韓點 (紅磡)

營業中

休息中

店內貼住唔好食原銀奉還，都幾有自信 不過老老實實人地做生意，幾十蚊，唔好食都唔會叫佢回水禁衰！店面都幾細，貼左好多老闆自己一家人既生活照，感覺好似去左人地屋企咁樣。幾番思量，叫左韓式魚蛋、牛肉蓋飯同冷麵。小弟未去過韓國，唔知人地d魚蛋係咩樣，不過呢碗野又係幾盞鬼。魚蛋唔係一粒粒，而係一條條好似圖中咁卷埋，食落有咬口，白蘿蔔都算鮮甜 唔好睇個碗好似細細但其實幾深，個蓋飯份量對於我黎講真係珍寶級，醬料甚有韓式甜味洋蔥既甜煮晒出黎加埋d芝麻，簡簡單單都好食冷麵係截然不同既味道，涼涼的加上蔬菜感覺清新，有份酸味在其中好消膩，食完都唔會滯價錢平得黎食物物有所值，不過如果你對環境舒適度有要求，可能唔太適合喇。