本延鍋物

營業中

休息中

呢間餐主打一人前日式涮涮鍋套餐，分別有牛肉同豚肉套餐選擇🍲💗特選牛板腱套餐 ($168/ 120g)選用美國牛板腱，肉質相對有嚼口，肉味特別濃郁🐃💗日本黑毛和牛A4套餐 ($238/ 120g)選用日本頂級品種「和王」和牛，油花呈雪花紋理，肉質軟嫩細緻，接近入口融化，脂香四溢🐂💗每份關東風壽喜燒套餐另配有綜合時蔬(冬菇、金菇、娃娃菜、日式蟹柳）🥙、日本雞蛋🥚、飯(+$15可升級轉烏冬)🍜、蟹籽蝦滑🦐、甜品(抹茶蕨餅)

❀ 本延鍋物 #灣仔 ❀❗️灣仔新開一人一鍋❗️——————————————————天氣開始轉涼，最啱就係打邊爐🍲最近灣仔新開咗間主打一人一鍋嘅餐廳。午市只提供壽喜燒湯底，不過可以選擇牛板腱 $168、豚肉 $168、A4黑毛和牛 $238。晚市仲可以揀唔同湯底，分別有昆布辣味湯、關東風壽喜燒、日式昆布上湯。質素都唔錯，可以過下火鍋癮。.✷𝑀𝑒𝓃𝓊✷☞ 日本黑毛和牛 A4 套餐 $238兩個拼埋一齊就明顯見到和牛嘅雪花都好多，而且分佈平均。店員建議輕輕煮8秒就可以，入口都接近即溶👌🏻.☞ 特選牛板腱套餐 $168呢個嘅肉質就明顯紮實啲，不過就冇咁油膩，食多幾塊都唔會膩🫶🏻.壽喜燒湯底比較清甜，如果可以濃啲就更加好🤣每個套餐會另外配上蔬菜籃、蝦滑，配飯或者加$15轉做稱庭烏冬。不得不讚佢哋嘅蝦滑真係非常鮮甜又彈牙。最後仲有煙韌嘅抹茶同埋黃豆粉蕨餅作結☺️——————————————————✨整體味道: 3.8/5 ✨環境裝修: 3.8/5✨服務態度: 3.5/5✨性價比: 3.8/5✨再訪興趣: 3/5 .💞整體來講想打邊爐但係人少少可以考慮吓呢間，價錢合理，質素不過不失，分量絕對夠飽肚。

開業半年嘅shabu shabu，歐式圓拱門以及雪白清雅嘅用色，反倒似一間咖啡廳。午市只供應三款套餐，較瘦嘅特選牛、油花較豐富嘅日本和牛以及一款豚肉，即使唔食牛嘅客人都唔怕無選擇，湯底只有主打嘅Sukiyaki。今日剛好遇上推廣，選用第一款套餐免費升級做同樣瘦削但口感更嫩嘅和尚頭。套餐計算過一人份量，恰到好處不飽滯，包含物為一碟牛肉、蔬菜拼盤、生雞蛋蘸料、蝦滑、烏冬及伴食用胡麻醬。牛肉有四片，厚度適中，卻比一般火鍋牛肉大片及長身，一片等於坊間兩片份量，肉佔比多、同時夾雜些許油花。牛肉片面積雖大，但電池爐火力夠，加上鍋唔大，好快就滾起有得食；肉有肉味，嫩身又帶瘦肉特有嘅鬆化口感，又不同於本地手切牛嘅咬口，介乎中間，配合甜咸兼具嘅醬油湯，令肉香更明顯突出。蔬菜籃非常豐富，各種綠葉、蘿蔔菇菌加上蟹棒，合乎營養均衡嘅標準👍🏻唔覺唔覺其實都幾飽，一餅烏冬都食唔哂，烏冬略嫌未夠彈牙，下水一分鐘，撈起都偏軟爛，但配胡麻醬真係天作之合，頓時惹味加倍。最尾樓面送上黃豆蕨餅作飯後甜點，煙韌彈牙，淡淡豆香清而不膩，正好為呢餐盛宴作結。