赤山風味料理 (已結業)

雖然地鐵站覆蓋範圍越來越廣，不過都仲有d地方未有地鐵，而令到自己好少去。新蒲崗呢個冇地鐵的地方真係好少踏足，雖然唔算遠，但唔係有人約真係未必會去。今晚就有呢個機會。有左Mikiki之後新蒲崗的確多人去左，不過裡面其實都仲係舊區一個，今晚係呢度既一間日式餐廳食晚飯。餐廳地方唔算好大，裝修感覺有點似放題的格局。餐廳並非放題，不過同放題一樣好多食物可以揀。赤龍卷 $78自家制的卷物，夠特色，卷物上有生蝦，海膽，蟹籽，排列整齊，配上前方兩隻蝦頭，原來仲可以食得。蝦頭已經炸過，入口香脆。三文魚壽司 $22三文魚好厚切，真係一件頂幾塊，十分抵食。巨鰻壽司 $32巨鰻同樣抵食，巨鰻厚厚地，入口口感唔錯，加上有足夠鰻魚汁，令到鰻魚香口而不會有乾身的感覺。鐵板一口牛粒 $68牛粒好大粒，咀細人士要一口食可能有難度。整個一口牛制作並不馬虎，蒜片，蔥花，洋蔥，醬汁都好充足，令牛粒更惹味。牛肉鍋 $52熱鍋中有大量生牛肉，中間唔少得一隻生蛋，撈勻牛肉鍋既時候牛肉已經夠熟可以食得。鍋既牛肉湯味道香濃，加左生蛋令牛肉食既時候更加滑。鍋中還有豆腐，粉絲等的配料，十分豐富。希望可以多d機會去下新蒲崗試下其他小店。

朋友係新蒲崗返工，放左工搵佢食飯，佢就介紹左呢間日本料理餐廳係新蒲崗廣場2樓，十分方便環境清靜舒適食物好多選擇沙律有別於平日係日本餐廳食既沙律，青瓜絲下有我喜愛既牛油果，最驚起係薯蓉淋上麻醬後放係一塊薯片上面，食落好開胃仲唔會有違和感刺身一上台同朋友已雙眼發亮，賣相好吸引，甜蝦好新鮮刺身色澤鮮明，唔會有雪味，而且肉質鮮嫩點菜時朋友疑惑芝士焗蠔就芝士焗蠔，點解要強調生蠔，食落先知呢度既焗蠔唔係全熟既，係有少少生既，食落更滑嫰燒鯖魚恰到好處，皮唔會燒到硬晒，魚肉鮮甜，加上檸檬汁好開胃巨鰻壽司名符其實，鰻魚非常厚身，兩件壽司加堆既份量已媲美一個鰻魚丼燒栗米燒得有點乾，但牛油味濃最深得我心既牛肉鍋，湯底唔會太甜，溫泉蛋亦唔會因為鍋既餘溫而立即變得全熟，牛肉，菜及菇都不會太諗而且好入味埋單每人約205，朋友形容呢個價錢平過放題但有更佳食物質素