清真牛肉館 (龍崗道) (已結業)

九龍城名物清真牛肉餅🥯真係超級多汁，食嗰陣時要小心啲，咬咗層皮先，然後可以吸入邊啲汁✌🏻熱辣辣，非常多汁惹味蔥油餅🍃味道正常，鹹鹹地，餅皮酥脆咖喱牛腩飯🐮第一啖食到嘅居然係芹菜味🌱食食吓真係喺碗咖喱入邊搵到芹菜😂我覺得好夾好清新👍🏻佢嘅咖喱都帶有辣味，都濃味，非常之送飯總括來講， $20一個牛肉餅係有一啲貴但係間唔中食下都OK👌🏻蔥油餅同牛腩飯就都算普通貨色唔算太特別好食😅間唔中去九龍城，我諗我都會再買返個牛肉餅食

搭巴士次次經過都好多人排隊吓今日專登去滿足一下好奇心一到門口見到餐牌就覺得好費解唔知有冇人同我一樣有同樣疑問點解清真牛肉館係食上海菜既呢？不過唔緊要我都係中意上海菜既既然中意食上海菜就緊係有比較啦前提講到咁樣樣就一定係普普通通啦麻油雞海蜇 $124食落係沙薑雞 肉質係嫩既清真、上海 有冇麻油雞我就未見過啦 清真、上海既麻油雞&沙薑雞有咩分別呢？我就真係唔知啦～🤥牛肉餅 $40（2件）貴價牛肉餅成$20一塊Um...抵唔抵就好難講因為佢嘅肉同炸醬麵嘅肉係一模一樣只不過佢係多咗少少湯汁食落似荃灣瓜子大王既咸月餅但...我覺得 瓜子大王 好食好多～同樣$20個（講起又講丫）火腿月餅同鮮肉都好炸醬麵 $48味道 非常 非常 之 清淡 頭暈身㷫 有咩唔舒服嘅病人都可以食佢原理同食白粥差唔多啦加左少許鹽咁上下啦值得讚嘅可能都只可以話係冇味精（我估）聽聞呢間係同 深水埗馬家莊同一族咁我諗試左佢我都唔洗試馬家莊🤓唔夾丫我地總括黎講我覺得係呃遊客嘅，呢個價錢同樣係上海菜，我會推...1.金滿庭2.手拉麵小廚（平價些少）3.去上海食4.請你哋推介順帶一提，服務真係令人多唔高興，一入門口就叫我地掃安心，冇紙

咖哩羊腩飯性價比高！😍😍羊腩肉質鮮嫩無比！軟綿綿入口即溶，唔會重So味！咖哩係辣汁咖哩，偏辣但入到口。咖哩唔會過分濃稠，又唔會太稀，撈飯一流仲有羊筋位，爽口彈牙👍🏻招牌牛肉餅，食呢個要熱辣辣食，好正！皮薄多餡，牛肉重味，夠哂juicy！爆哂汁架🤪🤪🤪雖然望落好油但酸酸地都好開胃！D汁有兩匙羹咁多！！！😋😋😋辣子羊片呢個超級辣～無咁易入口😹😹😹d羊肉竟然有奶香，廚師應該落左牛奶煮～～咬落去好滑！好香！好有心思但我下次會叫小辣，後面食到流汗💦我無叫多飯都咁多飯，😂😂😂

爆汁牛肉餅推介指數 🥩🥩🥩🥩🥩朋友買過好幾次外賣牛肉餅分享，每次當我翻熱食個時已經覺得好幸福嘅時候，都會講堂食仲好食呀！今晚終於忍唔住去堂食先！清真牛肉館有2間，分別响龍崗道同打鼓嶺道。今次去咗龍崗道，近太子道西嘅。🥩 牛肉餅 HKD40/2個新鮮熱辣辣，堂食嘅牛肉餅更加鮮味同爆汁，食嘅時候咬開少少先再食呀！🥟 牛肉湯水餃 HKD39/10隻Size 比港式雲吞細少少，牛肉餡唔會太實或鬆散，牛肉鮮味。🍜水煮牛肉湯麵 HKD54@唔會死辣同太鹹嘅辣醬，麵質有啲似上海麵。🥘雪菜牛絲炒麵 HKD53@比較失色嘅炒麵食物 🥩🥩🥩🥩🤍環境 🥟🥟🥟🥟🤍服務 🍜🍜🍜🍜🍜

九龍城龍崗道老字號清真牛肉餅,細細個已經食緊!此店名物^^牛肉餅很juicy,咬落牛肉汁流出黎,即爆湯汁,肉味很濃,牛肉餅外皮有少許脆口出色!價錢經濟，食物水準保持。最美味的是牛肉餅!!!!

