醉翁亭火鍋館 (已結業)

返工做到暈下暈下，放工突然想烚下烚下。於是搵埋老友去呢間醉翁亭火鍋。佢位於觀塘黃金地段的鱷魚恤中心，觀塘地鐵站經 APM 過去都唔使三分鐘，超方便。一出𨋢就見到侍應姐姐，佢好 warm 咁介紹有咩食同埋收費 。原來係無限時任飲任食，另外每枱按人數送刺身拼盤、海鮮船同鮑魚。聽落都唔錯，人少都係任食好，可以每款試下。帶位姐姐安排我地坐大卡位，嘩！超大張超舒服，兩個人真係點坐都得 ，完全唔會迫。香港寸金尺土，食慣啲碟大枱細嘅餐廳。見到呢個卡位，真係未食先感動。等食之時，阿姐話外面有自助飲品同小食，好，一於去昅昅。自助小食有鳯爪，青瓜，木耳等等，每款夾少少先藥膳雞腳好香藥材味，雞腳好淋好入味。食完即刻feel 到好補，頭痛冇曬 ！ 而飲品選擇比較少，大多都係紙包類。如果飲啤酒要另外加錢。湯底到，我地叫左鴛鴦鍋，一邊係芫茜皮蛋湯 ，下火嘅呢 ; 另一邊係沙爹湯，好香花生味。食材陸續登場，二人份的海鮮船有大蟶子，大蜆，鱔片，青囗，魷魚同生猛海蝦。蟶子好大隻，仲長過手板架，玩左佢一陣先捨得食，好肉又鮮味，大滿足。蜆都好大隻，好甜又冇沙，好肯定係即開即食，因我而死的。之後嚟係刺身拼盤，有三文魚，希靈魚

又去打邊爐喇。。。今次揀左同倫哥有啲似的呢間。268加一，任食配料6小時揀左冬瓜瑶柱湯底，好多瑶柱丫可惜order紙無冬瓜揀依度的餐前小食好正丫，有六款。#涼瓜豬肚#豬肚好淋，涼瓜又唔苦。#藥膳雞腳#雞腳夠淋，好入味，可惜唔夠熱#泰式雞腳#唔辣，啱晒我甜甜地，又爽脆#青瓜#本來平平無期的青瓜，個汁超encore左3round仲有#毛豆#（無試）#芥末雲耳百合#微辣，少少功鼻，爽！#蠔皇扣鮑魚#鮑魚炆得好淋，不過好細隻。#刺身拼盤#呢個好無誠意，全部平價野。淨係食左個希靈魚籽，超甜囉，唔知點解整到咁甜#水餃皇#半個拳頭咁大一隻，入面超多蝦，好新鮮。不過無得encore,每人得一隻咋#海鮮盤#得蝦同蟶子ok。青口，鱔片同魷魚都有得re-order。個大貝殼類有沙，又un#牛頸脊#四人份，好多丫，我地都食唔晒超好味丫，我覺得係最好食的牛部位好香牛味！點左勁多野食，放到張枱滿晒。啲fd係咁食炸魚皮，炸響鈴。#魚腐#正常，我鍾意食呢種魚腐。#貢丸，魚皮餃，芝士腸#都正常。#韮菜餃#又係無誠意之作。買返來的雪藏貨，皮好厚#駝鳥肉#嫩滑#豬膶，粉腸#麻麻，唔爽脆。係咪我煮得太耐呢#蝦滑，墨魚滑#好味

聽朋友介紹話這間火鍋店用料高質，而且冇限時，就決定黎試。地點很方便，鄰近地鐵站，很數分鐘就到。入到去，環境不錯，坐無虛席，幸好還有位。餐具整齊，清潔，感到放心。蠔皇扣鮑魚，鮑魚新鮮，有咬口，冬菇很淋，蠔油味香用料新鮮，三文魚肥美，吞拿魚口感不錯。海鮮盤用料新鮮，蝦有彈性，蟶子有咬口冇沙，帶子肉質嫩滑牛頸脊充滿牛味，有咬口，好味水餃配料有3，4隻蝦，很重蝦味飲品算齊，有紙包飲品，汽水。雖然另加肥牛，海鮮要錢，但其他配件都很齊，唔洗擔心冇野食其他配料質素都很高，例如魚皮同響鈴夠脆，蔬菜爽甜。最後同朋友食左3個多鐘先走，好正，hea住吹水打邊爐，又唔趕你走，真係好岩晒一大班fd黎。

今日同朋有系apm shopping ,行完就搵個地方食飯吹下水，見到醉翁亭火鍋館可以無限時食，坐位又舒適又唔使趕時間可以慢慢食。每位都有至尊水餃皇，刺身拼盆，蠔皇扣鮑魚和牛頸脊送。餐前小食：無骨白雲鳳爪甜甜地辣辣地好入味，豬手，青瓜和木耳都好爽口仲要系任食。加$80轉龍蝦湯底至尊水餃皇大大粒爽口彈牙又夠，蝦又大大隻又新鮮。牛頸脊夠大碟，切得薄薄地肉質嫩滑，好白香牛味。海鮮拼盆：帶子，蝦，青口，聖子全部都好新鮮。飲品任飲刺身：三文魚，赤貝，希靈魚和吞拿魚都好新鮮。蠔皇扣鮑魚

朋友介紹試下冇限時任食，一行7大1細，3歳以下免費，正！計環境，以任食場計環境真的不錯，唔迫坐得舒服。5款精選食材，以牛頸脊最掂👍海鮮食得出真係新鮮貨鲍魚ok啦，朋友話好味，但我一向麻麻地鮑魚水餃確係大隻嘅，都多蝦係入面，食多兩隻都飽刺身都唔錯鍋㡳我地揀雞煲，食完雞煲加湯打邊爐但其實都已經飽飽地，因餐前食左D白雲鳯爪，沙薑豬手好彩冇限時，唔係就蠢左。最尾慢慢打最後坐左四個鐘。整體呢間值得推介，但需要加多D人手，睇得出人手唔係太夠！