Seafood Stand (已結業)

第一次見到呢間餐廳喺夜晚，見外面好多人等位餐牌亦給引，後來因為太肚餓冇等到放棄，第二日死心不息下晝特登再嚟，本身想食漢堡之外想試佢個焗龍蝦，點知原來下晝係冇提供嘅，但一個戴眼鏡比較老成嘅職員亦細心解釋，仲提議我下次晚市嚟book定位。最後叫咗份牛魔王漢堡，已我失望冇焗龍蝦嘅心情，亦覺得漢堡牛肉嘅美味同juicy。

東大街不嬲多野食, 但今次目標係e間: Seafood Stand.門口鮮黃色, 非常吸引人注意.入面裝修好有美國feel, 餐具用木製品, 好中意!menu分5類: 漢堡, 肉, 意粉, 小食, 飲品.今次試食: 牛魔王漢堡佢會問你要幾成熟, 我要咗7成.一咬落口, 好juicy, 肉汁爆出黎, 牛肉香充滿成個口腔.然後食到芝士味, 再有芝麻醬香.加埋包的軟綿, 菜苗的爽脆, 口感好豐富!另外叫咗: 香辣羊仔柳漢堡我中意個醬汁, 少少辣, 少少甜, 好開胃!包入面有3舊羊柳, 算嫩, 但有筋!!!e個係敗筆, 最後我要分開食羊柳同個包...小食叫咗: 炸魚薯條外脆內軟, 舊魚有手掌咁大塊!著條係粗身, 連皮炸 然後share咗一杯: 雜莓森林酸甜適中, 解膩整睇黎講, 成餐8/10分, 價錢合理, 會再幫襯