立体派拉麵 (威靈頓街)

營業中

休息中

拉麵向來是日本國民美食，就算在香港的受歡迎程度多年來持續不減，這晚就來到位於中環的立体派拉麵來碗暖呼呼的Comfort food。Ramen Cubism立体派由日本冠軍級拉麵大師林隆臣主理，一直人氣高企，店面面積較細，座位不多，遇上peak hour人多時亦有可能要排隊。餐牌亦是獨沽一味賣拉麵為主，但不時會推出期間限定新品，為傳統拉麵帶來新穎變奏。枱面上放有清水，可以自斟自飲。特級白湯拉麵（大）$118湯頭呈現淡淡的金黃色澤，口感黏稠略帶膠質，猶如喝下一碗滿滿的膠原蛋白。大大片的低溫慢煮叉燒，切得很薄身，肥瘦相間，脂香滿瀉，肉質軟嫩不死實。附上對半切開的流心蛋，軟嫩蛋白包裹著半熟晶瑩的流心蛋黃，滿溢香濃蛋味。九味醬油湯拉麵 $98琥珀色的湯底呈現澄澈透明感，由九種特級醬油熬製而成，味道甘醇不死鹹，迸發出獨有清鮮味更具層次感。配上賣相猶如中式東玻肉的汁煮厚切叉燒，橫切面清晰地展現豚肉與肥脂的工整紋理，經長時間燉煮後肉質軟腍入味，入口即化。粗身曲麵質地爽彈帶咬口，掛湯力更強，盡吸醬油湯底精華，即使浸久了也未有變軟。自家製餃子 $48拉麵配餃子可說是永垂不朽的經典配搭，一客有五件，佐以酸甜

知道中環威靈頓街有一間好出名既拉麵店「立体派」，拉麵店有兩位來自日本既大人物，林隆臣和松村貴大，喺日本拉麵界都好犀利同出名，所以一直都好想黎食。今日難得放假，終於扚起心肝，同女朋友黎試試佢地既拉麵！ 餐廳裝潢好有日本既Style，外面就畫左啲好靚既壁畫，食拉麵之餘仲可以打卡影相，真係無得彈! 我地2個人一人叫左一個拉麵，一個小食同埋2支野飲。 特級白湯(大) 佢一上枱真係嚇親我，個碗勁大個!!!擺盤非常靚，佢有3塊叉燒、1隻蛋、筍同蔥。 -湯底有濃郁既雞味，而且唔會太油膩； -麵條係幼身既，煮到軟硬適中，質地彈牙。 -叉燒周圍醃左小小黑椒，輕微燒焦過，食落燒過既黑椒香味，因為佢無落過重既調味，突顯到叉燒本身既豬肉香。 -溏心蛋醬油味醃得入味，甜甜地，蛋黃流心，做得好出色。 -筍有鹹香，較出面拉麵鋪食到既入味好爽脆。 極上芫荽醬油湯拉麵 佢係芫荽上放左辣椒乾，紅綠對比既擺盤好搶眼。 -湯底方面，清甜、有淡淡醬油鹹香加芫荽香，我呢個“芫荽控”好鍾意!!-芫荽份量勁多，每塊芫荽都大大塊，好新鮮，所以味道清新~ -麵條同樣彈牙，叉燒有肉香，筍同樣爽脆~ 自家製餃子 一碟有5隻，俾左豉油同辣椒油

小編今日喺去玩之前，就緊係要去醫飽個肚先啦🍴。而今晚難得嚟到中環一帶，點都一定要試吓中環呢區嘅拉麵🍜，因為上網見呢度都有好多出名嘅日本拉麵食㗎。今次小編就嚟到一條巷仔位隱藏咗既一間拉麵店，行入去就會見到呢間「立体派拉麵」🏠。而餐廳入面有一款拉麵係以芫荽為主題🌿，但小編就對芫荽就冇太感興趣，唔知大家會唔會鍾意食芫荽呢種味道呢?✦✦✦✦✦✦✦✦✦✦✦✦✦✦🎈特級白湯(大) $118小編就決定叫咗另一款 - 白湯拉麵🍜，仲要特登叫大款想試吓大碗拉麵又有啲咩分別先，小編個人認為拉麵嘅一般份量1.5倍到，入面同樣都有叉燒、筍片同溏心蛋，不過大拉麵就有一隻溏心蛋🥚，配料都同樣多啲。係味道方面雖然入口有少少苦澀味，但呢種味係由原汁原味豬骨熬出嚟先至有咁白既色亦有原味✨，雖然湯底出色，但亦未有太大令小編深刻既感覺😲。✦✦✦✦✦✦✦✦✦✦✦✦✦✦小編比較喜歡餐廳既室內環境，泛黃既燈光🌟，木質檯櫈，同餐廳保持湯底自然原味既感覺好似。另外，就係芫荽拉麵好特別，芫荽愛好者絕對要嚟一試👀，無乜日本餐廳可以食到呢款拉麵，好新穎。而且餐廳位置係窄巷到，行大街未必易見🛣，細心搵一搵先會搵到，希望大家有機會嘗試到啦🤲。