男友話想去九龍城食個間好出名牛肉餅既清真餐館 😆 原本以為好有清真style，但入到去原來係另一回事，似廣東小菜館多點 😆🐻同男友order左一個「2人餐B」當中包左麻油雞、咖喱牛/羊/雞、清炒時蔬、牛肉餅（2件）仲有兩杯豆漿😝推介/意見‼️（5隻🐻最高分✨）✨ 牛肉餅 🐻🐻🐻🐻🐻尼個馳名既牛肉餅 🌮 終於都試到啦❗️最後先出現既佢熱辣辣，食既時候要好小心，因為外皮微脆，內裡勁多汁，而且牛肉同餅皮夾埋一齊係岩岩好 🥰 真心推介❗️✨ 咖喱羊🐻🐻🐻🐻🐻原來佢地既咖喱🍛都幾多人鍾意 ❤️ 因為見到好多人叫外賣都係叫咖喱 😍 怕辣既🐻食既時候都覺得個辣度唔野少但又好惹味，但係佢肥美既羊肉令佢無咁難入口🤩 怕辣既🐻慢慢食都食得到❗️✨清炒時蔬🐻🐻🐻🐻不得不讚佢今次清炒嘅油麥菜，好耐冇食過咁甜嘅菜 🥬 真心覺得佢炒得啱啱好😝✨麻油雞🐻🐻🐻佢係凍食嘅雞🐔雖然係啖啖肉，而且個麻油醬都幾開胃，但係個雞太乾身，相比其他餸菜，佢就變得好普通🙈價錢‼️$250 「2人餐B」

All the way to Kowloon City for this. Had the 牛肉餅, 咖喱羊腩and 雞絲海蜇.. Came here before and it was pretty good but Kinda disappointed this time😟 the curry is good👍牛肉餅 is very juicy but it would be better if the portion is smaller 😂 雞絲海蜇is so salty this time, it used to be good. Ard $100-200 pp

平時去九龍城 唔係泰菜就係火鍋原來仲有呢間清真牛肉館千祈唔好走寶一定一定要食牛肉餅！一試難忘牛肉餅..............................$40/2pcs熱辣辣上枱一咬即爆汁記得要搵個匙羹裝著啲湯牛肉汁香甜 溫馨提示🤫小心燙親嘴喔.回鍋牛肉客飯............................$47好怕食好油既嘅回鍋肉但呢碟一啲都冇呢種感覺辣味甜道都足夠火喉炒得剛好唔會好韌👍🏻👍🏻👍🏻

太耐無食，今次經開又去食下牛肉餅水準無得彈！！淨系入黎食個牛肉餅都抵！牛肉餡足料，皮唔厚但有咬口，一咬裡面啲汁就吱出黎，更系用匙更兜住啦，牛肉汁味濃！其次多人叫就系，咖哩，牛腩或羊腩。我地比較喜歡羊，就揀羊！有少少騷味唔錯，唔鞋，但騷味唔算濃。好似咖哩配飯比較惹味，因為食麵撈唔到咖哩汁😭💪🏻。會跌晒落湯到。蔥爆羊肉一般，無騷味，鬆肉粉乸太耐既感覺，如果話系牛肉到算。但下次應該唔會再叫呢個😂。

牛肉餅 $38有2個，超多肉汁，勁好味😋蔥油餅 $34 2塊 一開4 ，唔太油，唔差咖喱羊腩 $78 ，本人本身唔太喜歡食羊，所以都覺病甦味，配菜嘅薯仔好好味！大漠風沙雞 $145 半隻，雞皮脆口，正上湯白菜仔 $61 正常，冇特別高力豆沙 $25 2個，飯後甜品一流平時都好少嚟到九龍城食嘢，因為對我嚟講地點唔太方便，但今次係老細帶我地兼車我地嚟食，因為呢到嘅老闆娘係我地嘅客人，所以要嚟幫襯下，而且食物真心好食，有機會都要再嚟食👍🏻

