Gontran Cherrier (Restaurant) (已結業)

去完歐洲旅行，成個trip最掛住嘅食物就係牛角包🥐返到香港，就梗係想尋回味道啦🥐🥐🥐🥐🥐🥐🥐🥐上網一search佢就話法國最出名牛角包登陸香港正諗住食飯回味嘅味道，係出色嘅，但係唔知係咪水土問題，始終同歐洲嘅有少少唔同，但係喺香港有得食依個級數識既牛角包🥐已經夠頂癮啦一路排隊已經見到佢源源不絕嘅牛角包出爐超級香，職員亦好好咁樣捧住D包，逐個問，可能係因為驚排到埋我已經冇晒啦買咗勁多包，一買完即刻喺隔離買埋佢杯咖啡，諗住呢個搭配，坐低即食佢個牛角包外皮鬆脆好多層好鬆化，好香牛油酥皮味，不過鬆脆係佢嘅優點，同時間都係佢嘅缺點因為喺澳洲食到嘅反而冇咁脆，但呢個可能係佢嘅特色音樂，佢可以做到用啲曲奇嘅表面效果不過佢隔離杯咖啡，就真係普通到唔普通，唯一可惜之處

最近經過呢間好耐之前已經開左，當年排好多隊毛買到既牛角包店。聽講呢間牛角包店係外國好出名！好耐之前食過一次佢個牛角包已經覺得真係幾唔錯，今次同朋友一人食一樣唔同款既，有驚喜！！佢有個圈圈形狀既包點都係用左牛角包果一個酥皮！仲加左一層甜甜既glacing 超級好食！我諗我之後都應該會食呢個甜甜既酥皮圈圈！

次次行過都見到好多人排隊 為咗唔排隊又試到，就去餐廳堂食Service 認真嘛嘛 , D staff做嘢較慢 ，拎住啲嘢食，傾住計慢步上菜( 法國餐廳慢活style? )想嗌嘢食都等左一陣先叫到🤷🏻‍♀️叫咗個洋蔥湯，依個價錢算正常水準幾鐘意跟湯個芝士包 👍🏻😋然後牛角包🥐比一般嘅鬆脆，多啲層數，其餘又唔覺得有咩特別🧐不過如果要排隊先食到嘅就不了👋🏻👋🏻P.S. 餐牌上嘅flat white 翻譯做平白咖啡

牛年食牛角包做早餐。大年初二一早就去咗呢度食全城其中一間出名嘅牛角包。去到牛角包啱啱出爐好開心我哋要咗一個綠茶味同埋一個原味試一試。牛角包入面嘅質感就好似麵包嘅感覺。平時食啲牛角包裏面多數酥皮或者係好似一陣風。但呢度既真係好似麵包咁，非常之好食。而且亦都有飽肚嘅感覺唔會太油。我哋首先去麵包舖買咗兩個外賣牛角包，之後就可以去令一邊買咖啡有九折。早餐來講，咖啡確實係有啲貴。外賣只可以坐響佢指定嘅地方😛環境就一般啦....整體來講都係滿意嘅我會再幫襯

Weekday同女朋友喺K11 Musea食晚飯，點知要等位🤦🏻‍♂️ 弊傢火！女朋友開始肚餓🤯 為保命仔之際，靈機一觸！「不如食個你想食好～耐嘅牛角包先啦😃 」放工時間，人龍長期keep住有十鬆啲人排隊。不過麵包店嘅牛油香、多種款式嘅pastry，令女朋友十分樂意排隊（好彩😅 ）牛角包除咗原味之外，仲有cheese & ham croissant, raspberry cloud croissant等等。有鹹有甜，梗有一款啱心水。唔食牛角包唔緊要，仲有scones, brownies, 法包供客人選擇。新鮮熱辣嘅麵包keep住出爐😌＝＝＝＝＝＝＝＝＝＝＝＝＝抹茶牛角包 $28女朋友作為抹茶控就梗係叫左抹茶牛角包啦！牛角包非常鬆脆，酥皮層次分明，脆到咬一啖已經跌左d酥皮落地下😅，美中不足既係牛角包既抹茶味唔重，可能俾牛角包頂糖霜既甜味cover左，牛油味相對唔明顯。不過整體黎講都好好食，一個唔夠喉呀！

外脆內軟的牛角包，層次分明，實屬高級烘焙手工之作，$24一個，性價平高，好吃到叫了兩個，但服務態度不佳，店內只有兩位waiter, 餐具也沒有送上，可以改善。最後也外賣了一個回家

