壽司郎 (黃埔天地)

營業中

休息中

壽司郎八月限定二週年創業祭，推介11款食品當然都要試下啦日本産烤牛肉海膽 $27 烤牛肉夠腍，不過本身有醬汁，唔係好食得出海膽味。中呑拿魚魚腩配醬漬海膽 $17 同烤牛肉一樣，醬汁蓋過海膽鮮味。中呑拿魚腩係好食既。梳乎里海鰻 $12 入口溶化的海鰻，好食炙燒赤鯪 $17 燒到乾身的赤鯪，有點咬口，口感唔錯。特大三文魚腩配新洋蔥汁 $12 幾大塊三文魚，洋蔥汁味唔係好搶。特盛甜蝦 $12 之前推出過，一啖七隻甜蝦的口感。劍魚腩 $17 跟炙燒信州味噌金華鯖魚 $12 無咩特別特盛蔥花呑拿魚軍艦 $12 無貨無得試…和牛可樂餅 $17 比朋友食晒無試到…炙燒半溶芝士蛋糕 $22 面層焦糖微脆，中間芝士蛋糕有點似入口溶化，好食但偏甜。.今日黃埔店11點15分拎籌都要等兩個半鐘，真係好誇張！但都唔夠我朋友誇張，兩個人食左35碟壽司！！特大帆立貝 $27食左真係返唔到轉頭！望返$17兩件帆立貝覺得唔OK囉蟹柳天婦羅 $12 熱辣辣，外脆內軟，好抵食海膽撈麵 $32 實物與圖片不符，但都幾好食，好似食緊西式Creamy意粉咁，少少偏鹹南瓜天婦羅 擺位幾靚，五塊南瓜，多甜但略嫌太薄切，只係食到炸粉的

一路都覺得要2個月前book位食迴轉壽司真係好誇張，但係食完之後真係覺得幾抵食，個新鮮程度、味道同質素都對得住呢個價錢啊！🤩可能當日座位嘅位置係迴轉帶嘅後段，所以迴轉帶上面嘅壽司款式唔太多，我哋食嘅壽司大部分都係用tablet落單，火車送黎～價錢一樣係按碟嘅顏色黎分，最平$12，最貴都只係$27👍🏼順帶一提，壽司飯份量適中，而且飯醋味啱啱好😋•🥢雪花和牛雙味 $17呢個真係完全被驚艷到！雙味即係辣味噌同酸蘿蔔蓉，兩款都各有特色😋重點係牛味好濃，肉質完全唔韌，估唔到生牛肉薄片係咁好食🤩•🥢 北海道產海膽 $27味道鮮甜唔腥，而且口感creamy🤤•🥢特選大吞拿魚腩 $27大拖羅嘅脂肪分佈好靚，好似雪花肥牛咁～油香幾重，有少少筋但可接受～•🥢 特盛甜蝦 $12有最少6隻甜蝦唔同方向咁疊埋一齊，食嘅時候有啲唔知點落手🙈整體都鮮甜的～•🥢 炸蝦天婦羅拼盤 $27呢個拼盤有2隻蝦、2片南瓜、2粒菇同埋1塊葉(🧐)，炸皮算薄但有啲油，蝦生熟啱啱好，咬落彈牙，幾有驚喜🤩 粒菇咬落仲爆汁，好juicy😋•🥢 炸帆立貝芝士可樂餅 $17炸皮好薄，可樂餅內餡超creamy，芝士味好濃，得少少帆立貝喺入面，

5月期間限定係貝vs蝦，焦點很肯定係特盛帆立貝 $22及特盛甜蝦 $12一件壽司4粒帆立貝一啖放入口真係好好好震撼！要Encore！一件壽司7隻甜蝦都唔錯，但呢個回合都係貝Win！因為帆立貝，我一個星期內食左兩次壽司郎！另外仲試左特大草蝦天婦羅 $27>22都唔錯，但我覺得普通炸蝦天婦羅抵食啲。白鳥貝 $12無乜特別每次食壽司郎都必食醬烤鰈魚鰭邊，赤蝦，炙燒羅勒三文魚！btw我要記得早啲去攞籌！次次等幾個鐘先有得食真係好痛苦...