Rimi Cafe (已結業)

旺角真係好多黃店值得支持~😍今次就呢到登打士廣場既樓上cafe, 環境都好闊落, 坐得好舒服, 仲有日式既榻榻米坐, 好適合一班朋友上呢玩board game, 傾下計hea一日💬~ cafe都好適合要做功課但又唔想坐自修室既人~ 餐廳都提供wifi俾客人☺️☺️特式雜菌燴飯 $79Creamy既燴飯😍卡邦尼意粉 $79有好多煙肉碎同重芝士味~🤤蜜糖雞翼(6隻) $65好夠既蜜糖味!!仲煎得脆脆地😍金桔檸檬烏龍茶野飲好大杯～但偏甜😗

以往去呢一類型既cafe都係貪可以坐得耐同埋影相靚可以用黎呃like 對佢地既食物質素都唔會有太大期望 所以今次真係好大驚喜 因為呢到除左環境靚之外 野食都好好食我地兩個人叫左「日式芝麻醬沙律」、「特式雜菌燴飯」、「焗磨菇雞肉酥」同埋「蜜糖芥末雞翼」黎share 每款食物都係一百蚊樓下 真係好抵食 而且味道仲好好 拍得住出面唔少西餐廳！「日式芝麻醬沙律」：d菜好新鮮爽脆 配埋日式芝麻醬 開胃又健康「特式雜菌燴飯」：味道濃郁 口感creamy 「焗磨菇雞肉酥」：個外皮焗得好鬆脆 內裡卻仍然保持juicy 好食到停唔到口「蜜糖芥末雞翼」：炸到香口既雞翼配上醒胃既蜜糖芥末 好香好惹味 係非常出色既小食而飲品我就叫左杯凍既「百香果四季春茶」 都係唔錯既選擇！咁樣食下野飲下野傾下計玩下boardgames就過左個輕輕鬆鬆既下午 寫意到呢！已經諗好左疫情好轉之後會約埋成班friend出黎！

Cafe 黎講算Ok，環境唔太骯髒，不過預Cafe 都係玩Game 聚腳，所以偏嘈，想靜下吹水就難少少。.野食方面就一般，唔好過高期望，不過價錢相對高少少，因為應覺上百幾數可以出去食中上水平既餐廳。凱撒沙律另加煙三文魚🥗🥗沙律唔會差得去邊，因為有沙律醬芝士搭夠，煙三文魚都Ok.普普通通，豬肋骨肉唔會過「鞋」同韌，薯菜就唔會太過期望，蘿蔔似淨係用水煮熟，無味.偏韌，一般特菜野菌燴飯，飯算Ok，一粒粒有口感，料都夠，唔會淨係過得一兩粒菌。.另外跟餐加$19 有蒜茸包🍞餐湯，紅茶/綠茶系列飲品一杯。 餐湯好「結」，唔好飲，蒜茸包Ok，焗得香脆👍🏻

好耐都冇上過啲樓上Cafe，今日唔知邊個約咗去旺角呢間，好有童年回憶。一想到去門口就有好多遊戲可以俾你拎來玩，咁我哋都係食個飯都冇人哋咁青春拎來玩啦。餐廳地方唔算好大，但應該都容納到三40人左右，嘢食方面都幾多選擇，有二人餐、四人餐、六人餐、八人餐、仲有好多散嗌意粉、小食、沙律等等。我哋叫咗個特色雜菌燴飯，個賣相都幾靚，味道唔錯，雜菌味道好香濃，再加上芝士係面，成個味道提升左。 佢燴飯米粒唔會太腍太硬，岩岩好，值得一讚。呢個雞翼拼盤係多人必叫，一共有成18隻雞翼雞鎚，絕對唔洗掙食，雞翼炸得好香脆，加埋個蜜糖芥茉漿不得了，有少少美國buffalo wings感覺，正國另外小食蒜片牛柳粒都係抵食之選，$50幾蚊有一口牛柳粒，仲要味道香口，口感軟腍好味，蒜片香脆，抵到不得了。最後叫左份bbq汁燒豬肋骨，份量勁大份， 就咁睇好似有d乾身，但切開係好juicy一d都唔乾， 好入味， 每條骨都有厚厚肉包住，真係幾唔錯，價錢又唔貴，$148其實真係幾抵食。咁多年冇上過cafe,雖然價錢係比以前讀書時代貴左好多，但係食物質素都比以前好左好多，絕對比美正式西餐廳，得閒都可以發掘多d 好味有質素cafe.

