池記 (已結業)

今日下午我們喺旺角朗豪坊戲院買咗3點場，見仲有啲啲時間，我們就去咗「池記」食咗個快速下午茶！我們叫咗幾個超值套餐：雲吞麵嘅麵質相當爽口彈牙，而且好幼身，雲吞皮非常薄身，可以清楚睇到入面嘅蝦肉，蝦肉超爽甜彈牙！牛根麵嘅牛根燜得好腍好入味，質感相當軟滑彈牙！牛腩麵嘅牛腩肉質好鬆化軟滑，牛肉味亦好濃郁！小食：香炸鷄翼炸得外層相當金黃香脆，入面嘅肉質好嫩滑多汁，舖面嘅香蒜令到味道更加惹味！

因為上次去食野個時，埋單個時餐廳比左張6蚊coupon比我下次黎用，所以今日嘅下午茶都係過池記食啦。叫左個牛腩米($42)飲熱薏米水。杯薏米水黎到個時有小小驚喜，因為真係有粒粒薏米係到。嘢飲唔太熱，岩岩好入到口，亦都唔會過甜，薏米煲得好淋，有淡淡的清甜味。牛腩米實而不華，米粉爽口，湯底雖然較清，但都夠味。牛腩好軟好淋好入味，真係啖啖滋味，可惜得兩舊。因為有6蚊coupon，所以埋單係36蚊，價錢普普通通都叫OK嘅。

又係很趕趕趕的晚餐，除近有要事就順道來這間。單叫粉麵就$26，晚餐像如下叫set划算一點。以主菜配小食或甜品套餐形式落單。主菜主要係粉麵；小食多是炸雞翼、油菜等；甜品就大路的楊枝甘露、豆腐花等。[--b]partner選的套餐$43--牛筋麵+油菜佢話佢選的牛筋麵的牛筋都幾大件，質感軟不過說不上叫稔，咬得開就是了。佢話麵鹼水味幾重，畢竟價錢較便宜。油菜與平常食用的一樣，沒意見。--我選的套餐$43--牛腩麵+海底椰雪耳糖水牛腩都稔，不過口感較粗糙，質感像雜腩，咬落肉的組織較參差不齊。麵與partner同感不過我對鹼水方面要求不高，係質感覺較韌。糖水都足料有雪耳有海底椰，以紅棗煲，味道都不算過甜，以這價錢不過不失。食後感：作為一個套餐，即甜品及小食不能並存，作為一個完整的晚餐難免令我覺得有點不足，建議主菜、小食、甜品三為一體作套餐。^^今次因為睇7點夜場後匆匆晚餐，小食(南瓜酥餅)及甜品(豆腐花)均已售罄未有幸一試故看來很受食客歡迎。其實與我落街隨意一間食一樣，勝在不用吸2手煙。^^