Go Dutch Cafe

營業中

休息中

餐廳環境優美舒適，提供大量board game，好適合朋友同情侶聚會聯誼。- -Set for two $398二人餐包左一款小食，兩款主食、甜品同飲品，選擇超多，menu 有A3紙咁大。- -小食：避風塘脆炸軟殼蟹軟殼蟹切件脆炸，蟹身大隻厚肉，食落肉質鮮甜，酥脆可口，配合微辣嘅炸蒜，色香味俱全。- -主食：特濃龍蝦汁帶子蟹肉意粉意粉落咗超多蟹肉，味道鮮甜，帶子彈牙，而龍蝦汁濃而不膩，食落唔咸之餘，每啖都充滿龍蝦味道，鐘意重口味嘅朋友必試。-招牌原隻燒春雞配薯菜燒香雞外皮微脆香口，入面肉厚香嫩，好多肉汁唔乾身，啖啖肉食落好滿足。伴碟有烤薯塊、小甘筍同沙律菜，飽肚健康。- -甜品：榛子朱古力牛角包窩夫、士多啤梨牛角包窩夫牛角包窩夫係最近新興嘅甜品，口感比起普通窩夫更酥脆，更香牛油味道。配朱古力醬味道比較甜，而士多啤梨醬則帶有一點酸味，兩款都各有特色。- -飲品：荔枝紅茶冬天女士養生可以點杯熱紅茶，茶底香濃，加入左味道特別嘅香草，再配上喜愛嘅水果，飲落微甜清新。-水蜜桃梳打梳打加入咗好水蜜桃粒同蜜桃糖醬，飲落清甜解渴。

原來同樓下間cafe有合作，個人認為呢間好食啲。環境較暗，裝飾有花心思，有波波燈樹，桌面有啲乾花。✨味道67分，環境70分，服務都唔錯。.🔷Set for Two ($368).🔸特濃龍蝦汁帶子蟹肉意粉⭐️帶子細細粒但有好多，’蟹肉‘其實係蟹棒絲，意粉份量好多，不過個汁有太多，味道唔錯。.🔸黑松露軟殼蟹意粉軟殼蟹原隻上，咬落軟身，有別於平時食開炸到脆卜卜嘅軟殼蟹。淡淡黑松露香，都係汁太多，份量好大碟，味道不過不失。.🔸芝士肉醬焗大蘑菇菇本身唔算好juicy，少許草青味。肉醬較液態，一切開蘑菇會流哂出嚟。.🔸提拉米蘇Tiramisu幾軟熟，淡淡咖啡香，唔算濃。.🔸朱古力曲奇芝士餅芝士餅較厚實，朱古力曲奇夾芝士味，唔會太過甜。.🔸朱古力奶昔不錯，個上面啲cream有啲實。.🔸草莓奶昔⭐️值得推介，好濃士多啤梨味，飲到果肉果，味道有啲似Haagendazs士多啤梨雪糕。

距離上堂前還有一段長時間,在旺角要找坐得耐又舒適的地方唔多。靈機一閃記得登打士廣場Cafe林立,今次黎10樓的Go Dutch CafeCafe內裡陰暗特出問口的燈飾。令照片拍出黎的效果非常柔和 一定要相機食先~飲品-人馬座以柑桔果汁加入乳酸的特飲~ 大大杯酸酸甜甜~正!!主菜-特濃龍蝦汁帶子蟹肉意粉意粉有約10粒小型帶子,先用牛油香煎再加入意粉。龍蝦汁亦非常香濃野味,唯個人覺得意粉偏硬身。(小編是無牙婆婆)但整體而言亦相當不錯。小店全sofa坐,每枱可以圍坐4-6人。亦有多款小食,二人餐,是同學會的好選擇。

