金子半之助 (新都會廣場) (已結業)

已經不是第一次來金子半之助，但每次來總有新驚喜，因為每隔一陣子餐廳便會更換期間限定款式，絕對唔會悶。 牡蠣車海老天丼 $158是次期間限定款式為牡蠣車海老天丼，天婦羅包括牡蠣、炸蝦、小柱魷魚天婦羅餅、莢豌豆、海苔及温泉蛋。 牡蠣是重點，肥大無腥味；炸蝦夠晒大隻又彈牙，食一隻已經夠晒滿足；輕輕切開温泉蛋，蛋汁流入飯中，一個字“正”，其餘天婦羅確實美味可口。 迷你天丼、稻庭烏冬（温） $118別看烏冬單調，店員會遞上木盒，內有配料供任添，包括蔥花、海藻、木魚、天婦羅碎包温泉蛋一隻，烏冬被我們添得滿滿的， 烏冬幼身爽滑，温泉蛋汁混入湯中味道更濃稠。 迷你天丼望落細正常size一半，但天婦羅都不少，有齊菇菌、海苔、南瓜、海老、莢豌豆及温泉蛋，食完真的飽到不行了。 檸檬味果凍 $15食到飽飽，友人堅持要食甜品，好啦陪佢食埋個限定檸檬果凍。果凍晶瑩剔透，透出檸檬果肉，食落唔太甜亦不會過份酸，食完好fresh又解膩。

日本過江龍天婦羅！餐牌上嘅選擇唔多，專注做天婦羅。平事日式餐廳係俾綠茶、烏龍茶，呢度用黑豆茶，感覺消滯解膩，唔錯。定價都幾高，試一次就夠了。上天丼$118- 入面有赤甘鯛、海老、小柱魷魚天婦羅餅、溫泉蛋、海苔、莢豌豆，醬汁分開上，可以自行調整鹹淡程度。白飯薄薄一層，起初以為會唔夠飽，但係因為天婦羅多油比較滯，最後都飽。湯一啲味都冇，好似飲緊水。- 我覺得天婦羅當中最好食嘅係溫泉蛋，而家仲係覺得好驚嘆點解可以炸溫泉蛋唔會爆，或者個蛋黃唔會過熟，蛋黃汁撈醬油飯好好味。赤甘鯛好厚肉，冇腥味。小柱魷魚天婦羅餅彈牙，好鮮甜。其他就普普通通，炸粉都幾油。牡蠣車海老天丼- 最近做promotion，follow IG/FB減$30！抵咗少少，不過由點餐到上菜，都等咗幾耐。