炎鳥羽

營業中

休息中

居酒屋係最適合朋友聚會既地方，今日約咗一位老朋友去尖沙咀既炎鳥羽聚舊。餐廳環境寧靜，裝潢充滿日式風格，特別係菜式木牌、屏風同木傢俬。落完單之後就送上前菜，前菜有我最鍾意既牛蒡，另外二款係菠菜同青瓜蘿蔔。- 刺身拼盤拼盤有三文魚、劍魚腩、油甘魚等六款刺身。大部分刺身都好新鮮，除左劍魚腩太多筋令人比較失望。- 雞肉棒雞肉棒係每次食居酒屋必叫既食物🤩。雞肉入面無加好多雞軟骨所以更加軟綿鬆化，蘸上醬汁之後口感更加細滑。- 日式秋葵豚肉一層好薄既豚肉包住秋葵，豚肉帶少少油脂，秋葵可以平衡返豚肉既油脂，配搭得宜👍🏻- 牛舌厚切牛舌真係好厚身，肉汁豐富，調味適中。- 浦燒鰻魚鰻魚好細件，肉質都幾嫩滑，而且醬汁好香甜。- 燒日本茄子朋友以為係類似港式燒茄子所以叫左，點知原來好細件🤣，不過更可以食到日本茄子既原汁原味。- 雞皮餃子雞皮餃子外皮酥脆帶少少煙韌，而且充滿肉汁，真係好邪惡😋飲品方面我哋叫咗巨峰梳打，配上串燒一流。總結而言，炎鳥羽既串燒令人印象深刻，刺身都唔錯，的確係聚會嘅好地方！

要慶祝，要食好野，唔想太嘈依間低調嘅高汁餐廳推介比你尖沙咀，十分易去厚福街，冇人唔識去menu 太多，post 唔哂前菜$20必叫，冇得唔要都要比人賺下正正常常紫菜魷魚鬚天婦羅$68超好食，送酒一流好夠脆Orion 啤酒  250ml星期一，飲小小唔飲咁多，第二日要番工明太子雞翼$28冇骨，$28 勁抵食明太子味夠出三文魚腩  劍魚腩刺身$68 $88肥美，新鮮日本秋葵  日本冬菇$38 $22健康之選白鱔 雞腎 雞肝$72 $28 $28白鱔 好juicy, 好脆好厚雞腎雞肝就正正常常牛舌厚切$58牛舌唔厚唔好食今日依個夠哂厚牛味好重日本地雞唐揚$58又一樣送酒嘅食物炸雞。味道唔太重燒飯團（明太子）$38飽肚之選明太子味唔太重鐘意食飯焦一定要叫有其他味

朋友生日想食串燒 結果Openrice Book左呢度!第一次去呢間餐廳覺得無論食物、環境都值得一讚所以久休復出上黎打下食評支持下!餐廳環境清幽 店內擺放住簡單嘅日本陳設加上柔和燈光 感覺好典雅約女仔食飯或者想同知己傾下計聚聚呢個地方都係唔錯牆上會寫住當天的推介菜色每個客人都會有一份前菜起初我唔知 仲差D想同侍應講我冇叫到呢樣野(前菜)由於朋友唔係好食魚嘅刺物我地就點左日本生蠔$78/隻 又大隻又清甜我仲以為$168呢個價錢係一板海膽不過唔緊要啦 都好生鮮份量可以接受雞泡魚干黎講 佢都算貴但係好食嘅 鹽燒雞翼好有水準但日本秋葵豚肉卷就比較遜色因為外面塊豚肉太薄 唔留意以為自己淨係食緊秋葵紫蘇魷魚天婦羅幾好味 但偏油膩不過不失嘅兩道串燒Juicy牛舌 好味道雖然話係明太子燒飯團不過味道略嫌唔夠濃平時我唔鐘意食年糕/麻糬類嘅食物但呢個日本芝士年糕出奇地好味下次去都會encore整體所有食物都幾好味除左呢個墨魚汁炒烏冬有少少令人失望因為淨係食到咸味  可能普通叫個稻庭烏冬仲穩陣留意平日有串燒買一送一下次會平日再去!

今日去左金鐘睇kaws，之後搭船去尖沙咀行街，行到攰就去左食串燒，呢間店係厚福街，鬧市中有一點隱世。先上前菜每位 $20活赤貝刺身 $58，朋友實在太愛活赤貝，每次吃日本野都會點，話要試下邊間最好味，呢間都好味啊；另外點左個特大日本帶子刺身 $98，有4件，超鮮甜！紫菜魷魚鬚天婦羅 $58，確實有紫菜味，綠綠的外貌不算討好，炸得有點乾。雞肉棒 $42，有隻生蛋黃，雞肉棒可沾上蛋汁，除了有雞肉還有些爽口的雞軟骨。明太子雞翼 $28，明太子釀在雞翼內，少許辣，好飽滿。牛舌厚切 $48，爽口既牛舌係我至愛，最愛呢種口感同牛既香味特別香，讚！白鱔 $68，燒到脆卜卜，上菜時還見到在燃燒，好正好香，必吃。栗米 $22，粟米有半條，賣相已經知一定好味，意想不到，有牛油味加甜甜粟米香，好想再encore!芝士翠肉瓜 $22，翠肉瓜同芝士唔算好夾，純翠肉瓜會更好吃；炸豆腐 $20，好好味，炸到個皮好脆，又不失豆味。整體串燒質素高，即叫即燒，熱辣辣，調味剛好。

炎鳥羽喺尖沙咀厚福街嘅樓上舖，裝修非常新淨，應該是新開張不久吧？店內空間寬躺，潔淨舒適。前菜 $20醃菜有點像雪菜；青瓜和紅蘿蔔也是有醃製過的，十分清新和爽口；茄子又腍又甜。三款都是很不錯的開胃小菜！黑松露溫泉玉子沙律 $88松露味非常突出，清香的味道，與新鮮的蔬菜和蛋液十分配合，下面還有一點點柚子酸汁，十分清新好吃！牛舌厚切 $48 each真的很厚！表面燒至香口，內裡有勁多牛汁，輕輕一咬，濃郁的牛味會湧出，正到爆！明太子雞翼 $28外表焦脆，內裡塞滿了明太子，又鹹又香。豬頸肉 $28燒出了油份，肉質爽滑，而且又香又Juicy！日本大蔥雞肉 $30醬汁甜甜酸酸的，而大蔥的香氣正是雞肉的最佳拍檔！雞肉棒 $38配上濃郁醬汁的雞肉棒，惹味非常！配上鮮甜的蛋液更是一絕，惹味程度幾何級數提升，正都冇朋友。浦燒鰻魚 $48味道和口感都不錯，只是鰻魚瘦了一點。日本小甜薯 $22甜度十足，可以當係甜品。燒日本茄子 $20加入醬汁和木魚碎，更添美味！牛肉稻庭烏冬 $78牛肉上菜時還是誘人的粉紅色，由於是純用熱湯浸熟，所以肉質仍是超級嫩滑；烏冬煙靭味美，是很好吃的一碗！