THE MATCHA TOKYO (勿地臣街)

營業中

休息中

🥐🧇🍵🍦牛角包窩夫配抹茶軟雪糕及北海道牛乳雪糕 $68之前係呢間店都只係食Matcha Latte with soft-serve ice cream , Parfait同埋Matcha Espresso Latte。今日早放工經過銅鑼灣，間店無咩人!!一於試埋一直心思思既窩夫配軟雪糕。去過東京潮聖，發現原來日本(定係我去個間分店?!)只得飲品/雪糕，係無香港咁多款式有埋窩夫/芭菲既配搭，所以出於好奇一直都好想試下。當日係下午5點左右去落Order, 比起夜晚真係唔多人，唔駛點排隊，落單後等左一陣就拎得。個🥐🧇牛角窩夫因為新鮮熱辣辣，只要佢正常發揮都好難做得唔好食， 夠香夠鬆化。不過因為佢係插住係雪糕入面，唔多唔少都要同時間競賽快D食左個窩夫以防佢淋身。整體合格🍦雪糕係兩隻味，但略嫌抹茶味唔夠。而有一個最扣分既位係佢有1/3既杯位係用左粟！米！片！！！黎墊底…一黎我覺得有D被騙的感覺，唔係食到最尾都係雪糕。二黎個粟米片唔算好出色，偏甜，食落令到成個甜品過甜/有種死甜既感覺。$68一杯黎講真係唔平，可以一試但唔會長期幫襯。如果下次想再食黎一解相思之苦， 我諗我都係乖乖地正正經經叫返幫雪糕

餐廳：THE MATCHA TOKYO地點：銅鑼灣時代廣場對面菜式：日式飲品，甜品餐牌：抹茶，抹茶鮮奶，焙茶鮮奶，蛋白飲，奶昔，咖啡，特飲，甜品，牛角包，選擇唔算多。之前見到呢間Matcha Tokyo開業都想試試，今日終於有機會啦。店入面得半張枱位，無凳坐。人多都好逼。比左錢後等左食物飲品好耐先出，效率好低。牛角包窩夫配抹茶軟雪糕及北海道牛乳雪糕 $68牛角包窩夫配抹茶軟雪糕及北海道牛乳雪糕係北海道牛乳雪糕球上面有抹茶軟雪糕，再加上一個牛角包窩夫，面頭灑上抹茶粉。牛角包係好酥脆同甜甜地，正！抹茶軟雪糕同牛乳雪糕都好滑溜，甜度適中，質素好高，抹茶味唔濃不過我覺得夠。可惜下底原來有好多粟米片，份量多到唔夠雪糕餸粟米片，製造假象令人以為雪糕份量好多。唔抵食。抹茶香蕉雜莓奶昔 $58抹茶香蕉雜莓奶昔份量比想像中少，基本上係粉紅色，不過香蕉味比士多啤梨味濃，太稀，好快飲嗮，帶少少抹茶味。性價比極低而且太稀。唔夠凍。之後如果再黎只可以叫淨雪糕。