豚道樂 (大河道) (已結業)

正藉放工時間同朋友黎到豚道樂食拉麵人龍好長但可能岩岩一輪走大概等左10分鐘左右就安排入座😊店舖比較細 但裝修好日式 同朋友都好鍾意店舖仲好細心有iphone同andriod線係每張枱 比客人自己叉叉電之餘 電話都可以叉一叉😚 抵讚！-特上日本芥辣拉麵 ($93)當然要嗌特上啦特上會多左我至愛嘅溏心蛋、紫菜 有齊腩肉同肩肉wasabi拉麵真係一次都未試過 但一試即刻愛上💚湯底比我想像中濃 𠽌𠽌聲將麵條流進口內 芥末味隨之直衝鼻腔呢種少少刺激嘅感覺令我吃得特別過癮😋叉燒好多塊 而且好大塊！唔會話得肥肉 好得我歡心-特上魚介豚骨拉麵 ($98)朋友嘅魚介湯底會相對濃味鰹魚味好鮮 一飲已經覺得比平時豬骨湯底多左層味道但同時都好重口味食哂飲埋湯會有極口渴嘅感覺😂-真係太肚餓 貪心嘅兩人決定試哂三款小食😂-炙燒芝士豚肉 ($18)芝士會同舊肉有少少分離兩者似係做唔到朋友 食唔到芝士溶係塊豚肉嘅感覺😢但欣賞芝士好香 同上面嘅七味粉亦都好夾-韓式蜜味叉燒 - 肩 ($25)超推介呢個蜜味叉燒蜜汁完全係包裹住成舊叉燒兩者融為一體 蜜汁完全係吊到成個味出黎❤️大愛呢個！-日式餃子 ($30)餃子做到皮貼肉

本人是WASABI控, 聞說呢度有WASABI 湯底既拉麵 , 星期五晚就約左朋友黎試試!7 點多來到店舖門口, 有2-3台在門外排隊, 店舖不派丑拎位, 直接排隊等入座很日風的門口 , 附近剛好在裝修所以有棚架10分鐘左右可以入去了, 店裡的風格很有日本居酒屋FEEL位放了自助點餐紙 :  麵種類, 配料, 湯底可以任意配搭品也是日本進口, 點了蘋果同桃2 款 , 味道有點偏甜 (各HK$19)不點飲品, 店裡也有免費冰水~拉麵當然是選了 "特上日本芥辣拉麵" (HK$93) 試了一啖湯, 有淡淡的芥辣味 , 而且配料裡也混了芝士碎, 可能用來中和一下辣味吧!差不多吃到一半時, 開始越吃越辣了....湯底加上溶了的芝士也越來越濃, 拌均吃會更好芥辣味幾特別, 下次再黎想試魚湯味

特上日本芥辣拉麵 ($93)平時食拉麵多數都係豬骨魚介，甚少會見到芥末口味嘅拉麵。呢度嘅拉麵分兩種一款係特上，另一款係普通。特上芥末拉麵比普通多紫菜溏心蛋，亦包哂豬肩肉同豬腩肉 岩晒大胃王。芥末湯頭岩淺綠色，連麵條都一樣，非常特別。一呷湯頭濃濃既芥末味就湧出黎，當連埋麵條一齊食個陣芥末嗆鼻既味道就開始出黎，辛辣嗆口非常刺激。拉麵中既半溶芝士輕輕中和左辣口既味道。曲麵比較粗身，但食落太過軟身無咩口感，亦唔太同湯頭融入。
豬肩肉同豬腩肉肉質都較偏肥，不過就溶左口咁好正。
至於溏心蛋就非常滿意 ，蛋黃岩岩半熟得黎又有啲漿口。
整體算係非常特別既口味，不過食到尾會覺得好膩，
但貪新鮮既朋友一定唔可以錯過。辛辣味噌芝士拉麵 ($88)辛辣芝士拉麵係冬日限定，分蕃茄同味嚐兩種。辛辣湯底由豬骨煲成，再加上辣味噌
湯底鹹香，辛辣度好足，食完真係會熱辣辣。
幼拉麵好掛到汁，硬度都唔錯，配上芝士更軟滑香口。
豬腩肉偏肥膩，瘦肉部分少，但肉味香濃。
配料只有粟米，略嫌唔夠多款
，但湯頭味道同辣味都唔錯。