Go Dutch Cafe #旺角❗️中學回憶旺角樓上cafe❗️以前中學成日喺登打士廣場食嘢，真係抵食又有得玩下board game🤣不過已經好多年冇再去過，相隔幾年嚟到呢一間Go Dutch，環境比起印象中嘅旺角Cafe靚好多😛啲嘢食好味又抵食，而且仲開到凌晨四點，想玩幾耐都得😍。Set for 2 $368$368包一個小食、兩個主食、兩個甜品同兩杯$40嘅飲品，咁抵嘅價錢已經好耐冇見過❗️而且份量大到嚇親人，兩個男人食都一定好飽🤰🏻！小食揀咗健康啲嘅🥗冇諗過有極多塊煙三文魚🍣而且每一塊都好長好厚，平時一個咁嘅沙律都要$70-80，呢個咁平得來仲要係平時嘅兩倍份量，加埋沙律醬真係幾唔錯😋！味道: 3.8/5主食特濃龍蝦汁帶子蟹肉意粉🍝果然係特濃，瞇埋眼都食得出係龍蝦汁，每一條意粉都比龍蝦汁包圍着，非常香濃鮮甜🦞而且意粉嘅份量係正常嘅兩倍，再一次俾佢嘅份量嚇親🤯不過始終價錢便宜，唔好期望係高質帶子同埋蟹肉，帶子偏細粒，唔算好鮮甜，但都幾爽口，仲要好多粒。不過蟹肉就似蟹柳多啲🙈但都好有心機燒過，絕對係抵食有誠意之選！味道: 4.1/5 自家製黑松露燒春雞配薯蓉🐔應該係我見過最大隻嘅燒春雞🤩

登打士廣場咖啡店林立，這一家的食物水準可算是最高的小倍店以荷蘭作主題，全店佈滿荷蘭特色擺設如鬱金香及大風車，猶如親臨荷蘭國度店舖更提供免費無線上網、電視、電腦、Ipad、Board Game 等供客人使用，絕對是消磨時間的好地方二人套餐只須$368，包一款小食、兩款主食、兩款甜品及兩杯餐飲脆炸花枝丸外層炸得香脆，食落彈牙，可加點沙律醬中和油膩感特濃龍蝦汁帶子蟹肉意粉的蟹肉肉質鮮甜，帶子肉很軟身，意粉每一條也能沾盡美味的龍蝦汁金沙大蝦鹹蛋意粉用香濃美味的鹹蛋黃入饌，大蝦夠爽口榛子朱古力比利時窩夫餅身較厚，格子較大，較為鬆脆，外脆內軟紐約芝士餅餅面的酸忌廉有助中和芝士的厚重感，濃郁芝士味，入口細緻滑溜栗子拿鐵咖啡濃濃的烤栗子香氣與牛奶一起交融成拿鐵咖啡，搭配咖啡微微甘苦，讓咖啡變得更有層次伯爵紅茶，佛手柑與紅茶的完美結合

樓上cafe依間都算闊落，座位舒適環境寧靜，私人空間十足，坐幾耐都得，二人套餐 $368 貼地，當中菜式選擇多，食物質素唔錯，來傾計食飯最好不過。芝士煙肉黑松露焗大蘑菇厚肉的大蘑菇食落軟淋淋有汁好有菇味，釀左邪惡的芝士加煙肉碎吊一吊鹹香，無敵配搭非常好味。特濃龍蝦汁帶子蟹肉意粉意粉幼身份量唔少食極都仲有，口感煙韌，香濃的龍蝦汁意粉好掛汁好美味，少許豆苗帶來清香草青味，帶子細細粒勝在夠多粒，淋淋地唔錯，加了蟹柳絲撈埋意粉多左份口感，整體味道唔錯。自家製黑松露燒春雞配薯蓉燒春雞即叫即整，等左好耐但都值得，熱辣辣食落又幾好味。原隻雞好大隻，薯蓉兩球份量多食唔晒。雞皮香口入晒味好正，雞肉質嫩油脂焗走晒，食完唔會滿口油膩。玫瑰果茶好大壺感覺好抵飲，味道淡淡的微微的芳香，加了蜜糖較易入口。荷蘭旗色水好靚，藍柑桔加乳酸，酸酸甜甜清新開胃，睇得又飲得。比利時窩夫窩夫分左兩份，沾左朱古力醬及士多啤梨醬，外脆內軟，簡簡單單的甜品。

