Macaroni Dessert Bar (已結業)

尋日同另一個半搵餐廳慶祝食飯，想要慶祝紀念日，於是無意間搵到呢間喺何文田Bar&Restaurant，仲要咁啱見到佢哋有做緊優惠推廣，有得買現金券再抵食啲，所以就直接揀咗間餐廳。首先想講真係好鍾意佢呢個牛肝菌湯，唔知咁到底好似有少少芝士嘅味道，酸酸地，但係奶味十足，但我覺得同出面嘅牛肝菌湯好唔同。配搭餐湯嘅黑松露麵包非常之濃厚，黑松露嘅香味配搭芝士醬喺上面，成個口感非常之舒服。跟住要讚嘅係蜜汁黑椒豬手，成個豬手口感都非常之有水準，外脆內軟，配搭喺隔離嘅薯仔粒都非常之入味，呢個價錢值得食。然後驚喜嘅係，晚市套餐優惠裏面嘅煙三文魚卡邦尼意粉，意粉嘅口感同出邊嘅唔同佢哋嘅意粉比較幼身，同天使麵口感有啲相似，卡邦尼做得非常之好，底下面仲有好多雜菌，而且煙三文魚配搭卡邦尼意粉，口感真係好好。水牛城雞翼，第一啖覺得有啲似咕嚕肉嗰醬汁嘅味道😂但係食多幾啖就覺得係有啲唔同嘅，第一次試到味道嘅水牛城雞翼，其實係幾有風味，不過同我自己個人口味就爭咁啲。最後真係好想好想讚佢哋嘅餐廳服務，非常之有心哋幫我哋喺心太軟都寫低咗啲紀念嘅字句，令到成個用餐體驗進一步提升，餐廳員工非常之有禮貌，尤其是係貓店長「阿包」真

①水牛城雞翼 $62先來個小食，6隻雞翼大大隻，味道帶微辣，惹味開胃。②美國1855黑安格斯西冷 轉套餐 $268套餐多左沙律，湯，飲品以及甜品。煙三文魚沙律賣相唔錯，塊三文魚幾大塊，蜜糖芥末醬正合我心。牛肝菌湯配松露牛油多士，個湯幾香濃，多士有驚喜，幾特別。主菜件西冷好大塊，有筋有膏，叫左Medium，切開少少紅剛剛好，口感唔會韌，就算唔點蘑菇汁都夠味。跟薯菜有沙律菜，西蘭花，紅蘿蔔以及炸薯粒，份量好多。飲品飲凍朱古力再另加$15，本身覺得有點貴，但見唔到杯凍朱同普通茶餐廳飲品很不一樣，感覺值了。③半熟刺身帶子黑松露意大利飯 $98份量幾多，兩隻帶子好大隻，煎香兩面，中間如刺身般軟腍。意大利飯有香濃黑松露味，仲有拉絲。套餐的是日甜品轉特色甜品可減$20，所以另加$42點了餐廳招牌甜品④ 二人拿破崙賣相吸引，切果下已經聽到鬆脆聲，不過略嫌只有酥脆而不夠香口，但也是非常不錯的拿破崙，不會覺膩。.整體食物質素算高，是日晚餐$100有找，其他主菜性價比亦高，甜品亦出色，絕對是有驚喜的平民西餐廳。.小事一樁，餐廳入面有隻好靚既英國短毛貓，當我坐低落完單想同隻貓影下相，點知呢個時候有個港女出現，

友人係附近住先發現到依間隱世高質西餐廳甘岩約生日飯，佢就推介我地食依間係何文田站b1 出口沿天橋行，好快就到門口會有是日特價套餐餐牌，之後發現ipad menu 都會有，特價餐只包湯同野飲主餐牌主食大約$100~200, 轉套餐包沙律，包，飲品同甜品，都係加$68友人話份量都多，所以我地四個女生就點三個餐加個小食先上沙律， 特登點兩款唔同parma ham 都有四至五塊，菜算新鮮，配埋既醋一齊食，酸酸甜甜，好開胃煙三文角賣相可以，配既汁係唔同既，有誠意依個係見到其他食評話正，所以特登點一上碟已經聞到陣刺鼻味未擺入口我地已經有幾聲咳一食落去，隻汁即刻刺激味蕾，先辣後酸，好爽，而且外脆內軟，岩岩好，真係好好食係一開頭隻味嗆鼻d, 但適應左都ok, 隻辣亦都好快散是日餐湯係薯蓉湯，我就點牛肝菌湯，質地較稀，有d 菌粒咬下珍珠帶子黑松露意粉，脅子真係好細粒，但份量夠多，而且夠彈牙，黑松露味唔太夠，但成個汁配埋都唔錯佢有兩款漢堡，就叫個貴d 既和牛睇下係咪正d漢堡中間有蕃茄，蛋，菜，芝士，其實味道好豐富，反而對比牛味唔太出，但係好juicy, 入面隻蛋好加分，四個人分岩岩好，太多人就分唔到啦豬手