朋友介紹這間餐廳午餐便宜好吃，便來試試。這裏除了普通坐位，還有榻榻米，方便一班人玩board game，是很適合年青人的地方。特式雜菌燴飯 意大利飯口感適中，加上美味的芝士和雜菇，健康又美味。煙三文魚配忌廉雜菌天使麵 天使麵煙靭度適中，忌廉汁濃香，加上煙三文魚、雜菇和很多芝士，很豐富。蜜糖雞翼 烤過的蜜糖雞翼甜甜的，做得不錯。薑母綠茶、薰衣草蜂蜜 午餐包一杯$39的飲品，暖暖的薑母綠茶喝下也很舒服。薰衣草蜂蜜只需要加多$3，有少少薫衣草在杯內，味道也不錯。紐約芝士蛋糕 可能我對甜品的要求很高，所以覺得這芝士蛋糕比較普通。

約左成年終於約到表弟兩公婆係聖誕節兩pair人去北海道自駕遊。今日趁星期日表弟得閒, 我地3個約係旺角傾一傾今次北海道之旅嘅行程, 表弟推介去呢間位於登打士廣場20樓嘅Rimi Cafe, 佢話呢間cafe環境夠舒適, 又唔限時, 最緊要係提供埋非常update嘅旅遊書, 好適合我地邊開餐邊傾行程。😙我地13:00到餐廳, 當時仲未多人, 不過之後好多訂左枱嘅客人陸續到餐廳。餐廳位於高層, 景觀好開揚, 店內充滿自然光, 配合簡約風格嘅裝修, 整體感覺好放鬆舒服。由於我地都未食野, 我地決定先用餐之後再傾行程, lunch set有5款, 價錢由$69至$88, 已包括1杯$39飲品, 我地3個人點左2個lunch set再加小食同甜品share, 應該好夠食。😁特式雜菌燴飯 $78(set)lunch set $78嘅雜菌燴飯都幾抵食, 份量好多, 燴飯唔會太軟腍, 口感同傳統西班牙飯有d似, 都係外軟內脆, 而且芝士味好濃, 加上好多雜菌, 3個人share都好滿足。👍煙三文魚配忌廉雜菌天使麵 $88(set)天使麵配上忌廉雜菌非常creamy, 雜菌爽口, 天使麵麵質軟滑, 味道

今日同姊妹們嚟依間cafe，貪佢地方闊落，可以坐低慢慢傾心事。依間cafe全層都係佢嘅。因為我地係萬聖節前幾日嚟嘅，所以Lift門一打開就見到好有萬聖節氣氛嘅裝潢，睇得出cafe好有心思。佢地嘅menu好大張，食物嘅選擇唔少，飲品嘅選擇就更多，花茶、沙冰、咖啡、台式飲品同特飲都有，每類都有唔少口味，係我暫時見過最多野飲揀嘅cafe。蜜糖芥末雞翼(左)、蒜香雞翼(右)（$63/6隻)兩種雞翼都非常香口好食，比較之下我鐘意蜜糖芥末雞翼多d，個醫甜甜地，好啱我口味。日式麻醬沙律($98)為咗減輕罪惡感而叫，蟹柳份量唔少，d菜都好新鮮，個份量適合兩至三個人share。鮮蝦蒜辣炒天使麵($125)意粉煮得幾好，唔會太淋，菇同蝦嘅份量都幾多，帶有少少辣味，唔會話好油，幾好食。 bbq汁燒豬肋骨配薯菜($148)見枱枱都叫，我地就決定跟風。一上嚟俾個份量嚇親，我地五個人，切完每人都分到兩三條。貌相好適合打卡，而味道都唔差，唔會焗好到乾，調味都唔錯，幾入味。不過多人叫會好d，唔怕食唔曬。

本身諗住去朋友推薦既樓上個間cafe到試下新野點知去到話要休息4日好傷心😭所以就轉場去左呢間都係未試過既cafe 再加上手上張傳單話有塌塌米坐又會free切餅費去到門口睇左下餐牌就決定今晚試下呢間啦😛一去到門口望入去已經覺得地方好闊落唔會有好逼既感覺左手邊有個area係塌塌米既位但我地最尾都揀左一個4人coner位坐因爲都想靜靜地同朋友慶祝生日 唔知係咪因爲d布sofa係淺色既關係都會見到有明顯既污漬感覺上有d污糟🙈🙈坐底左之後就望左下餐牌發現意粉同飯類選擇唔多小食同野飲就比較多既款式感覺上都唔錯尤其是飲品有成2大版咁多🙉因爲主角未到所以我地都坐左半個鐘左右d侍應都唔會走埋黎催落單👍🏻冇幾耐朋友黎齊曬(total4個人)我地就叫左3個dinner set同一款雞翼小食再加每人一杯野飲😛呢到好就好在唔會逼你要嗌最少每人一個餐只需要每人最低消費$40 所以會比較啱幾個friends一齊share野食或者細食d既sis~等左10分就開始上菜👏🏻👏🏻好快手d野食仲要係熱辣辣既👍🏻首先上左份蜜糖雞翼($58/6隻)先 份雞翼都幾好食一上台就係熱辣辣既再加上淋左d蜜糖汁上面所以閃令令咁😋咬落去係脆