十八座狗仔粉 (已結業)

突然好掛住狗仔粉，即使外賣平台貴一貴都要嗌叫咗中辣，平時食得辣嘅我都頂唔順，好辣..菜脯真係好好食，如果可以一樽樽買就好了~另外有叫魚蛋，感覺一般，無乜驚喜，不過可能個人口味問題~

鋪面對住大馬路 沿住裕民坊上就會見到 唔算係好難搵入到鋪叫左狗仔粉同鴨肉翅撈粉，撈粉都係用狗仔粉。佢枱面上會有啲調味料比你撈狗仔粉食，最特別既一定係辣菜蒲！ 係佢地自製既辣菜蒲。唔食得辣我建議真係落少少就好，因為真係好辣，但落左真係香好多，好好味 平均30$ 左右一兜粉/翅。價錢都算合理，食完都夠飽

十八座狗仔粉🤔，個招牌名甘特別嘅，甘岩見肚餓，就食你，睇下你咩東東？細碗$22，大碗$29，皆因未食過，怕中伏，都係叫細碗隱陣。雖然話細碗，不過都唔細，份量都合乎價錢。至於味道都非常唔錯，好重豬油香味，菜脯都好夠脆好夠入味，除批之外，有少量冬菇片同豬油渣。D粉就有D似烏冬，粗粗的，不過就係一少條一少條，終於都明白點解叫狗仔粉，因為佢D粉嘅長度好似狗仔條尾甘，短短的，一少條。狗仔粉確實係唔錯嘅街頭小吃👍🏻！

有日好趕時間，又無咩錢，就去食狗仔粉。入到去d位好逼，背貼背，侍應行過都會掂到，但人唔多，一去到就有位。叫左碗細狗仔粉同燒賣，個粉味道幾好，菜脯好爽口，份量對一個女仔黎講剛剛好，係賣相差d，個湯有d似糊仔。後來先知外賣好唔抵食，大碗價錢但得細碗size，食一個真係唔夠飽，利申我係好細食。另外叫左個魚肉燒賣有驚喜，唔係街邊普通燒賣質素，好大粒又有魚味，又唔粉，價錢同狗仔粉差唔多，5-6粒，燒賣黎講叫係貴啦