影片
更多
2023-11-08
41 瀏覽
今日終於嚟到想食好耐嘅"喜來稀肉" 點解我會上嚟呢一間餐廳呢, 因為聽過好多朋友講都話好好食。今次我除咗叫牛護心肉、韓豚五花肉、特殊背花肉黎燒之外，仲嗌咗個豬肉湯同海鮮蔥餅黎試食。首先要講吓呢個餐廳嘅環境真係相當之大同靚，四人枱相當之闊落，服務亦都相當之好, 但係呢兩樣嘢已經值得比好高分呢間餐廳。先講講佢個牛護心，所謂嘅護心肉其實即係牛嘅橫隔膜。當中係含豐富的纖維，又略帶點油花嘅。而呢度嘅護心肉燒完之後肉質軟腍，牛肉味勁濃郁，仲帶點油脂嘅甘香，真係令人食唔停口。之後佢個韓豚五花肉，簡單啲講真係豬腩肉啦，呢間舖頭做得最出色嘅，就係因為佢真係好肥，唔怕食肥膩嘢嘅真係要嗌一碟你試吓，佢燒完油淋淋嘅口感喺你口入面充滿油脂嘅香味，真係一試難忘。題外話，如果燒耐啲兩邊更加香脆，脆卜卜口感一流。佢嘅特殊背花肉，就係豬嘅頸背肉，呢嚿肉相當之厚身，但燒落又唔會好軔，又重肉味，相較啱啱個五花肉就冇咁多油，唔想食咁肥嘅就可以嗌呢碟試吓啦。跟住就講吓啲熟食㗎啦，呢個豬肉湯呢一上到嚟呢心思思試咗一啖，的確係比較清嘅，所以呢佢都同時上咗一碟調味料俾我哋喎，我哋可以因應自己嘅口味去調教，跟住湯上個個辣醬私心講一句真
點解我會上嚟呢一間餐廳呢, 因為聽過好多朋友講都話好好食。
今次我除咗叫牛護心肉、韓豚五花肉、特殊背花肉黎燒之外，仲嗌咗個豬肉湯同海鮮蔥餅黎試食。
首先要講吓呢個餐廳嘅環境真係相當之大同靚，四人枱相當之闊落，服務亦都相當之好, 但係呢兩樣嘢已經值得比好高分呢間餐廳。
先講講佢個牛護心，所謂嘅護心肉其實即係牛嘅橫隔膜。當中係含豐富的纖維，又略帶點油花嘅。而呢度嘅護心肉燒完之後肉質軟腍，牛肉味勁濃郁，仲帶點油脂嘅甘香，真係令人食唔停口。
之後佢個韓豚五花肉，簡單啲講真係豬腩肉啦，呢間舖頭做得最出色嘅，就係因為佢真係好肥，唔怕食肥膩嘢嘅真係要嗌一碟你試吓，佢燒完油淋淋嘅口感喺你口入面充滿油脂嘅香味，真係一試難忘。
題外話，如果燒耐啲兩邊更加香脆，脆卜卜口感一流。
佢嘅特殊背花肉，就係豬嘅頸背肉，呢嚿肉相當之厚身，但燒落又唔會好軔，又重肉味，相較啱啱個五花肉就冇咁多油，唔想食咁肥嘅就可以嗌呢碟試吓啦。
跟住就講吓啲熟食㗎啦，呢個豬肉湯呢一上到嚟呢心思思試咗一啖，的確係比較清嘅，所以呢佢都同時上咗一碟調味料俾我哋喎，我哋可以因應自己嘅口味去調教，跟住湯上個個辣醬私心講一句真係好好食。
最尾佢嗰個海鮮蔥餅，用料十足，煎到外脆內軟，配搭埋個汁食，酸酸甜甜好開胃。
整體嚟講雖然呢一間餐廳個價格偏貴，但佢嘅食物絕對對得起個價錢。我已經計劃緊，下次再嚟食啦。
舖頭名: 喜來稀肉
地址: 旺角彌敦道628號瓊華中心7樓
電話: 92217200
海鮮蔥餅
$90
1 瀏覽
0 讚好
0 留言
豬肉湯
$120
4 瀏覽
0 讚好
0 留言
特殊背花肉
$188
0 瀏覽
0 讚好
0 留言
2 瀏覽
0 讚好
0 留言
韓豚五花肉
$180
7 瀏覽
0 讚好
0 留言
韓豚五花肉
$180
6 瀏覽
0 讚好
0 留言
牛護心肉
$160
3 瀏覽
0 讚好
0 留言
海鮮蔥餅
$90
3 瀏覽
0 讚好
0 留言
張貼