呢間野都出名左好耐，係香港少有質素既中式伊斯蘭餐館，因為都未試過呢類型既菜式，咁岩係附近就去試下啦～😋😋佢地既牛肉餅係必食丫，又大件又多汁，一咬落去啲湯汁係流晒出黎～而個餡既牛肉都好多，好香牛肉味，不過要小心啲唔好辣親個咀丫～一上菜就驚嘆個鍋真係好大，叫半隻雞其實都夠分比4個人，佢入面既湯有小小奶味，好好飲～而白菜同埋雞入晒湯既味，所以好夠味。雲吞既數量都算多，係包住肉同蝦，食完呢個都夠晒飽 總括嚟講，我對呢間野完全冇失望

由細食到大嘅牛肉餅，好好食！皮薄餡靚，牛肉餅超多汁又juicy，一咬勁多牛肉汁。好難得佢咁多年都keep到水準！食嘅除咗係好味道，仲要係感情同回憶。平時泥一定會叫上海粗炒，今日lunch唔想太heavy，所以嗌左份量較小嘅細咖哩羊腩粉絲。睇相都知佢係好濃味！咖哩味好香，唔會太辣，重點係羊腩好腍好入味！嗌左細份所以粉絲份量較小，兩啖就食曬，不過佢吸左咖哩湯嘅精華，好入味！好希望佢可以一直都keep住呢個水準！因為真係太好食啦！

星期六下午2點左右去，入面坐滿人，等左5分鐘先有位。牛肉餅同牛肉鍋貼都係超熱超既多汁。我食牛肉鍋貼既時候一唔小心仲爆汁添，搞到成身同台都係汁，所以食既時候要小心。呢兩款煎物唔會太油，皮薄多餡。如果兩款要比較，我會比較鍾意食牛肉餅，佢個餡好似比較多層次，而牛肉鍋貼既餡好似口感差d。兩款我都鍾意食。酸辣湯，好足料，唔會好酸，唔稀，小小辣好正！咖喱牛腩，好大碟，有d辣。入面有薯仔，牛筋同牛腩，燜得好稔好入味。小小辣送飯一流啊。

九龍城一向都係臥虎藏龍之地、今晚兩口子係區內行咗一大圈終於諗掂推門入內祭祭五臟廟 ；～ 牛肉餅合格、新鮮熱辣即叫即煎、入口外皮鬆脆得嚟煙煙韌韌又唔油膩、牛肉餡多汁惹味、保持一貫水準～ 糖醋桂花魚一般水準、魚身偏細所以炸過後肉身比較乾、最不恭維嘅係個芡汁、只可以用化學茄汁加生粉水來形容。。。上枱隔咗幾分鐘D芡汁涼咗就漿住晒，收 $148 真心㗕一D都唔貴、不過唔係話收得平就Hea住做、師傅俾多D心思做得好些可以嗎？～ 咖哩羊腩浄食大大碟賣 $78 蚊非常低食、雖然明知係雪藏貨、但羊肉處理得非常好、肥瘦適中有咬口、配合咖哩好惹味。要挑剔的話越食越覺得鹹同口乾。。。（師傅落咗重味精？）、問啊姐有無薄餅之類嘅嘢想嚟中和一下、啊姐介紹咗清真推介嘅葱油餅。。。一試之下其實兩樣嘢一D都唔夾、咖哩嘅濃味完全掩蓋左葱油餅嘅葱香、而且兩㨾同樣係濃味嘅食材越食越鹹。。。最後唯有。。。打包。。。～ XO 醬炒什菌用料非常足、成個碟底都係 XO 醬、相信用咗大半樽 XO 醬去炒。。。整體味道非常重同鹹。。。最後唯有。。。打包。。。～ 牛肉鍋貼合格綜合係一間食完會令你血壓急升嘅小館（因為食物實在太重口味同鹹）、真

一講牛肉餅，相信好多人都一定諗起佢。以前真係任何時間都好多人，而家好似無咁墟冚?! 個人估計係因為有段時間餐廳為咗谷食客點汽水，所以整到啲馳名咖喱辣到飛起。好彩我算食得辣，但見到人哋又點汽水又買紙巾，汗如雨下 牛肉餅係必點名物，新鮮出爐時真係超正，外皮焦脆，裡面鬆軟爆汁好似係蝦仁炒飯，有驚喜，粒粒分明，推介！呢碗嫩雞煨麵… 賣相有啲核突 (湯面嘔泡)，麵有點漿糊感…紅燒羊腩成功取代咖喱羊腩嘅地位，微辣開胃，炆煮到腍嘅羊腩肉伴住羶味肥膏，食唔停口！