壹火鍋

營業中

休息中

今晚探望奶奶，自然又係旺角食飯，而天氣開始轉涼，又係打邊爐的時候了😋😋😋😋，諗起上次壹火鍋的海鮮船，當然揀返呢間啦，上到門口已經有人等位，好彩我們有訂位習慣，所以可以直入。我們6:30前到來，收費$149，我們升級任食刺身$30，另外海鮮船$59。首先點了些刺身，雖然刺身唔算太凸出，不過都好鮮甜，作為頭盤真的不錯。吃完刺身要了個麻辣拼香茜豬骨湯底，麻辣唔係正宗四川麻辣，不過味道都幾辣，而香茜湯底好多香茜，最啱用來烹調海鮮。期待已久的海鮮船出現，質素一點都沒有改變，仲係咁新鮮，係一定要升級呀👍👍👍。叫了些新的火鍋配料，如黑毛豬五花腩、越南札肉、海白鱔，之後再加些牛肉、蝦、響玲、萵筍、蕃茄、脆肉鯇魚骨腩，我最喜歡牛肉、蝦、響玲、白鱔😋😋😋用餐差不多兩個鐘，已經飽到不得了，下次有機會再來吃多幾次。

每月都會去旺角探望媽媽，去完就在附近吃飯，在兆萬中心，之前係Openrice 見呢間好似幾好食又新開，就訂了七點，一去到即入，被安排卡位。我們揀了2個鐘刺身海鲜放题$189＋$59有海鮮船(必吃)我們叫了一轉刺身，三文魚、油甘魚、八爪魚、甜蝦，所有刺身解凍得好好，仲叫幾多黎幾多醬料：X0醬、柚子醋、另外還有10幾款醬料。海鲜船：元貝2只、白貝2只、龍蝦半只、蟶子4只、鱔片2件、蜆4只、鮑魚2只，全部都新鮮同鮮甜鍋底－花雕醉雞鍋，個湯底藥材味道好重，因為有好多藥材：紅棗、當歸、黨參、龍眼肉、花雕酒，(食完果晚個身好䁔)，而雞件已經浸咗花雕一段時間，雞肉混合花雕，令雞件好好味👍👍👍，食完覺得個身暖𥅈𥅈😋😋😋火鍋配料方面，我推介：放題較為少有是田雞，田雞好新鮮😋😋😋海蝦好有蝦味又彈牙牛肉夠薄，滾3秒食得，仲好有牛肉味

在兆萬中心找地方吃晚餐，試試16樓的壹火鍋。先來鴛鴦鍋底，左邊是我選的蕃茄湯底，右邊是蝦子餅選的皮蛋芫茜湯底。調味採自助形式，欣賞這個三合一碗的設計，我取了豉油加蒜蓉、芝麻醬和柚子醋。每人多付30元便可享用刺身放題，第一碟點了三文魚、甜蝦、八爪魚、墨魚、鮑魚、馬刀貝和榮螺，全部都很新鮮美味。火鍋方面，先來一碟牛肉，不會太肥，肉質腍滑。前面兩碟分別是是日海鮮的生蠔和金錢(月展)，蠔有點腥，金錢(月展)的肉味很濃。後面的是鮮蝦、帆立貝和雞肉。蔬菜的選擇很多，我們點了本地生菜、菜心苗、金菇、雞髀菇和蘿蔔，菜心苗很甜，蘿蔔切得太大塊了。火鍋又怎能沒有響鈴。鯪魚滑和蝦滑做得不錯。少不了我愛吃的墨魚滑，加了蟹籽口感更豐富。個人認為牛舌比牛(月展)遜色。安歌菜心苗，還加了白菜苗。值得一提的是壹火鍋的食材選擇非常全面，想得到的都有，較少見的有沒有上鏡的豬肺，連即食麵都不只一款，有出前一丁和韓國麵供食客選擇。接近尾聲，再來一碟刺身。最後以雀巢雪糕為晚餐劃上完美的句號。