新麻蒲 BBQ (東港城) (已結業)

將軍澳韓國菜選擇唔多，好彩依家東港城開左呢間，星期六日中午都有lunch set，感覺即刻抵左。如果可以閒日黎仲抵，平均每個餐再平$10。呢度坐位都幾寬敞，又有卡位坐得舒服。我叫左個特級午市套餐，朋友叫左個海鮮媡豆腐鍋，我地仲心多多咁叫多份海鮮泡菜煎餅。4碟前菜送上黎時已經即刻有啲擔心會唔會點太多，因為前菜份量都唔少。特級午市套餐簡單黎講就係個極豐富既燒肉套餐，有齊多個牛既部位既肉、五花肉同什菇，連大醬湯都齊埋。值得一讚係大醬湯有專屬位置放，可以一邊”慶”住，咁食完肉再飲都仲係熱既。牛肉五花肉都”葉”得好入味，有適當既油脂又唔會覺得好肥。抽氣都做得好好，一路燒肉唔會覺得多油煙。配埋周邊既圍邊蛋、山菜同沙律，仲有個紫菜飯其實已經好飽。海鮮媡豆腐鍋有少少辣，主要有青口、蜆同豆腐。豆腐好滑嫰，湯撈飯好快就食完。海鮮泡菜煎餅大大份，配埋個汁俾你點。佢唔係煎到成塊好脆個款，係中間軟外邊脆，而且幾足料。熱柚子蜜加埋檸檬真係第一次見，原來係好好飲架喎，食完飲完真係超級飽。

今日午餐想吃好一點，於是來到這間韓式餐廳。雖然是星期六，但這裡仍有提供午市套餐。有燒肉、拉麵、冷麵，其他飯及湯麵等等，款式多多，所有套餐更有優惠買3送1呢，可惜今天只有2人前來。我們選了特級午市套餐，芝士炒年糕伴拉麵及海鮮泡菜煎餅，吃到超級飽呢﹗不要忘記還有豐富的4前菜，最好吃的是海帶，有點酸酸的正好開胃。特級午市套餐特級午市套餐是最豐富的燒肉午市套餐，包含牛霜降肉、牛肋排、新麻蒲護心肉、新麻蒲五花肉、什錦菇類及海鮮大醬汁。有牛肉豬肉，又有什菇，還有大醬湯，吃完已經很飽。肉類方面我最欣賞護心肉，肉質軟淋，肉味濃郁，燒一會已經香氣四溢。大醬湯有點少辣，但很足料又惹味。套餐還提供了沙律和山菜，可以用作包肉一同吃。芝士炒年糕伴拉麵芝士可以拉絲，年糕煙韌而且數量不少，拉麵很有咬口不會淋，配上少辣的醬汁令人吃到停不下來。海鮮泡菜煎餅混合了泡菜變成橙色很吸睛，煎餅偏軟身，但邊邊位置仍有少脆，而且吃得出泡菜味道。這裡通風系統做得不錯，抽煙機可以拉得很低即時抽走油煙。而且店員都很殷勤，吃得很滿足的一餐。

近排返工辛苦,唔想留係office,所以同同事去左坑口食lunch😋食lunch 時間比較flexible 所以揀左去食韓燒。Lunch time 唔洗等位直接入得，地方都幾大但唔算好多人食，我地2個人坐4人枱，唔洗咁迫。我地叫左一個豬肉套餐、一個特級午市套餐share 食，爐邊仲有得煮蛋漿，非常地道。豬肉套餐($98): 護心肉、秘製豬頸肉、什錦菇類、紫菜飯特級午市套餐($168): 牛霜降肉、牛肋排、護心肉、五花肉、什錦菇類、海鮮大醬湯、紫菜飯護心肉係豬既橫隔膜同肝之間，每隻豬都係得好少，所以好矜貴。燒完出黎既護心肉，油分不多，爽滑彈牙!牛霜降肉: 油質部分比較少，口感嫩細食左咁多肉，都仲有生菜同海鮮大醬湯中和下，唔洗食到滯哂!!