炑八韓烤 (已結業)

 網上見到有團購買, 而且價錢又唔貴,午市四人餐連服務費, 每人都唔洗一百蚊,新式韓烤又未試過,當然要試下啦 ^^團購最怕book唔到位, 但幸好,呢間電話好易打通, 唔會話長響無人聽電話,好易book到星期日, 而且禮貌都好好...11:30am準時到達, 剛剛開舖,店內有圓枱 / 卡位,每張枱都有個煙通吸煙由於無乜人既關係, 我地可以自由坐, 最後揀左卡位坐, 唔會逼又舒躺...淨店員準備緊既時間,我地就先餐牌, 睇下平時有咩吃先,原來呢間有醬油蟹同醬油蝦15分鐘左右, 開始幫我地開爐同送頭盤過黎啦,一上台覺得好震撼, 好多頭盤, 除左沙律外, 其他都可以添加!!牛油芝士, 泡菜蛋, 醃蘿蔔, 昆布, 泡菜, 芽菜, 生菜包, 沙律....四人餐肉類係6選4, 我地揀左牛舌, 海蝦, 五花腩同雞,另外加送繪牛肋骨, 全部材料都好新鮮繪牛肋骨哇! 開頭以為得好少,點知入面有3大塊牛肋骨, 而且有冬菇蘿蔔等配料,牛肋骨大件又多肉, 仲唔韌添...店員都好好服務, 會主動問我地需唔需要添加,而且仲會主動幫同教我地燒, 我地先吃到咁好味既燒烤~五花腩完成啦, 燒到金黃色,又靚又香, 吃落d

早2日有朋友 post 咗張醬蟹相, 搞到我心思思, 今日上網睇吓見到荃灣有炑八, 即刻打黎訂位試吓, 黎到見到好多花牌, 原來係啱啱開張第3日, 唔係好多人知道, 所以唔係太多人, 地方都仲好乾淨。  一坐低就上咗2碟前菜、生菜、沙律、仲喺個燒烤鍋度加咗粟米芝士、泡菜蛋漿。  除咗沙律之外, 其他嘢都可以無限添加, 又幾好喎。喺 openrice 見到有醬油蟹優惠劵, 原價$198, 打印優惠劵只需要 $128, 梗係要食啦, 一坐低就叫咗一碟, 醃得好入味, 啲蟹肉好嫩滑, 不過可惜得一隻, 唔夠喉! 霜降牛小排, 薄薄8塊要$190, 有啲啲貴海鮮煎蔥餅, 無乜味道, 我覺得麻麻地石頭鍋飯(豬肉), 味道唔錯, 料亦唔少一向都好鍾意食生牛肉, 唔係間間韓式食店有, 見到呢度有, 梗係叫黎試吓啦, 啲生牛肉, 加上雪梨同青瓜, 好鮮甜、清爽。生梅頭肉都幾大件吓, 肉質都好林薄切生五花腩, 個樣好似煙肉, 都幾肥吓, 好邪惡呀牛舌好有牛味(牛有牛味, 哈哈!), 好林牛胸肉好好味實在太飽, 無機會食甜味。可能因為新開張, 點菜既時候啲服務員唔係好熟, 不過服務態度好好。