喺香港食到嘅雞湯拉麵唔多，但間間都各有特色，之前介紹個好龍嘅雞白湯鳥華亭，今次介紹嘅係嚟自日本大阪嘅冠軍級拉麵立体派。依間拉麵之所以係冠軍級係因為主理人係拉麵大師林隆臣，拍住日本廚藝界領袖人物松村貴大。林隆臣係大阪塚本駅既排長龍人氣旗艦拉麵店「創作らーめんStyle林」，松村貴大喺日本擁有八個拉麵品牌。-🍜 特級白湯(大) 💰118（👅: 9/10）呢款係唯一林隆臣推介既拉麵小，有得揀大同小，大同細分別在叉燒數量同有冇蛋，而份量唔差太多，大既個碗好大，食落個份量正常，足夠正常人食飽。食拉麵第一樣是會試佢個湯，師傅堅持用地道同天然既食材熬製湯底，湯底用肉汁豐腴既日本米鴨丶有機飼養既京都丹波地雞同由昆布職人獨家為林隆臣採摘既籠目昆布精製而成，所以雞白湯飲落非常濃同鮮甜，溫度足夠，偏重味，個人覺得係可以接受既鹹味，第一啖飲會有啲鹹，但再飲會飲到雞湯既味，飲落唔覺油膩，比起一般豚骨湯底冇咁油膩，幾滑幾香，有少少奶油嘅香味，我覺得係可以飲哂既雞湯。麵係偏粗，唔係九州個種細麵，微曲，聽講兩位拉麵大師特別選用優質既日本小麥粉、雞湯同雞蛋自家手造心目中最理想既中等粗度麵條，軟硬度無得選擇，傳統日本拉麵

聖誕節去到竟然唔洗等位實在太幸運！雖然拉麵款唔係好多但都係有選擇困難症，每款都好好味😂 staff超nice同我地介紹，仲suggest份量點叫，好難得我地叫左大白湯，staff話大同細分別在叉燒數量同有冇蛋。先講湯底，非常甜嘅雞湯，女仔飲落完全有種被滋補嘅感覺！叉燒雖然得三塊但都好中塊亦唔乾另一款係醬油拉麵，本身好糾結叫唔叫呢款，因為醬油拉麵中伏過太多次。好彩，呢次真係好食，有醬油味但完全無「豉油溝水」嘅感覺，亦唔會覺得淡味，配埋厚叉燒食同佢個汁，有種提升左嘅美味😂講埋叉燒真係真係好rich 好冧同入味好正..不過食到後面好濟😂😂，下次霸食白湯會叫細份，咁就應該差不多而家唔係好多地方有雞軟骨餃子，純粹鍾意食

特級白湯（大）$118湯頭非常好飲 拉麵索晒味但仍保持彈牙 叉燒味道偏向淡薄 更突出湯既美味🥰九味醬油湯拉麵（松村貴大之推介）$88好啦 鄉民如我不知推介者是誰 總是有人推薦就是啦 重點係 真係好好味 湯頭唔死咸 啲筍吸晒味 平日唔愛筍即我都忍唔住一口接一口 拉麵亦係索味彈牙 另外個肉又係不得了 入口即溶又唔膩😻自家製餃子🥟 $48一口多啲既size （大口如老公一口放得晒😂）皮薄煎得香 肉亦唔散收收 好食自家製番薯脆波波 $38呢個有驚喜 根本就係番薯蓉砌成既波波 入口唔熱氣唔乾身 本身仲想試鯖魚湯果款 但2半後供應 畢日再戰

舊年新開從曰本開過來的拉麵店，12:15pm去到不用排隊，即管試一試。我點了特級白湯拉麵（$118) 極有期望因為食評都讚口不絕。湯底都幾鮮味，不是清甜的那種。叉燒肉切得好薄，不會好油膩，醬油蛋都不錯。可惜說是大size,就是個碗好大，及麵多小小。朋友點了醬油清湯拉麵（$88），她說湯底不油膩，頗清。本身真的好想試他們的冷熱鹽味拉麵，可惜已沒有了。午餐餐牌亦只得五款的拉麵可以選擇，吃了不久已開始有人龍排隊，所以當我差不多吃完，店員亦提示我們他們希望我們可以快些給回他們枱再做另一輪生意。一般來說，不是十分吸引的拉麵，但一試也無防。