呢間過江龍牛角包店未開都已經好多人講，開左之後更加係長期排晒隊我去嘅時間係公眾假期，所以係毫無疑問地排晒長龍。見到店面都好多選擇，不過既然係出名牛角包就緊係買牛角包啦～不過都真係排得太耐隊，就算買得一個包都好，拎完都要等左成四個字左右先比到錢。成條隊勁長都係得2個收銀，呢點真係有d扣分比完錢個包都由新鮮出爐變到凍左但一咬落口都好脆！呢個包表面係乜都冇搽，但都會有牛油味，不過都係唔夠香。姐係會食兩啖就會覺得冇乜想繼續食落去嘅衝動，所以都係中規中矩啦～只脆不香中規中矩牛角包個人覺得bakehouse 牛角包仲香d！（不過bakehouse藍底都唔會再食)同埋我個人都係中意表面有蜜糖嘅牛角包，所以我都係會繼續支持mini one

今日放假，所以特別來尖沙咀這个最近落成的大商場行下睇下咁落，个商場真係好大，行左兩个鐘都係未行曬，下次再行過。行到累當然要搵野食下嘆下勒，个商場真係好靚，唔經唔覺就行到累了，所以去地庫商場看看有什麼好吃。由於受疫情影響，部分餐廳無开，但突然發現有間逆市爆旺仲有人排隊排長龍，就係呢間牛角包店了，未行到過去已經好香了面包味，所以我就唔執輸，過去排埋一份囉。最後買左杏仁牛角包，多士同芝士包。个牛角包真係好好食呀，有法國果啲咁好食。啖啖都好脆，又甜，佢加左啲糖霜，所以會食到个咀白白地架，食完記得抹咀。

【 Croissant 原味牛角包 】外層鬆脆，蜂巢狀內層，充滿牛油味而且質感輕盈，係好食嘅👍食過幾次都維持到水準。原味只係排第二，第一係Raspberry Cloud Croissant 😊.【 Zest brioche 檸檬法式奶油軟包 】奶油軟包質地濕潤軟熟，每一啖都充滿清新檸檬香味，見到要買黎試下，其他麵包店無架 .

期待左好耐, 食過嘅朋友都極力推薦嘅法國牛角包 🥐!! 之前聽講閑閑哋都要排成個鐘等佢新鮮出爐, 一出爐就賣晒 😅 今日趁有假期就過嚟開餐! 😋閒日係比較少人嘅, 至少冇門口長長嘅人龍, 但間鋪入邊仍然有好多人喺度搶購啱啱出爐嘅包, 廚房喺間鋪對面, 店員keep住拎新鮮出爐嘅麵包出嚟, 客人都會一擁而上, 店員都會好有禮貌咁主動幫客人用夾選購佢地想要嘅麵包~ 新鮮出爐原味牛角包, 熱辣辣, 外邊嗰層好脆, 新鮮麵包非常軟熟, 但又唔會食到成手油, 感覺上冇咁油膩, 減少平時食牛角包嘅罪惡感, very good!! 店舖嘅牛角包有幾款味道選擇, 有原味, 亞麻籽, 杏仁, 聽講仲有綠茶... 等等！難得嚟到當然會買啲手信返屋企, 呀妹鍾意食甜, 揀咗件 pain au chocolat 俾佢食~ 佢嘅評語係, 個朱古力好新鮮, 味道好高質~ 埋單, 買咗成$100麵包! 😜 值嘅! 🥰

之前留意到傳說中係巴黎相當有名既最美味牛角包 係香港開張啦 睇到網上講到要排成個幾鐘 見依排應該開張左一段時間 應該熱潮會過左啲 就黎試試鋪位佔左3間以上 一邊係做購買西餅既 一邊係做焗麵包 另一邊係作為麵包店 以及有堂食既店鋪 西餅相當漂亮高汁 不過今次就係為左牛角包而黎.... 牛角包既銷售狀況係超勁好似一出爐就俾人搶哂咁 手慢啲都冇 要等下轉牛角包口味有幾款 包括原味 抹茶味 黑芝麻味 白芝麻味 仲有香港限定版 其實總共黎左3次先寫今次既食評 所以基本上都試哂咁多隻味 除左抹茶味 次次黎都冇哂 😅😅 可能太多人 次次黎都排長龍😅首先講左原味 份量黎講都算大 因為新鮮出爐 所以即使排隊等埋單等完至食都仲好鬆軟新鮮 口感一流 ； 而黑芝麻味 同白芝麻味是帶有啲甜味 ；香港特別版牛角包有燒到有啲燶既cream定蛋白係面 味道有點甜 個人認為還是原味比較吸引因為好快賣哂 見啲職員都不停refill 保持住貨量同新鮮 我相信依間排隊排到咁耐係有原因 都值得 因為真係太好食 絕對會上癮不過可惜係次次都試唔到抹茶味 希望下次可以試到啦