今日約了舊同學聚舊聊聊天，選了這間位於登打士街的樓上café - Go Dutch Cafe用膳。可以在靜靜的環境食個飯，無聊時還可以玩下card games同board games。餐廳有分兩個area，地方都頗大。我們坐的那邊牆壁上有句很有意思的說話。就好像在呼應著聊往事的話題一樣。餐牌設計都幾漂亮，有介紹一下荷蘭。飲品選擇超多！在繁多的選擇下⋯⋯我們點了一杯熱情果綠茶和熱情果蘇打～這個鴨胸沙律做很不錯，鴨胸很入味，份量也足夠兩個人分享。一直都很喜歡吃鹹蛋系食物，所以今次特別選了金沙大蝦意粉。味道不會太濃，有家的感覺。兩碟主菜中的海鮮做法亦不錯，不會有冷藏味。吃完已經開始有飽的感覺。今天晚上最後以兩個可愛的甜品作一個完美的總結。一日一個蛋糕，唔洗爭。😛

又約了朋友到Go Dutch Cafe，喜歡樓上cafe除了在這裏食飯之外還可以傾偈，玩下boardgame。Cafe位於旺角登打士街人流非常旺的地方，平日去都有滿滿的客人非常熱鬧。今次餐牌又轉了新菜式，我們點了二人套餐 $368，小食～意式肉醬司華力腸， 主菜有兩個～特濃龍蝦汁帶子蟹肉意粉和自家製黑松露燒春雞配薯蓉， 甜品兩款～榛子朱古力比利時窩夫和藍莓芝士餅， 飲品選了焦糖朱古力， 青蘋果乳酸。意式肉醬司華力腸 ～ 好喜歡這一款小食， 大人和小朋友都喜歡的， 司華力腸切成一片片， 方便食用。特濃龍蝦汁帶子蟹肉意粉～ 濃濃的龍蝦汁，入口 creamy， 配上帶子和蟹肉， 食材豐富。自家製黑松露燒春雞配薯蓉～ 開頭以為半隻燒春雞， 原來是一隻的，份量好多喎！ 燒春雞做得剛剛好， 控制到皮脆肉嫩的口感， 薯蓉有微微的胡椒香， 入口不會單調 ，推介這一款。榛子朱古力比利時窩夫和藍莓芝士餅～ 食飽之後又點少得甜品呢？ 朱古力窩夫和藍莓芝士餅做得唔錯， 味道不會太甜。焦糖朱古力～ 焦糖朱古力上面有一層厚厚的忌廉， 焦糖和朱古力兩者的味道很夾， 薄薄的一層焦糖味和濃厚的朱古力， 完全飲到兩種層次

樓上Cafe環境舒適，有好多boardgames同旅遊書，可以同朋友消磨一整晚時間。#芝士肉醬焗大蘑菇肉醬香濃，用芝士蓋面，一切開，肉醬流晒出黎，啖啖都係肉#特濃龍蝦汁帶子蟹柳意粉意粉都好大碟，每條意粉都沾到龍蝦汁，一啲都唔dry，特別中意佢既帶子，煮得非常嫩口。#自家釀製芝心煙肉雞柳長通粉雞肉切開仲可以拉絲，要煮得好食唔容易，又要煮熟又要保持雞肉唔鞋口，個人覺得算唔錯，性價比高。#德國鹹豬手配薯角豬手要等比較長時間，但絕對值得等薯角好好食，外脆內粉。#提拉米蘇 (前)     #朱古力曲奇芝士餅可能對甜品要求較高，覺得甜品比較差

今日同朋友喺旺角附近行街，行到攰攰地，就上左呢間樓上cafe到坐下食下野。餐廳嘅裝修別出心裁，用咗唔少木材做設計。我地叫左個二人餐，入面叫咗個芝士豚肉釀雞翼、特濃龍蝦汁帶子蟹肉意粉、自家製黑松露燒春雞配薯蓉同埋朱古力曲奇芝士餅。飲品方面，兩杯咖啡都幾大杯，夠晒冰凍。芝士豚肉釀雞翼外脆內軟，肉汁豐富，十分好吃。龍蝦汁意粉方面分量十足，帶子數量也不少。龍蝦汁十分香濃，配上意粉吃一流。燒春雞雖然等候時間比較長，但都算值回票價。食落皮脆肉嫩，肉汁豐富，而且春雞都算大隻。黑松露嘅味道更加豐富左味道方面嘅層次，令燒春雞更加好吃。朱古力曲奇芝士餅擺盤十分精美，食落朱古力唔會過甜，口感好rich，可可味香濃，作為今餐嘅總結十分完美。Menu: