咪重手左😄 味道比平時食開嘅重口味，搞到食完有啲口渴添~

回頭率：🌕🌕🌕🌗🌑份量：🌕🌕🌕🌗🌑味道：🌕🌕🌕🌕🌑價錢：HKD144/Pal◆Summary◇銅鑼灣店比中環店大好多，Foodcourt半開放式。今次坐圓檯藤椅就唔係太舒服，好逼郁唔到🙈食物方面窩夫就必試，另一樣招牌款式係薯粒鑊仔🥘好味到坐得辛苦都唔介意了💦整體性價比都幾高🆙二百幾蚊已經食到超飽好滿足🤤———————————————————◆牛肉粒薯粒鑊仔 ◇ HKD103(細)/144(大) 😍戳破水波蛋，蛋汁緩緩流出，快快攪拌均勻一剷起，薯粒已經掛上拉絲沾滿蛋液。薯粒輕微炸過，表面薄脆，粒粒分明，內裏卻依然軟綿🐮牛肉粒同樣香脆，牛味濃，煮得啱好幾易咬，同薯粒好夾◆早晨全餐 ◇HKD96+22配菜揀左煙三文魚、炒蛋同沙律，本身有多士➕半份窩夫，我就加HKD22轉成一份斑蘭窩夫(⚠️轉普通窩夫10蚊就得啦) 窩夫外表微脆，一切落去好軟熟回彈，切面嘅綠色靚到“嘩“一聲，後期都唔駛調色🌳塗一層牛油，斑蘭味若隱若現，中意甜食嘅朋友仲可以淋埋糖漿添🍯配菜就普普通通，炒蛋略嫌蛋味唔夠濃味道亦偏淡，建議可以加啲胡椒粉🌬

獨個兒的時候，就最鍾意到自己喜歡的食物。還記得 Green Waffle Diner中環店係我中學時期最鍾意去食的地方。十年後的過去，餐廳的分店愈開愈多，由香港至至新界巨都有，大多進駐商場。今日途徑希慎廣場又見到佢的出現，過了午飯的時間人流不多，決意回味一下。希慎廣場大以開放式為主，更見寬敞又舒適。餐牌上的食物相當多元化，總有一款適合你的口味。咸食大推鑊仔，甜食莫過於窩夫吧。牛肉粒薯粒鑊仔 $ 103我的最愛鑊仔十年時間，仍舊美味。利用鑊仔可以保存其溫度，而且內含牛肉粒、炸薯粒兩者都是好香好脆又滋味。蘑菇同洋蔥及水煮蛋配上車打芝士更見美味。喜歡其水煮蛋呈現流心效果，味道上沒有半點抗拒的理由。香蒜蜜糖雞翼 $62燒雞翼我自細鍾意食，忍不住又點多一份雞翼。雞翼有3款口味，包括有水牛醬、酸甜燒汁或香蒜蜜糖。我選擇後者的香蒜蜜糖汁，香蒜味道十足，帶有少許甜度味道剛好，令人回味無窮。

健康又有特色的輕食餐廳鑼灣希慎13樓的green waffle diner, 環境簡約舒適。Ice Blue Horizon Latte $50漸層藍色非常靚奇異果汁 $48鮮榨果汁有益又健康Dragon On The Rose $68火龍果玫瑰cocktail, 果味清新，亦有火龍果肉，vodka酒味唔太濃容易入口牛肉粒薯粒鑊仔 $98炸香嘅薯粒＋芝士＋流心蛋＋牛肉粒，呢個配搭都幾難唔好食，果然好惹味，食唔停呀～自家製紅菜頭意大利飯 $128顏色吸引，飯入口煙韌, 芝士味濃郁，加上紅菜頭的味道，甜甜地好開胃。班蘭班㦸 $128上面放左好似龍鬚糖嘅裝飾，入口即溶幾得意，pancake鬆軟亦唔會太甜，配上鮮果唔錯

由於好朋友話之前去銅鑼灣希慎廣場嘅「Green Waffle Diner」食過覺得幾好，所以就約咗我們今日一齊去食晚飯！我們叫咗水煮蛋火腿雜菜沙律配黑醋沙律汁嘅火腿並唔係切成薄薄片，而且都幾大片厚身，所以食落口感相當豐富，沙律菜亦都好新鮮清甜！牛油果炒蛋三文治係將牛油果切成一片片舖喺面層，中間就係軟滑同暖暖嘅炒蛋，夾埋一齊食，真係好正呀！香草欖油野菌扁意粉嘅意粉質感好煙韌彈牙，野菌嘅味道好鮮甜，但就略嫌比較油膩同香草味過度濃郁！牛肉粒薯粒鑊仔係用個鑊仔盛載著上碟，所以可以一直保持著熱度，炸薯仔粒炸得外層好金黃香脆，入面就係軟腍腍嘅薯仔肉，牛肉粒嘅肉質都幾鬆軟，而且面層有香滑嘅水煮蛋同大量嘅芝士，撈埋一齊食，雖然都幾惹味，但就比較膩！美式鹹牛肉三文治嘅鹹牛肉份量相當多，味道雖然都算鹹，但都幾惹味，至於三文治亦烤得好香口酥脆！焦糖青蘋果窩夫嘅窩夫好外脆內軟，青蘋果嘅味道酸酸甜甜，感覺好醒胃！班蘭班戟嘅質感好軟熟，班蘭嘅味道相當芳香濃郁，而中間夾著嘅係鮮果同忌廉，而伴碟嘅焦糖粒嘅味道雖然好香甜，但因比較大粒，可以話係比較大塊，所以好難先可以咬開，呢點係令到我們覺得有啲失望！