金色不如帰 (又一城)

營業中

休息中

呢一日又KO一間bookmark咗嘅餐廳😄 今次係食 #日本米芝蓮一星 過江龍拉麵店！早排見到佢地有個牡蠣白湯拉麵好吸引，呢日去咗試。店舖喺又一城，一出 #九龍塘港鐵站 就係，非常方便～#牡蠣白湯拉麵 $138個醬漬牡蠣好出色！超鮮甜，又嫩滑，勁肥美！咬落去有叮一聲感覺✨牡蠣醬+ 杜蠣油+牡蠣混合雞湯，蠔味十足，非常濃郁，拉麵煮得剛好，再加埋 #慢煮叉燒 、成碗餸、麵連湯都好食～特別個醬漬牡蠣好好食，如果份量多啲就好😆呢個拉麵可以+$38 自家製豚肉煎餃（三隻） & 白桃焙茶餃子皮薄、多餡，呢個都唔錯～桃茶清清地，可以解膩👍另外一碗麵叫咗 #貝汁醬油拉麵 $128對比牡蠣白湯拉麵呢個湯底清少少，但超香牛肝菌同黑松露醬味🤤 濃味人一聞就愛上～叉燒同三層肉都好嫩滑，唔鞋#貪心的me 仲加咗 $18 #三層肉 （3片） 😂另外仲加埋 #溏心蛋 + $15就咁睇個顏色都知入味，一咬落去流心剛剛好～

詳細食評請睇相片內容。講返個人感受，感覺呢一碗係有心設計過嘅拉麵並且可以令到我覺得有驚喜嘅，喺落咗嗰啲牡蠣醬之後成個湯嘅味道都有昇華，另外嗰啲配料嘅清新撞返呢一個更加濃郁嘅湯底令到呢一個拉麵嘅設計更加突出。以大概加一之後$150呢一個價錢嚟講我覺得係十分值得去嘗試嘅一碗拉麵。無論係湯頭去到配料去到個牡蠣醬都係一個好完整嘅體驗。個人認為廚師一番心機去到設計嘅一款拉麵絕對係食緊呢一碗拉麵入邊感受得到。環境光猛乾淨企理，服務質素幾好，當日坐嘅位置係卡位所以頗為舒適。