立体派拉麵 (棉登徑) (已結業)

男友係拉麵控，又係試拉麵既時候，本身係想黎試佢個雙子拉麵，但因是期間限定，已經無左，所以喜愛白湯既男友選擇左*特級白湯拉麵*佢個碗真心好大個，有3大片叉燒，仲有一隻溏心蛋，呢個白湯係濃雞骨味，但飲落清清地咁，拉麵方面就無軟硬度既選擇，屬於粗曲既拉麵。湯底味道其實ok，但因之前試過另一間白湯，仍然覺得未能超過😬而我見佢「冠軍」咁犀利，當然會一會佢🤪湯底紅紅地，比較惹味，有d香菜配搭解油膩，叉燒帶有少少咸香，淋香易入口。而個腐皮袋，裡面係一d碎碎既粉絲同韭菜，其實口感幾過癮，腐皮又索滿湯汁，但實在係大舊，食唔晒。中間既一團肉醬，拌勻後，成個感覺即時變左中式炸醬麵既味道。以味道方面，個人就麻麻鍾意，因為都算幾濃味下，純粹個人感覺。日式餃子比較少d加入韭菜，但我鍾意❤️內餡豐富，鬆軟。而黑豚腩肉燒得幾香口，有彈牙既腩肉脂肪，加上麵豉帶味，不錯哦！其實另外仲叫左個*名古屋風雞翼*，無影到相，因為味道真係差d，本身見佢好似燒得幾香咁，一咬落去真係好甜好甜，完全食唔落去甜到，呢個就有點失望了。

由日本冠軍級拉麵大師林隆臣親自監製-創作らーめん style林 塚本本店的香港店，有心製作的拉麵，很濃的豬肉白湯🍜，比其他出名連鎖的拉麵店好食。😋😋………………

人氣創作拉麵品牌「立体派」香港第二分店自年初立体派在中環開設旗艦店試食過後，感覺特別深刻，現又於九龍尖沙咀開分店決定再度一試。特級白湯拉麵（大）個碗真係好大，份量相當充足，湯底用上日本米雞，味道濃郁偏鹹拉麵亦軟硬適中，粗身拉麵配上半熟玉子同三大片薄身慢烘叉燒，肉質香軟黃金味噌拉麵今餐重頭戲係呢碗日本冠軍級拉麵大師林隆臣從家鄉大阪帶來風靡全國的「黃金味噌拉麵」，獲獎無數。精髓所在的味噌湯底，以免治豬肉，蒜頭，醬油，砂糖及牛奶調味，甜中帶辣的口味配料除左有慢煮豬肩仲有一個好似福袋咁既和食稱「着」，裹面係有經調味的香葱，生薑，粉絲和药等作餡料，打破傳統以年糕作餡料的版本炭烤叉燒肥瘦適中，配上麵豉香葱更加惹味名古屋風雞翼$ 38名古屋風雞翼。味道真係好好，甜甜地又夠Juice最後要提既係店長非常之風趣幽默，好主動地向客人介紹食物，而且好識得搞氣氛，服務非常親切，喺度食嘢會食得特別開心