天ぷらまきの

營業中

休息中

【抵食超滿足天婦羅推介】呢間都開咗一段時間但每次都好多人！所以每次我都放棄😫原來可以用THE POINT個APP攞定位🤣所以今次成功食到！因為上次食過間排隊天婦羅店，勁失望😭所以今次無期望咁食！點知勁SURPRISE 🥰好食好食！佢哋嘅天婦羅料理係用自家特製炸漿粉，所以同出邊嘅唔同🫢表示食多幾次都得😋超滿足‼️.🍴特選天丼 丼飯可以叫佢再俾多啲汁！加巨量汁食超JENG😍天婦羅炸得勁出色夠晒香脆！炸粉仲好薄，唔會話好油！呢款丼飯有超多料，包括虎蝦3隻、海鰻、魷魚、南瓜etc🍤日本雞蛋天婦羅流心，一放入口就流晒出嚟，蛋味濃郁，超邪惡🥚總結係超推介❗️.🍴海鰻海鮮天婦羅盛合 佢有幾款盛合 ，全部都勁大份超多料🤩平時唔食南瓜嘅我覺得呢個南瓜甜甜地好食🎃表示我食10隻天婦羅虎蝦都得🤩.🍴稻庭烏冬有得揀冷同溫🍜今次揀冷🧊夠曬煙韌😋中和返天婦羅邪惡感😛.💡仲有好多好少見嘅天婦羅款式.💡份量大又足料-💎推介指數: 💎💎💎💎💡性價比:✨✨✨✨🍴ENCORE指數: ⭐️⭐️⭐️⭐️-

呢度嘅《特選天丼》食材好豐富，總共有8款天婦羅食材，包括一個流心「炸蛋」，食到咁上下，夾開個蛋，蛋黃漿流出來撈飯食！相比起喺其他餐廳食嘅巨型天婦羅魚，我比較鐘意呢間唔同種類嘅細魚塊配搭，而且啲魚都係比較嫩滑，有魷魚、鰻魚、海鰻等等… 詳細可以睇餐牌。而且蝦喺大條，有口感，終於唔喺食炸粉（當然唔可以同日本食嘅相比）。雖然呢餐熱氣，但間中食到咁豐富嘅食材真喺好滿足！《紫蘇牛柳》真實個樣同張相好唔同，但有份量4粒，都算合理。食第一粒牛果時，有一種好濃烈嘅味道喺口腔內，但唔係牛味，又唔肯定係咪紫蘇葉嘅味道，唔知係咪炸咗後，味道會咁樣。食第二粒時，味蕾就覺得食落冇咁濃烈，似乎食得出兩者之間嘅合襯。

-【#🦊🐰30秒食皮：新店速遞！咁多天婦羅入邊最推薦虎蝦！每一件炸粉都好薄，入邊又保持到鮮味同埋濕潤，非常高質！食到好飽🤣🤣另外食嘅時候推薦點蘿蔔蓉醬汁！😋真係會升華咗去另外一個層次🤤店面亦都俾人感覺非常好，好似真係喺日本到食緊嘢咁🤣】#foodtalkpia講夜晚食what好🍚 #foodtalkpia_沙田✨近排喺沙田新城市廣場新開咗間關西過江龍天婦羅專門店😋日日都大排長龍，搞到我哋好好奇究竟係咪真係咁好食！結果打風嗰日就走咗去食🤣所以都唔使點排就食到🥳我哋四個人食，幾乎成個lunch menu比我哋食晒🤡不過之後我哋先發現原來dinner menu係多咗啲小食/單點，後面啲定食價錢同款式都係一樣的！所以決定咗要二訪返嚟再食埋啲小食同埋甜品😂（請期待下集🫶🏻）*當日冇晒鰻魚同埋魷魚，分別轉咗做軟殼蟹（半隻）同埋帆立貝（兩樣都正合我哋胃口😂反而係upgrade😂）🐰 特選天丼 $178 +$48 烏冬（凍）經過🐰頭腦嘅精密計算😎特選天丼算係食到晒所有天婦羅嘅定食！（所以係最貴嗰個）不過佢有樣嘢唔好就係冇得個飯轉烏冬🥹由於我真係好想試吓佢呢度啲烏冬所以最後決定加$48單叫一個烏冬🤣係

日本菜一向係亞仔嘅至愛，呢間天婦羅專門店佢已經留意咗好耐，終於係上個星期開舖喇，咁就梗係第一時間就去捧場啦！是日係星期日，已經預咗會有好多人去試新餐廳，我哋已經特登揀午飯後時間至到，誰不知條龍仲係非常之長，我哋足足等咗一個半鐘先至入到座。等位嘅時間已經睇好咗餐牌，因為係特登嚟食天婦羅的，所以就專注睇佢嘅天婦羅定食。亞仔嗌嘅係特選天丼定食，一次過食晒所有嘅天婦羅。定食有碟細漬菜，麵豉湯，天婦羅有虎蝦，鰻魚，菇，魷魚，南瓜等，仲有一個流心鷄蛋。不愧係過江龍天婦羅專門店，新鮮的食材沾上超薄嘅粉漿食落脆卜卜，一啲都唔油膩，反而食到食物的鮮味，尤其是係個魷魚，炸得好又非常之爽口。仲有就係個份量非常之足夠，整個丼飯嘅擺設非常之吸引，令人睇到就食指大開。我就嗌咗個天丼蕎麥麵定食。坦白講我個人就唔係十分之鍾意食天婦羅，今日純粹係為咗陪個仔嚟試食新嘢。雖然如此，但係呢個天婦羅的而且確俾咗我驚喜，因為實在係炸得好脆口。蕎麥麵就中規中矩，反而係個漬物又真係幾好食，個麵豉湯亦都好鮮甜。唔記得講個蛋，冇諗到個丼飯里面有個流心蛋，抵讚！埋單連加一盛惠$370，所以唔係平。新張期間，每個人客都送咗件炸蝦天婦羅造型毛