羅富記粥麵專家 (已結業)

今晚羅拔兔去完AIA嘉年華, 肚仔又唔係幾餓, 原本想吃吃看SIMPLY LIFE的沙律, 但價錢有點貴便改道到羅富記吃粥! 一樣健康有營,.仲好暖胃添!羅拔兔今次黎到一如既往, 叫左及第粥同埋牛肉粥, 唔少得既當然係蜆蚧炸綾魚球啦! 簡直係鎮店之寶!及第粥粥底超綿超甜, 每一口都泛著粥香, 老師傅煮粥的功力不容置疑! 材料亦都非常豐富, 有豬腰, 豬潤,豬肚同肉丸。豬潤同肉丸味道都唔錯, 豬潤唔係黃沙,不過口感頗爽口, 而肉丸則味道濃郁。可惜係豬肚同豬腰都無乜味, 豬腰更加有啲唔知食緊咩既感覺, 無乜味得黎有啲怪味道咁。牛肉粥粥底一樣超綿超甜, 牛肉腍, 味道好, 無咩可以挑剔了蜆蚧綾魚球即點即炸, 點會唔好味!魚肉實淨無腥味, 雖然蜆蚧有啲咸, 不過配上粥品一咸一淡是能夠沖掉的啦! 除左咸左啲之外, 配搭綾魚球或淨食啲蜆肉都好好味喔! 每次來都一定要叫!隨住時代租金上升, 現在來羅富記吃粥都變得不太便宜了, 不過間不中還是想吃這裡的蜆蚧綾魚球, 味道始終令人懷念啊... 

今次叫了一碗水餃麵、一碗牛肉粥、一碟鯪魚球先說水餃麵，水餃皮薄而香滑，醃料配料足夠，爽口的木耳、尚算新鮮的蝦肉，口感幾清爽；麵底幾好，幾彈牙；可是湯底卻頗重味精，破壞了整碗水餃麵的清爽彈牙幾個月前巧合路過，試過牛肉粥，當時給它的評語是粥夠滑而牛肉不夠滑。如今的評價依舊，粥確是煮得幾棉幾滑，但牛肉便差了少許！鯪魚球炸得幾香脆，魚球也尚算新鮮，所以並沒有一陣陣的魚腥味。畢竟鯪魚球是羅富記的鎮店之寶，水準總算有點保證的羅富記這間老字號，號稱為粥麵專家因此入內光顧，總不免有較高的期望但無論其粥品還是粉麵，與頂級水平還是差了少許是名過其實？還是水準稍有下跌？

偶然路過，想回味一下羅富記出品的粥叫了一碗滑牛肉粥，粥本身煮得夠綿而尚算夠滑，唔錯的可是，牛肉本身肉質麻麻這些質素普通的肥牛肉片浸在熱騰騰白粥內，只浸一會便覺得韌，影響了口感粥滑、而牛不夠滑，便是最佳形容這碗粥無論如何，單是白粥本身，已經值回二十三元這票價吧！不知為何，羅富記的粥品是全日供應，但粉麵只在午市供應呢？甚麼因由？未知可否有高人指教？