冠軍隱世拉麵@中環依間冠軍級拉麵店喺威靈頓街轉入去嘅地庫，因為外牆搵 artist 搵滿咗壁畫，都唔係好難搵。其中一幅畫正是來自大阪嘅拉麵大師林隆臣，即係創辦人老細是也，佢攞過好多拉麵比賽冠軍㗎！至於店內都同樣瀰漫住藝術氛圍，以水泥牆拼木枱凳，牆身又掛咗不少油畫。林隆臣推介嘅特級白湯一出場，我哋就畀依個巨型拉麵驚艷到，不過細食嘅話可以點細碗版本嘅，所以唔怕食唔哂。湯底以有機飼養嘅京都丹波有機地雞、日本米鴨同函館籠目昆布熬成，單單係昆布都係用高級嘅貨色，難怪特別鮮味。而麵條就用咗優質日本小麥粉、雞湯同雞蛋，以由日本引入嘅傳統製麵機手工整成，麵質彈牙！叉燒同溏心蛋都係拉麵中嘅重要角色，總共有三大片經過真空慢煮嘅薄切叉燒呢，溏心蛋都係一整隻。依道嘅叉燒顏色比較粉嫩，食落好柔軟輕盈，好有特色。而溏心蛋蛋黃帶點甜甜哋，味道都幾好～侍應喺個外賣嘅懷舊「出前箱」攞碗拉麵出嚟，好似睇緊日劇咁，好鬼過癮！依個黃金味噌拉麵係得獎作品，贏過好多拉麵冠軍，湯底係雞湯底再加上幾十種日本不同縣嘅味噌調製而成，味道濃厚帶少少辣，風味十足。日式巾着係成個福袋咁嘅腐皮，包咗粉絲、蒟蒻同香蔥，個樣幾可愛。中間嘅肉醬味噌鹹

老友又係突然現身嗌食飯, 兩個麻甩佬, 中環食乜好?🤔無IGable既閃亮需求🎆但又唔想去到茶記佬飯既頹勢👴最後揀咗「立体派」拉麵🍜  好彩12點前黎, 呢間位於蘭桂芳附近冷巷既拉麵未有人排隊👻印象中呢個位置都做過唔同既酒吧, 呢家都變埋食肆。外牆既畫好特別🖼 應該係想用圖畫講拉麵店既故事⁉️ 要入內, 除外室外既樓梯, 內堂都有一段小樓梯要你爬↗️門內係一排面對面既位置, 木做既枱櫈加埋和暖既黃燈, 仲有牆身掛畫都有文青風格。中環地段始終位置都係安放得迫迫夾夾, 坐得唔太舒服🙄 拉麵既款都唔少, 可惜最得意既雙鹽味要2點半後先有😔揀咗大特級白湯拉麵, 上枱同MENU 既相係九成九相似, 擺盤個位好有心機🤩 擺盤係好睇, 先睇湯, 湯既量唔多夠❎僅僅浸過表面, 可能賣相有關😑色澤偏暗啡, 應該麵豉佔得多。味道上, 少少鹹味中間有少許麵豉味道, 但就搵唔到豬骨清甜🤨 麵身係幼而微曲, 可以掛湯, 但湯底平凡, 再掛都無用😒 溫泉蛋🥚 同叉燒🐽 係求回分數既一欄, 蛋上枱都仲保持到流心; 三塊薄到透光既叉燒肥瘦均衡, 質地亦保持平衡, 咬口好, 反而同個麵豉湯底配得唔錯😯 餃子係驚喜一環, 平

中環最近竟然開了不少拉麵，立體派在中環掀起了一股拉麵熱潮，不少朋友在社交平台打卡，令我忍不住來這裡朝聖。餐廳門外的牆壁畫上了關於拉麵大師的壁畫，餐廳座位多元化，靠牆的是雙人座位，餐廳中央有一排長檯。除了拉麵，還有不少小食和飲品選擇。⭐️特級白湯（大）$118湯頭呈奶白色，入口濃厚而不膩，很鮮甜。低溫慢煮叉燒大大片，肥腴卻不膩。麵條帶著韌性，入口彈牙，還吸附了香濃湯汁。加上流心蛋，整體很滿意！也一改我對白湯淡而無味的印象！⭐️雙．禁果之鹽$138這碗雙子麵的份量不少，左邊是熱湯，右邊是凍，先吃熱，再吃冷。冷湯底以魚貝類配以醬油熬煮，味道清淡。熱湯底以海鮮鹽醬汁及甲殻類的精華熬煮，味道偏淡清甜，我較喜歡熱湯底。⭐️自家製隆臣餃子$48豬肉餡，外脆內熱。⭐️自家製蕃薯脆波波$38蕃薯外面微微炸過，蕃薯甘甜，粒粒貨真價實。⭐️天領水$28純水入口甘甜，很順口，比一般水好喝。⭐️波子汽水$28童年回憶的有味汽水。

拉麵新貴「立体派」由日本拉麵界冠軍級人馬林隆臣及廚藝鬼馬大師松村貴大於香港創立，通常背負如此名號的過江龍都是雷聲大、雨點小，今次會不會例外？位置有點難找，瑟縮於鏞記及蘭桂芳翠華附近的小巷地庫。🍜汁煮厚切叉燒 $38先上的是另外加的角煮，厚身的五花肉肥瘦適中，燜得入味亦入口即化。🍜特級白湯（大）$118湯碗大如臉盆，鋪上三塊低溫慢煮叉燒，的確有點立體，叉燒接近半肥半瘦，鬆軟有肉味帶油香，加上淡淡的黑椒味，甚有水準，拉麵是自家製中粗微曲麵，彈牙之餘掛湯力不俗，而「立体派」的殺手鐧絕對是湯頭，以日本米鴨、丹波地雞、籠目昆布等等熬製，有別於傳統豬骨湯的濃烈霸道，取而代之是甘甜溫醇，吃畢留下絲絲餘韻。