Bulldog Hotdog (廣福道) (已搬遷) 新店位置

特濃芝士熱狗🌭️Lunchtime唔太餓，去左食大埔良心熱狗。今次試左特濃芝士熱狗，岩晒我呢個芝士控！！佢既芝士味好濃，同食得出有幾款唔同嘅芝士，口感好豐富，非常之享受。如果有芝士控的朋友，我自己都幾推薦，可以令全個口充滿晒芝士味！！另外加左薯角，都好香口，但份量就略嫌少左ｄｄ，如果一個成人食當正餐可能會唔係太夠飽，做tea / 宵夜就幾好嘅！！平時夜晚都見有唔少人排隊買黎食xdd見到有其他人食黑松露熱狗，好香好誘人，下次會試試！未試過食熱狗食到有黑松露，好似幾特別咁，嘻嘻！！

依間外賣熱狗良心小店長期有好多人排隊，店員態度好好，食物質素又高，所以成日嚟幫襯。特濃芝士熱狗足足用咗七款芝士（白車打、橙車打、紅波、巴馬臣、馬蘇利拉、寶伐朗、藍芝士），食落好香但又唔會覺得好重口味，芝士控一定要試下。特別鍾意佢嘅脆皮法蘭克福腸，十分飽滿，每啖都好滿足～招牌熱狗就有好惹味嘅招牌辣牛肉醬，中間夾左幾粒紅腰豆，上面就加咗芝士粟米脆片同酸忌廉，味道非常夾，食食下啲料多到跌出嚟添！午餐時段12:00-18:00加十蚊就可以有埋薯角同汽水，薯角份量多表面炸得脆調味又啱啱好，非常抵食！除咗薯角外仲可以揀芝士薯波或者洋蔥圈～之前食過佢嘅美國水牛雞翼一試難忘，不過近幾次去都係sold out，希望可以快啲再食返啦！

個人好中意食熱狗，同時又好中意食芝士。見到呢個芝士熱狗，當然係第一時間選擇呢個！用上7種芝士，每一啖都係滿足但係除左滿足，每一啖都係罪惡感，食完真係要做返少少運動先得，或者兩個人share一個可以減輕少少罪惡感既但係喜歡芝士的你，一定不能錯過，而且要趁熱食，畢竟芝士凍左真係差好遠架位置上近廣福道，都算方便。但係要注意小店係冇堂食位置，大家買完可能要係街度食啦我睇menu，其實有好多個都好吸引，真係要試曬佢

有一天途經大埔，遠遠望見對面馬路有個好突出既招牌，好奇走去望下，新開左一間熱狗外賣店，店舖空間好細少，只接外賣order，可以電話下單，今晚晚餐就試新野電話下單預約時間後，店員會俾個order no., 去到店舖再向店員講出單號才會製作熱狗，取食物等候時間約15-20分鐘，食物即叫即製，仲係熱騰騰，味道仲好好呀！我較為喜歡食韓式泡菜腩肉及日式鰻魚熱狗，前者帶辣味，非常惹味。最估唔到日式鰻魚x西式熱狗味道咁夾。特濃芝士熱狗味道不錯，可惜外賣回家後芝士已凝固了。德國風情熱狗夾了酸菜，好開胃。另外還點左炸薯角及蕃薯條，蕃薯條唔夠脆身，味道一般，薯角就帶香脆，好味得多，一定會再光顧。